نصيحة لاخوكم

[mirag2000]

بأذن الله تعالى ناوى اشترى عربية وعجبانى جدا الامجيراند انتوا اية رأيكم تنصحونى بأية
وهل غبور قدر يصلح عيوبها ولا اصرف نظر

[midooo_119]

حسب مقدره حضرتك الماديه يعنى لو رنجك 90 الف و بتدور على اوبشن كتير مع مشاكل بتتحل فالتوكيل يبقى هات امجراند لكن لو المهم عندك اعتماديه و عربيه مضمونه تريح دماغك و الميكانيكيه بيعرفوا يشتغلوا فيها ممكن تجيب حاجه زى الاوبترا

[saddam]

صديقي المواطن
قولا واحدا هاتها ولا تقلق عربيتين فقط في سعرها ناجحة وهي بي واي دي 3 وإمجراند 7 واﻷفضلية ﻷمجراند ﻷن شكلها أفخم والثانية شكلها صار واجب التغيير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[AhmedBoshnak]

انا من رايى تفكر فى حاجة مستعملة نضيفة فبريكة بره وجوة ومش ماشية كتير( دى مجرد وجهة نظر) انا استحرم ادفع 90 الف فى عربية صينى ده غير انا بعد كدة فى اعادة البيع هتخسر كتير ...لو مصصم على الزيرو خليك فى النيسان صنى الشكل القديم ...عربية محترمة وبياعة واكيد احسن من الامجرند

[mirag2000]

ربنا يخليكم وشكرا على ردكم
كنت حابب اعرف لو جيبتها اية اكتر عيب موجود فيها لغاية دلوقتى وممكن يعمل مشاكل جامدة فى العربية
والنيسان الشكل القديم عاملة كام

[midooo_119]

ربنا يخليكم وشكرا على ردكم
كنت حابب اعرف لو جيبتها اية اكتر عيب موجود فيها لغاية دلوقتى وممكن يعمل مشاكل جامدة فى العربية
والنيسان الشكل القديم عاملة كام

اكبر مشكله ممكن تقابلك انك تكون نفسيا مش مرتاح فلما يحصل مشكله صغيرة انت تكبرها و تقفل من العربيه .. نصيحه لازم تكون مقتنع بيها لانها فالاخر زى اى عربيه ممكن يحصل مشكله و ممكن لا

[mirra]

انا كنت من اول المتحمسين للعربيه دى و اقنعت ناس حبايبى يشتروها من اول دفعه بس نصيحه اخويه بلاش العربيه دى لان غبور قل بيها اوى. خليك فى رينو لوجان او لانوس اضمن...معلش ممكن كلامى يكون صادم لناس كتير بس انا بكلمك عن تجربه....

[midooo_119]

انا كنت من اول المتحمسين للعربيه دى و اقنعت ناس حبايبى يشتروها من اول دفعه بس نصيحه اخويه بلاش العربيه دى لان غبور قل بيها اوى. خليك فى رينو لوجان او لانوس اضمن...معلش ممكن كلامى يكون صادم لناس كتير بس انا بكلمك عن تجربه....

ياريت تحكيلنا تجربتك مع العربيه و مشاكلها

[mirag2000]

ياريت أخى mirra توضحلنا أكتر عن العيوب اللى انت شوفتها قدامك ومؤثرة فى العربية خصوصا الات الجر والميكانيكا لان دول اللى يهمونا جدا وهل غبور عالجها ولا لسة مصمم ينزلها بعيوبها
وشكرا ياميدو على اهتمامك ومشاركتك من ناحية التفائل انا عجبانى العربية جدا وناوى ان شاء الله امشى فى اجرائتها الاسبوع القادم واللى بيقفلنى من اى عربية هية الات الجر والميكانيكا لان دول اللى بيهمونى جدا وممكن يقفلونى من اى عربية زى عطل الصامولة البلاستيكية والواير هل تم تغيرهم بنوعية أفضل من القديمة ولا لسة غبور مصمم ينزلها بيها

[hugan]

اميجراند بالرغم من عيوبها البسيطه في التقفيل
افضل من الانوس واللوجان بمراحل

[J A G U A R]

رايي تشوف اوبترا او النترا شكل قديم حاله نضيفه

[M I D O]

عربية جميلة ما شاء الله رغم بعض عيوب التقفيل الغبية للاسف و غباء التوكيل في التعامل معا المشاكل بس هنعمل اية مفيش بدائل لاكن في المجمل هية افضل عربية في الفئة بتاعتها

[mirra]

ياريت أخى mirra توضحلنا أكتر عن العيوب اللى انت شوفتها قدامك ومؤثرة فى العربية خصوصا الات الجر والميكانيكا لان دول اللى يهمونا جدا وهل غبور عالجها ولا لسة مصمم ينزلها بعيوبها
وشكرا ياميدو على اهتمامك ومشاركتك من ناحية التفائل انا عجبانى العربية جدا وناوى ان شاء الله امشى فى اجرائتها الاسبوع القادم واللى بيقفلنى من اى عربية هية الات الجر والميكانيكا لان دول اللى بيهمونى جدا وممكن يقفلونى من اى عربية زى عطل الصامولة البلاستيكية والواير هل تم تغيرهم بنوعية أفضل من القديمة ولا لسة غبور مصمم ينزلها بيها

يا جماعه الخير ..مشاكل العربيه بالنسبه ليا تعتبر مزعجه جدا لانى بتصور ان العربيه الزيرو مش مفروض يكون فيها عيوب....اولا فبره التنك اتكسرت من اليوم التانى للشراء و ده تسبب فى ان التنك يفضل مفتوح و تم علاج هذه المشكله فى صيانه الالف كم فى ابو رواش....ثانيا لمبه الشيك انجين بتنور بدون داعى و تخليك تقلق جدا...ثالثا اثناء صيانه الالف كم و تربيط قواعد الموتور تم كسر قاعده الماتور و كلمنا التوكيل بعت ونش لينا فى طنطا رفع العربيه و اتصلحت فى ابو رواش....رابعا عزل كاوتش الابواب و الزجاج سيىء جدا و سهل انه ينقطع....ده اللى انا شفته من العربيه بمنتهى الامانه و لكم جميعا حريه الحكم و الاختيار.

[midooo_119]

يا جماعه الخير ..مشاكل العربيه بالنسبه ليا تعتبر مزعجه جدا لانى بتصور ان العربيه الزيرو مش مفروض يكون فيها عيوب....اولا فبره التنك اتكسرت من اليوم التانى للشراء و ده تسبب فى ان التنك يفضل مفتوح و تم علاج هذه المشكله فى صيانه الالف كم فى ابو رواش....ثانيا لمبه الشيك انجين بتنور بدون داعى و تخليك تقلق جدا...ثالثا اثناء صيانه الالف كم و تربيط قواعد الموتور تم كسر قاعده الماتور و كلمنا التوكيل بعت ونش لينا فى طنطا رفع العربيه و اتصلحت فى ابو رواش....رابعا عزل كاوتش الابواب و الزجاج سيىء جدا و سهل انه ينقطع....ده اللى انا شفته من العربيه بمنتهى الامانه و لكم جميعا حريه الحكم و الاختيار.

طبعا دى مشاكل تموت الواحد من الغيظ مش تزعجه بس لازم حضرتك تعمل مشكله فالتوكيل هما مش بيجوا غير بكده والله يعينك على الى انت فيه

[mahmooud135]

ابعد عن حيحا