الحمد لله عملت حادثة بسيطة

[M I D O]

بسم الله الرحمن الرحيم

الحمد لله عملت حادثة بس بسيطة بفضل الله ...
خبط كلب وانا ماشي علي سرعة 60 تقريبا اية الي جابو قدام العربية الله اعلم جة منين الله اعلم خصوصا اني دايما ببص يمين وشمال الطريق طول منا ماشي بس ساعة القضاء يعمي البصر و الحمد لله انها جات علي قد كدة وسبحان الله انا كل مرة في الحتة دي بجري وبجيب 120 المرة دي اية الي مشاني علي 60 ماعرفش .. طبعا دة ستر ربنا
المهم انا ماشي الاقي دة قدام العربية مرة واحدة قمت دايس فرامل جامد وطبعا خبطة والعربية اترفعت من الجانب اليمين ونزلت علي الارض تاني تقريبا دوست علية المهم انا طبعا اعصابي سابت خالص وقتها واول ما العجلة اليمين اترفعت قمت لافف الدركسيون كلة شمال عشان مدوسش علية بالعجلة الي ورا و الحمد لله مدوستش علية من ورا وببص في المرايا ملاقتيش حاجة علي الارض تقريبا اتخبط وجري المهم مشيت بتاع نص كيلو كدة وقلبي بيدق جامد وخايف يكون جري للعربية حاجة خصوصا اني اعرف واحد معاة نيسان داس علي كلب بس كان علي 100 تقريبا وكسرلة الاكصدام و الشبكة الامامية . المهم ركنت ببص علي العربية الحمد لله كل حاجة تمام روحت البيت ركنت وبعدين ببص تاني لاقيت حتة في الاكصدام اتكسرت وزعلت بس قلت الحمد لله قضاء اخف من قضاء و الحمد لله انها جات علي قد كدة وبسيطة بفضل الله ...
احسن حاجة عملها الكلب ان اللوحة بتاعة الارقام الامامية كانت بارزة وقطعت لابويا بدلة ولوالدتي العباية وقطعتلي بنطلون جينس الكلب عوجهالي خالص وبقت مجسمة علي العربية ..
الحمد لله علي كل شئ وربنا يسترها علينا جميعا وياريت تخلو بالكم بالله عليكم وانتو سايقين عشان الكلاب دول بالزات لو علي سرعة عالية ممكن تقلب العربية وربنا يحفظنا جميعا

[hugan]

الحمد لله قدر ولطف
خلي بالك العربيه عملت مشكله زي دي مع قريبي
للاسف العربيه اتقلبت
واتقدرت توتال لوس

[rotanamasoud]

اهم حاجه الكلب كويس هههههههههههههههههههههه
شوف يا باشا الحيوانات ولا البشر
الاولويه للبشر يعنى متفاديش كلب تعوم العربيه وتعرض حياتك واللى معاك للخطر او فرمله تعرض ضهر العربيه للتصادم طبعا اللى بقوله اهميته بتزيد مع زياده السرعه (قلبت عليا المواجع كانت قطه وبرجع بضهرى فعصتها ازاى الله اعلم )
وربنا يقينا شر الطريق جميعا

[M I D O]

الحمد لله قدر ولطف
خلي بالك العربيه عملت مشكله زي دي مع قريبي
للاسف العربيه اتقلبت
واتقدرت توتال لوس

الحمد لله ربنا سترها معايا و قدرت اتحكم في العربية و السرعة مكانتش كبيرة

[M I D O]

اهم حاجه الكلب كويس هههههههههههههههههههههه
شوف يا باشا الحيوانات ولا البشر
الاولويه للبشر يعنى متفاديش كلب تعوم العربيه وتعرض حياتك واللى معاك للخطر او فرمله تعرض ضهر العربيه للتصادم طبعا اللى بقوله اهميته بتزيد مع زياده السرعه (قلبت عليا المواجع كانت قطه وبرجع بضهرى فعصتها ازاى الله اعلم )
وربنا يقينا شر الطريق جميعا

تصدق انت بعد الكلمة دي انا كنت جعان وقايم اكل تخيلت المنظر قرفت ومش واكل
الحمد لله ربنا ستر وعدت علي خير وشكرا علي الافادة لان المشاركة بتاعة حضرتك علمتني درس كويس لاني مرة كنت هعمل حادثة بعربية والدي عشان كنت هدوس علي قطة وحودت جامد وكنت هلبس في نقل عشان افادي القطة قلت روح وحرام اقتلها و ابويا فضل يزعقلي ويقلي في داهية القطة احنا اهم بس انا مركزتش في الكلام عشان كنت زهقان ودلوقتي فعلا ركزت وطلع كلام ابويا وكلام حضرتك صح مينفعش البس نفسي عشان افادي حاجة الا لو اقدر افاديها غير كدة مينفعش البس نفسي

[J A G U A R]

الحمد لله جات سليمه
الكلاب دى اصلا بنت كلب عضمها ناشف حجر
يعنى ممكن يدمر العربيه وهو ولا يحصله اى حاجه
ربنا يسترها

[saddam]

صديقي المواطن
قولا واحدا متوقعش قلبنا دنته رحلة نضالك في شراء العرببة بتاعتك بقينا حاسين إنها عربيتنا كلنا فخد بالك منها والمهم تكون إنت بخير وكله مقدر ومكتوب ولن يصيبك إلا ما.كتبه الله لك أو عليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ibrahimsaad]

حمد الله على السلامه وحصل خير
وربنا يسترها مع الجميع يارب

[M I D O]

الحمد لله جات سليمه
الكلاب دى اصلا بنت كلب عضمها ناشف حجر
يعنى ممكن يدمر العربيه وهو ولا يحصله اى حاجه
ربنا يسترها

الحمد لله جات سليمة
و الكلاب دول مش عارف بيفكرو ازاي الطريق فاضي وجاي يعدي من قدامي انا .. طيب يابن الغبية مالطريق واسع اشمعنا هنا

[M I D O]

صديقي المواطن
قولا واحدا متوقعش قلبنا دنته رحلة نضالك في شراء العرببة بتاعتك بقينا حاسين إنها عربيتنا كلنا فخد بالك منها والمهم تكون إنت بخير وكله مقدر ومكتوب ولن يصيبك إلا ما.كتبه الله لك أو عليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ربنا يخليك يا باشا علي الكلام الجميل و الحمد لله ربنا سترها

[M I D O]

حمد الله على السلامه وحصل خير
وربنا يسترها مع الجميع يارب

الله يسلمك يا باشا وربنا يسترها علينا جميعا

[midooo_119]

ده كلب ابن كلب صحيح ... الحمد لله انها جات على اد كده و فداك مليون اكصدام الكلاب دول جسمهم قوى جدا و مع السرعه العربيه هى الى بتبقى ضعيفه انا مره عمى خبط كلب بعربيه بيجو 405 جابله سربنتينه التكييف و الردياتير و كلفه 6 الاف جنيه تصليح .. الكلاب عندنا غاليه برضه

[M I D O]

ده كلب ابن كلب صحيح ... الحمد لله انها جات على اد كده و فداك مليون اكصدام الكلاب دول جسمهم قوى جدا و مع السرعه العربيه هى الى بتبقى ضعيفه انا مره عمى خبط كلب بعربيه بيجو 405 جابله سربنتينه التكييف و الردياتير و كلفه 6 الاف جنيه تصليح .. الكلاب عندنا غاليه برضه

الحمد لله ربنا ستر ..

خبطة كلب كلفة 6 الاف جنية ...
الكلاب عندنا غالية برضو يا جدع .
يعني المفروض دلوقتي لما اشتم واحد صاحبي اقلة يا كلب يفرح ميزعلش لان الكلاب بقت غالية وقيمتها كبيرة اهي

[aftr]

الحمد لله انك بخير اول ماشفت الموضوع قولت ربنا يستر والحمدلله خير

[kar!m]

قدر الله و ما شاء فعل .. و ده شىء طبيعي لأي عربية جديدة.