مبيعات نوفمبر . جيلي امجراند تحافظ علي التقدم

[M I D O]

بسم الله الرحمن الرحيم

مبيعات شهر نوفمبر لعام 2013 تحافظ جيلي امجراند علي المركز الثاني في المبيعات بعد هيونداي فيرنا المحافظة علي المقدمة طول السنة و الامجراند بتتقدم بخطي ثابتة نحو المقدمة وقريب جدا هتبقي رقم واحد في السوق لو غبور تدارك المشاكل بتاعة التقفيل وعالجها ومعا اقتراب انتهاء اسطورة الفيرنا في السوق المصري لان باقي ليها سنة ونص او سنتين تقريبا ومش هيبقي في فيرنا جديد هتاخد الراية منها الامجراند وفي رايي الشخصي هتحافظ علي المقدمة ل 5 او 6 سنين قدام بشرط تدارك مشاكل التقفيل وسرعة معالجتها ..
ودة نص الخبر ..
كشف تقرير مبيعات سوق السيارات المصري لشهر نوفمبر الماضي عن هبوط مبيعات السيارات بنسبة 6 بالمائة مقارنة بنفس الشهر من العام الماضي، بعدما سُجلت نحو 17521 سيارة في شهر نوفمبر 2013، لتكون المبيعات الإجمالية لهذا العام حتى الآن هي 175173 وحدة بإنخفاض يبلغ 2 بالمائة مقارنة بنفس الفترة من العام الماضي.
على قمة سيارات الركوب حافظت هيونداي فيرنا على مكانتها كأكثر سيارة بيعت بشهر نوفمبر بمبيعات بلغت 1796 سيارة، متبوعة بحصان غبور الأسود الجديد جيلي أمجراند 7 التي باعت 1149 وحدة، لتسحل حضورها الثاني على التوالي ضمن منصة المقدمة، والخامس خلال الشهور السبع الماضية، لتكمل المنصة شيفرولية لانوس بعدما باعت 777 وحدة هذا الشهر.
في المركز الرابع وصلت شيفرولية أفيو المُحسنة بـ 663 وحدة، وقفزت كيا سبورتاج إلى المركز الخامس مع 470 وحدة، متبوعة بشقيقتها هيونداي iX35 التي باعت 399 وحدة وضعتها في المركز السادس، أمام هيونداي إلنترا التي حصدت المركز السابع مع 372 وحدة.
أما في المركز الثامن فجاءت أوبل أسترا سيدان مع 357 وحدة، لتضع ميتسوبيشي لانسر في المركز التاسع بعدد وحدات مباعة بلغ 356 وحدة، متفوقة على صاحبة المركز الأخير ضمن قائمة العشرة الكبار بيجو 301 بمبيعات بلغت 315 وحدة.
أبرز التغيرات هو تخطي تويوتا ياريس لأكثر من 25 مركزاً دفعة واحدة واضعة نفسها في المركز الثالث عشر لسيارات الركوب بفضل تقديم الجيل الجديد كلياً من نسخة السيدان، خاصة أنها بهذا الترتيب قد تفوقت على الناجحة بقوة كيا ريو سيدان في المركز 49، والثابتة الخطى هيونداي أكسنت في المركز 36

ودة لينك الخبر ..

مبيعات نوفمبر: فيرنا وأمجراند 7 يواصلان النجاح، ومفاجأة سارة من تويوتا ياريس | Egy Speed

الموضوع منقول من موقع ايجي سبيد ..

[MR A7MED]

تسلم على المتابعه الرائعه
والله بفكر فيها الأمجراند بس محتاار لسه بينها وبين الأنفى حاليا

[dedi]

شكرا ميدو تسلم الايادى
ربنا يهدى غبور لاصلاح العيوب التى بقيت لا تطاق من توكيل كبير زية

[monamize4]

فعلا العربية انتشرت جدا ف وقت قصير اوى

انا بقيت بشوفها كتيييييييييييير و زى ما قلت قبل كدة انى شوفت منها تاكسى

رغم انى بشوف شكاوى كتير منها ف المنتدى هنا

[M I D O]

تسلم على المتابعه الرائعه
والله بفكر فيها الأمجراند بس محتاار لسه بينها وبين الأنفى حاليا

تسلم يا غالي ورايي الشخصي الامجراند افضل عشان الانتشار و اتجاة السوق في الشراء رغم ان الانفي ممكن تكون احسن بس دي حاجة مش مؤكدة لان العربية مش منتشرة ومفيش تقارير عنها علي النت خالص انما الامجراند عرفناها وعرفنا مشاكلها اية

[M I D O]

شكرا ميدو تسلم الايادى
ربنا يهدى غبور لاصلاح العيوب التى بقيت لا تطاق من توكيل كبير زية

حبيبي منور الموضوع يا باشا
ربنا يصحي ضميرة شوية ويرحم المستهلكين من الخوابير بتاعتة

[M I D O]

فعلا العربية انتشرت جدا ف وقت قصير اوى

انا بقيت بشوفها كتيييييييييييير و زى ما قلت قبل كدة انى شوفت منها تاكسى

رغم انى بشوف شكاوى كتير منها ف المنتدى هنا

العربية فعلا حققت انتشار ممتاز ما شاء الله ودة دليل علي نجاح العربية رغم مشاكل التقفيل المصري الي بتمني ينتهي قريب باذن الله

[S O P H O S]

نجاح العربية واضح فالشارع المصري
ما شاء الله

[M I D O]

نجاح العربية واضح فالشارع المصري
ما شاء الله

كلام سليم

[samakaerror]

نجاح العربية واضح فالشارع المصري
ما شاء الله

و لسة...و لسة

[J A G U A R]

انا بقيت بشوفها اكتر من اللادا

[ELKHOLY22]

طب بالنسبه للاسبيرانزا ايه واقفه خالص سواء ام11 او 12 وكمان الانفي المظلومه من راي الشخصي؟

[M I D O]

و لسة...و لسة

ان شاء الله هتشيل الفيرنا كمان وتنط مكانها

[M I D O]

انا بقيت بشوفها اكتر من اللادا

اية يا باشا هتحسد العربية ولا اية

[M I D O]

طب بالنسبه للاسبيرانزا ايه واقفه خالص سواء ام11 او 12 وكمان الانفي المظلومه من راي الشخصي؟

الاسبرانزا بتبيع بس بنسبة ضعيفة جدا قدام الامجراند