حبه اوبشن كده لايمى الجميله

[midooo_119]

طبعا الناس عارفه الاوبشن الى موجود فى ايمى لكن فيه حاجات صغيرة مش كتير يعرفها غير الى جابها و حبيت اكتب عنها عشان تحبوا ايمى اكتر

1- لما تيجى تقفل بالريموت بتنور من غير صوت لكن لو انت مش شايفها دوس عالزرار القفل 3 مرات بسرعه تعملك صوت عشان تعرف مكانها
2- المرايتين الى عالجنب فيهم سخان بيشتغلوا مع تسخين الازاز الخلفى
3- الشنطه مالهاش مفتاح لكن لو الكهربا فصلت بتتنى ظهر الكنبه و تفتحها بايد من جوه
4- لما تفتح الشنطه او الكابوت بتنور عندك فشاشه البيانات
5- الاوتو لايت هو حساس للنور وده بيبقى فدراع النور وظيفته انك لما تكون ماشى فنور يبقى نور الامامى مطفى اول ماتنزل فنفق او جراج ينور لوحده
6- لو فيه باب مفتوح وانت مش واخد بالك اول ماتزيد عن سرعه معينه تلاقى صوت انذار اشتغل ينبهك
7- اللمبتين الى فوق السواق لو نورتهم و نسيتهم و نزلت قفلت العربيه شويه و بيطفوا لوحدهم
8- لو انت بتجرى و ضربت فرامل جامد الانتظار بيشتغل و لما تمشى بيطفى او انت ممكن تتطفيه
9- لما بتيجى تفتح العربيه بالريموت العربيه بتنور لو انت قبل ماتقفلها مخلى الشبورة شغال ينوروا لما تفتح و لو انت مش مشغله ماينوروش لما تفتح
10- لما تزود عن 120 كم ايمى بتديك جرس 3 مرات تنبيه
11- العربيه فيها ايموبلايزر يعنى ماتدورش غير بمفتاحها من الاخر كده الى عاوز يسرقها يجيب ونش ويشيلها
12- اجمل اوبشن بقى بالنسبالى للى بيحب الشد و الغرز زيى دراع الاشارة لو انت عاوز تاخد غرزه مش لازم تجيب الدراع عالاخر و بعد ماتعدى تتطفيه انت بس نزله سنه صغيرة الدراع هيرد عالطول و الاشارة هتنور 3 مرات و تتطفى لوحدها

مع تحياتى

[Ahmed_Ramadan]

ظريفة جدا الحاجات ديه على فكرة ... هى العربية ديه عاملة كام دلوقتى ؟

[midooo_119]

ظريفة جدا الحاجات ديه على فكرة ... هى العربية ديه عاملة كام دلوقتى ؟

تقريبا الفاميه 83500 و العادى 82500 الف

[هانى ظرف منصور]

عربيه ممتازة

[M I D O]

موضوع رائع يا باشا كالمعتاد

[midooo_119]

بالنسبه لاوبشن رقم 7 انا كنت شوفته فالجروب عالفيس واحد هو الى كاتبه امبارح قلت اجربه قعدت مستنى بتاع 4 دقايق مطفتش اللمبه الى فوق السواق فبعتذر لان الاوبشن ده مش موجوده

[M I D O]

بالنسبه لاوبشن رقم 7 انا كنت شوفته فالجروب عالفيس واحد هو الى كاتبه امبارح قلت اجربه قعدت مستنى بتاع 4 دقايق مطفتش اللمبه الى فوق السواق فبعتذر لان الاوبشن ده مش موجوده

لا كدة مش نافع بقي
ولا يهمك يا باشا و الحمد لله عندنا اوبشن كتير مش هتقف علي الاوبشن دة

[Nabil media]

ربنا يرزقكم خيرها ويكفيكم شرها

[M I D O]

ربنا يرزقكم خيرها ويكفيكم شرها

اللهم امين يارب وربنا يخليك يا باشا

[midooo_119]

اوبشن كمان انا جربته .. لو انت نسيت الكابوت مفتوح او الشنطه و نزلت و قفلت العربيه بالريموت هتتقفل عادى لكن 5 ثوانى و هتلاقيها بتنادى عليك و تتديك انذار عشان تعرف ان فيه حاجه مقفلتش

[meedoo69]

بالنسبه لاوبشن رقم 7 انا كنت شوفته فالجروب عالفيس واحد هو الى كاتبه امبارح قلت اجربه قعدت مستنى بتاع 4 دقايق مطفتش اللمبه الى فوق السواق فبعتذر لان الاوبشن ده مش موجوده

الاوبشن موجود يا باشا و عن تجربه بس مش فاكر الوقت اد ايه وكمان بعد ما تطفى مش هتنور الا اذا فتحت الكونتاك تانى
مره كنت قاعد بقرا فى الكتالوج على النور ده وسرحت مع القرايه لقيته فصل لوحده
يا ريت تسحب اعتذارك بقى
اللى لسه ماشتغلش معايا نور الانتظار عند الفرمله المفاجئه
انا نورت لمبه حزام الامان بتاعه الراكب اللى بجانب السائق ومكانها جنب الساعه و تطفى عند ربط الحزام
عايز اروح اعمل صيانه ال5000 وانور الداى لايت عشان يبقى الاوبشن كامل

[M I D O]

اوبشن كمان انا جربته .. لو انت نسيت الكابوت مفتوح او الشنطه و نزلت و قفلت العربيه بالريموت هتتقفل عادى لكن 5 ثوانى و هتلاقيها بتنادى عليك و تتديك انذار عشان تعرف ان فيه حاجه مقفلتش

قول يا باشا كمان قوووول خلينا نجرب

[M I D O]

الاوبشن موجود يا باشا و عن تجربه بس مش فاكر الوقت اد ايه وكمان بعد ما تطفى مش هتنور الا اذا فتحت الكونتاك تانى
مره كنت قاعد بقرا فى الكتالوج على النور ده وسرحت مع القرايه لقيته فصل لوحده
يا ريت تسحب اعتذارك بقى
اللى لسه ماشتغلش معايا نور الانتظار عند الفرمله المفاجئه
انا نورت لمبه حزام الامان بتاعه الراكب اللى بجانب السائق ومكانها جنب الساعه و تطفى عند ربط الحزام
عايز اروح اعمل صيانه ال5000 وانور الداى لايت عشان يبقى الاوبشن كامل

انا لسة مجرتبش معظم الاوبشن بس الصبح ان شاء الله هطبع ورقة بالاوبشن الموجود في الموضوع واجربة ونصيحة بلاش الداي لايت هتلاقي الناس كلها بتقلك النور مولع اطفية طول منتا ماشي بس حتة حزام الراكب دي عندي مبتنورش انت عملتها في صيانة الالف ولا اية ولا هية نازلة كدة

[midooo_119]

انا لسة مجرتبش معظم الاوبشن بس الصبح ان شاء الله هطبع ورقة بالاوبشن الموجود في الموضوع واجربة ونصيحة بلاش الداي لايت هتلاقي الناس كلها بتقلك النور مولع اطفية طول منتا ماشي بس حتة حزام الراكب دي عندي مبتنورش انت عملتها في صيانة الالف ولا اية ولا هية نازلة كدة

بالنسبه للمبه حزام الى الراكب جنب السواق دى ياميدو هتلاقى الفيشه بتاعتها تحت كرسى الراكب و هتجيب سلك توصل الفيشتين ببعض لانهم مش متوصلين بس نصيحه لو هتعمل ده خلى كابل البطاريه مفصول و بعدين ركبه

[meedoo69]

بالنسبه للمبه حزام الى الراكب جنب السواق دى ياميدو هتلاقى الفيشه بتاعتها تحت كرسى الراكب و هتجيب سلك توصل الفيشتين ببعض لانهم مش متوصلين بس نصيحه لو هتعمل ده خلى كابل البطاريه مفصول و بعدين ركبه

تعديل صغير يا باشا
هيوصل قطعه سلك فى نفس الفيشه زى مانكون هنعمل قفله لان مافيش فيشه تانيه نوصل فيها الاولى