Tweet
بسم الله الرحمن الرحيم
الحمد لله و الشكر لله بقيت امجرانداوي رسميا واستلمت العربية النهاردة الاربعاء الساعة 2 الظهر من معرض جينرال اوتوموتيف في طنطا بعد عناء طووووووووووويل من يوم حجز العربية يوم 12/11/2013 لحد الاستلام 4/12/2013 وطبعا العطلة كانت ان مفيش عربيات في الاول ولما العربيات وصلت كان فاضلي ورق في البنك ناقص ولما خلصت الورق كان شاسية العربية لسة موصلش ولما وصل اخدت 5 ايام في المرور بهدلة لحد ما رخصت الحمد لله و العربية استلمتها عاملة 150 كيلو ومشيت بيها شوية كدة لحد دلوقتي عملت عداد حاليا 230 كيلو تقريبا و العربية في تقرير سريع كدة عشان بس راجع تعبان جميلة ما شاء الله وراضي عنها بنسبة 80% و المشاكل الي قابلتني حاليا
1. الشنطة لازم تترزع جامد عشان تقفل
2. العربية بتحدف يمين شوية وانا ماشي ودة تقريبا بسبب الكاوتش المعفن الويست ليك الموجود فيها والي الكل بيشتكي منة
دول المشكلتين الي قابلوني وربنا يستر وميقابلنيش مشاكل
العربية اخدت بيها كام غرزة كدة ما شاء الله جميلة وكنت خايف اوي وانا بسوقها اول مرة بس بعدين اتعودت وقلبي جمد واعلي سرعة جبتها 100 وبعدين نزلت تاني ل 90 عشان التليين وطبعا مفيش تكييف و القرأن شغال طول منا ماشي و اتصلت فعلت الضمان واخدت معاد صيانة الالف يوم 29/1/2014 يحيينا ويحييكم ربنا .. طبعا استهبال من غبور بس ما علينا ربنا يكرم بكرة ان شاء الله هعملكم تقرير محترم بكل حاجة حصلتلي معا العربية من يوم الحجز ليوم الاستلام ...
دعواتكم بقي ربنا يحفظهالي ويباركلي فيها
1. الشنطة لازم تترزع جامد عشان تقفل
2. العربية بتحدف يمين شوية وانا ماشي ودة تقريبا بسبب الكاوتش المعفن الويست ليك الموجود فيها والي الكل بيشتكي منة
دول المشكلتين الي قابلوني وربنا يستر وميقابلنيش مشاكل
العربية اخدت بيها كام غرزة كدة ما شاء الله جميلة وكنت خايف اوي وانا بسوقها اول مرة بس بعدين اتعودت وقلبي جمد واعلي سرعة جبتها 100 وبعدين نزلت تاني ل 90 عشان التليين وطبعا مفيش تكييف و القرأن شغال طول منا ماشي و اتصلت فعلت الضمان واخدت معاد صيانة الالف يوم 29/1/2014 يحيينا ويحييكم ربنا .. طبعا استهبال من غبور بس ما علينا ربنا يكرم بكرة ان شاء الله هعملكم تقرير محترم بكل حاجة حصلتلي معا العربية من يوم الحجز ليوم الاستلام ...
دعواتكم بقي ربنا يحفظهالي ويباركلي فيها
Comment