هام لمالكى الايمجراند للى ظهر عنده صدأ بالسيارة

[YahiaAshraf]

السلام عليكم

كنت متابع جروب ايمجراند على الفيس بوك ولاقيت الكلام ده
(ملحوظة الكلام منقول من الجروب )
*********************

يا جماعة ارجوكم فى حد اتصل بيا من شركة غبور حالا وقالى ان اى حد عنده المشكلة دى بتاعت الصدأ يجيب رقم موبيله واسمه وهو الى هايكلمه بنفسه وهايحلها وهايحدد ميعاد وطلبت منه انى انزل اسمه ورقمه لكنه قالى انت كده هاتتعبنى جدا لكن ادينى ارقام واسماء كل الى عنده الشكوى دى فورا وانا فهمته اننا كملاك يهمنا ان غبور ياخد موقف سريع عشان السمعة للعربية وطلب منى انى اجيبله اارقام موبيلات واسماء الى بيشتكوا فعلا لحل المشكلة جذريا. ياريت نكون ايجابين وكفايبة كلام فى الموضوع ده وناخد خطوة ايجابية
وعشان نقدر نوصل لكشف مجانى للكل لازم الأول نعرض المشكلة ونبينها من خلال البيانات الى هاتدينا حصر حقيقى
وسيتم اخد ارقام الشاسيهات التى ترد الينا فى خلال 5 ايام من الان حتى يوم 4/1/2014
ودى الفورم الى هاتملى بياناتك فيها
https://docs.google.com/forms/d/1euVDH8efYD-dJpeqvfUCU48TF21eBVi_tpNQb2A4G7s/viewform

[bassem.naguib]

شاكرين يا يحيي باشا على أهتمامك بمساعدة الأعضاء .

[M I D O]

مشكور يا باشا علي الموضوع المتميز و حمد الله علي السلامة و الرجوع لدخول المنتدي

[Gelgel2004]

مشكور و جزاكم الله كل خير..

[midooo_119]

كلام محترم ربنا يكرمك يا كبير

[aftr]

هل لو فى مشاكل اخرى غير الصدأ يتم التسجيل

[the lawyer]

علي سبيل السخرية مش اكتر ... حاسس ان حايجي اليوم اللي حلاقي مكتوب فيه / هام لكل اللي شاسيهم اتكسر .
هام لكل عربياتهم كلتها البارومة .
منك لله يا غبور عربية زي الفل تعمل كدا فيها ، العربية دي لو كانت نزلت تقفيل صيني كانت حتكسر الدنيا ومكنش حيبقي فيها المشاكل دي كلها .

[dedi]

علي سبيل السخرية مش اكتر ... حاسس ان حايجي اليوم اللي حلاقي مكتوب فيه / هام لكل اللي شاسيهم اتكسر .
هام لكل عربياتهم كلتها البارومة .
منك لله يا غبور عربية زي الفل تعمل كدا فيها ، العربية دي لو كانت نزلت تقفيل صيني كانت حتكسر الدنيا ومكنش حيبقي فيها المشاكل دي كلها .

كلامك صح صدقنى كل حاجة لمسها غبور فى العربية نيلها بستين نيلة وفشل فيها كاسيت والفبرة و الدوكو والواير والبكرة والتكييف و الصدا الابواب
ياريت كان استوردها كان ممكن تتباع بنفس سعر المستورد زى ابو الفتوح