تقرير مبدئي عن الامجراند من يوم الحجز ليوم الاستلام

[M I D O]

بسم الله الرحمن الرحيم

الحمد لله و الشكر لله و الفضل لله استلمت الجيلي امجراند 7 موديل 2014 فيراني بعد عناء طوووووووووويل استمر ل 22 يوم من يوم حجزي للعربية يوم 12/11/2013 ليوم الاستلام 4/12/2013 و الي حصل معايا كالتالي ...
انا بدئت تجهيز اوراق البنك من يوم 8/11 عشان اكون جاهز اسلم الملف يوم 11 وجهزت كل الورق الحمد لله ورحت اسلم الورق رجعوني عشان عنوان الضامن بس اتحلت الحمد لله اني جبت عقد ايجار ووصل تليفون يومها وكان في مشكلة انه بطاقة الضامن منتهية ولازم اجبلهم وصل التجديد عشان استلم قلت مش مشكلة اجيب الوصل كمان يومين تلاتة وبعدين رحت حجزت العربية يوم 12/11 و الاستاذ احمد دعباس مدير الفرع قالي هتستني شوية لان معنديش عربيات في المخزن و العربيات هتوصل يوم 20 قلتلة مفيش مشاكل يوم 20 رحتلة قالي العربيات وصلت بس عربيتك منزلتش قلتلة لية قالي عشان التريلا مفيهاش اماكن اصبر عليا يومين وهنزلك واحدة معا اول تريلا استنيت ليوم الخميس قالي للاسف التريلا موصلتش لسة بس في عربيتين فيراني جايين مشي تحب تشوفهم قلتلة لا انا عاوز تريلا قالي خلاص اصبر لوم الاحد ان شاء الله ووقتها كنا الخميس جيت عملت هنا موضوع عن العربيتين الي وصلو مشي وقلت اشوفهم ولا استني ويمكن التريلا تتاخر ورحتلة السبت قلتلة انا هبص علي العربيتين ولو عجبتني واحدة هحجزها لبكرة قالي مينفعش تحجز عربيتين ورحنا الفرع الرئيسي للشركة عشان نختم جواب التخصيص للبنك وهناك قالي انا اسف التريلا مش هتوصل بكرة لانها لسة مكملتش وصعب تنزل تريلا عشان عربية واحدة بس انا عندي العربيتين الي جم ماشيين الخميس تحب تشوفهم قلتلة اة رحنا عاينت ال 2 وطبعا انا حكيت القصة مرة ورسيت علي الي اخترتها بعد كدة رحت المرور عشان ارخص قالي جواب اعتماد الصناعة لسة موصلش اول ما قالي كدة قلت ....* بلاش اقول قلت اية عشان عيب
المهم افتكرت واحد صاحبي اشتري العربية وفضل مستنيي جواب اعتماد الصناعة 21 يوم كان الكلام دة الاربعاء روحت طبعا زعلان جدا جة الخميس احمد كلمني وقالي الورق وصل يا باشا جاهز ترخص السبت قلتلة علي البركة رحت السبت قالولي الورق وصل بس لسة متمضاش رحت الاحد وقت كتيييير لحد ما استلمتة وروحت مقدمتش الملف بسبب ان البية الموظف مشي الساعة 12 وبعدين رحت الاثنين وقفت لحد الساعة 2 و الموظف مش راضي يشتغل و الظابط يتحايل علية وهوة مش راضي ويوم ضاع بدون سبب وبعدين رحت الثلاثاء الساعة 8 الصبح قبل ميفتحو عشان اكون ضامن اروح بدري واقف في اول الطابور سلمت الملف الساعة 10 وقالولي تعالي بكرة استلم الرخصة رحت الاربعاء اخدت ورقة عملت بيها لوحة ارقام لان المرور مفيهوش ارقام ودمغتها وسلمتها في المرور وخلصت الرخصة واخدت الارقام تاني وانا ماشي لاقيت غلط في الرخصة مكتوب حظر بيع للبنك الاجتماعي و الصح بنك ناصر الاجتماعي رجعتلهم وعدلوها الحمد لله دي اول غلطة تاني غلطة بقي العربية فامية فبريقة يا ولاد التييييييييت مش كاتبين حاجة في الرخصة لية قام البية كاتبلي جوة الرخصة بالقلم ولزقها تاني زجاج ملون للبابين الخلفيين و الزجاج الخلفي بقلة يا استاذ مكتوب في الورق معاك زجاج ملون فبريقة قالي هوة كدة خلاص ويلا عشان في غيرك وورانا شغل قلت معلش يولع بجاز الكلمتين دول كفاية حرقة دم وقرف وامشي عشان ماضربش حد ورحت استلمت العربية الحمد لله ومشيت بيها 80 كيلو تقريبا معظمهم علي طريق سريع وفولت العربية بنزين اخدت 52 لتر ودفعت 100 جنية مقفولة
وبعدين اشتريت طقم دواسات و غطاء وميدالية ومعطر وركبتهم تمام وتوكلت علي الله ومشيت العربية جميلة ما شاء الله وحاسس بفرق شاسع لاني طالع من 132 و شاهين
بس لاني سوقت عربيات كتير متوهمتش ونسيت العيوب .. الحمد لله كنت مركز معا العربية و العيوب الي قابلتني
الشنطة لازم تترزع جامد عشان تقفل
الدبرياج عالي اوي وغبي جدا
لمبة الاستوب عشان تنور لازم اضغط فرامل جامد
الكراسي ناشفة شوية
حدفة يمين بتبان وانا في طريق مستقيم ودة تقريبا بسبب الكاوتش الويست ليك
دي المشاكل الي قابلتني لاكن العربية الحمد لله تمام وربنا يسترها عليا وميقابلنيش مشاكل
دعواتكم بقي ليا ان ربنا يحفظلي العربية ويباركلي فيها واسف ان التقرير غير منظم والتقرير دة مبدئي العربية لسة 230 كيلو التقرير الفعلي هعملة بعد صيانة الالف ان شاء الله عشان اخد وقت كافي اني احكم علي العربية كويس

[abou-yahia]

رزقك الله خيرها وابعد عنك شرها

[ahmedalaahosny]

مبروك يا ميدو اخيرا ياراجل رخصت واستلمت ربنا يباركلك فيها

[2CODE]

ياااااااااااااااه مبرووووووووك ياعم ميدو اخيراً

انت اخر واحد هرد عليه في المنتدى هنا فحبيت اقول لك الف الف مبروك قبل ما اسجل خروج نهائي بأذن الله

[sonytogy]

حدفة يمين بتبان وانا في طريق مستقيم ودة تقريبا بسبب الكاوتش الويست ليك
(كده العربية عايزة ضبط زوايا يا ميدو مش عيب فى الكاوتش) المهم غبور مايقلكش استنى علشان الجهاز بايظ!!

[mohamed hussei]

الف مبروك ياباشا والله زعلتني لما قولت علي المشاكل امتي هينزل العربية بدون مشاكل

[midooo_119]

ربنا يباركلك فيها

[adel_edrees]

الف مبروك ياباشا أنتا فاكرنى و ألا لأ أنا اللى كنت بأقول أن الأمجراند بتسخن عموما ألف مبروك و ربنا يديك خيرها و يبعد عنك شرها

[hugan]

اهم حاجه في صيانه ال 1000
تشوف موضوع واير الفتيس
لو غيره بنوعيه جيده عن الي نازل فيها

[د.عماد صلاح]

اخيرا...لقد هرمنا من اجل هذه اللحظه ...مبرووووك

[hossam_elwani]

الف مبروك عليك

العربيه انتشرت

وعامله مبيعات عشان سعرها مقابل الى بتخدو منها


بس ياريت تشوف حل لموضوع اللباد الموكيت الى فى حوض العجل لانه بيشرب ميه تمام ويعمل بارومه واحنا ى عز الشتا مش عارف ليه مش عاملين فبر زى باقى العربيات !!!!!!!!!

[saddam]

صديقي المواطن
قولا واحدا أنا كده ضمنت الليلة أنام سعيد ﻷن أخي وزميلي في النضال جنرال ميدو بايت سعيد ومبسوط ورخص عربيته وأنا فرحان عشانك ونسأل المولى يديمها خيمه فوق رأسك ولو عزت أي حاجة مش حتأخر فانية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[midooo_119]

صديقي المواطن
قولا واحدا أنا كده ضمنت الليلة أنام سعيد ﻷن أخي وزميلي في النضال جنرال ميدو بايت سعيد ومبسوط ورخص عربيته وأنا فرحان عشانك ونسأل المولى يديمها خيمه فوق رأسك ولو عزت أي حاجة مش حتأخر فانية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

يالله يابختك يا جنرال ميدو

[M I D O]

رزقك الله خيرها وابعد عنك شرها

اللهم امين يا باشا وربنا يخليك

[M I D O]

مبروك يا ميدو اخيرا ياراجل رخصت واستلمت ربنا يباركلك فيها

الله يبارك فيك يا باشا و الحمد لله خلصت علي خير