اتفرجو علي الفضيحة

[M I D O]

بسم الله الرحمن الرحيم

النهاردة كنت معا صديق ليا في ايجي اوتو مركز الخدمة المعتمد من غبور اوتو عشان بيعمل صيانة الالف وكان عندة شوية مشاكل و كلمني قالي تعالي معايا قلتلة ماشي روحنا المركز الساعة 11 ونص الصبح اخدت انا العربية الاول وسوقتها عشان اشوف المشاكل الي فيها و شيكت عليها تمام و دخلنا العربية الصيانة واحنا بنعمل امر العمل لصاحبي عشان العربية تدخل الصيانة لاقيت واحد شكلة قرفان كدة وعمال يشرب سجاير كتير فبسئل المهندس مالة الاستاذ قالي معاة عربية جيلي امجراند موديل 2014 و العربية نازلة من غير عوامة بنزين .. قلتلة هاة !!
رحت لصاحب العربية قلتلة خير قلي عندك اية ممكن اقدر اساعدك
قالي العربية شاريها من شهرين و لمبة البنزين منورة دايما مبتطفيش مهما فولت العربية وفي الصيانة النهاردة الاقي المهندس بيقلي العربية نازلة بعيب تقفيل وهوة ان العربية بدون عوامة بنزين .. انا قلتلة بالحرف ا*ا اكيد حضراتكم عارفين انا قلت اية .. قلتلة ازاااااااااي .. هية وصلت سوء التقفيل و المراقبة علي الجودة للمرحلة دي قالي والله زي ما بقلك ..
قلتلة وبعدين قالي اتصلنا بابو رواش عشان يبعتو العوامة ويتحل الامر ودي معبروش وسابوة يتكلم
قلتلة وهتعمل اية قالي مش عارف
قلتلة بص يا باشا هاتلي اسمك و رقم الشاسية و الموتور وانا هفضحهم علي النت وهقدملك شكوي وخد رقم خدمة العملاء اهو اتصل بيهم وقدم شكوي برضو تاني ولو وصلت انك ترفع عليهم قضية ارفع قضية و حاليا استني لبع بكرة لو الموضوع متحلش ودي وكلموك قالولك طلباتك اية روح لحماية المستهلك و خد الطريق القانوني ..
وقلتلة هاتلي صورة من الشكوي الي هتقدمها قالي ثواني اكتبها و اجبهالك كتب الشكوي واخدت صورة منها و صورتها وهنزلها دلوقتي معا صورة الشكوي الي انا بعتهالة علي النت علي صفحة غبور علي الفيس بوك عشان نشوف الفضيحة دي هيعملو فيها اية ..
صاحب العربية اخد رقمي وقالي عاوزك تفضحهملي علي الاهمال دة وعدم الاحترام بالعميل قلتلة يا باشا متقلقش انا هنزل كل حاجة علي النت عشان الناس دي تحترم نفسها لانهم عمالين يبوظو في سمعة العربية و التقفيل بتاعهم زي الزفت والناس ساكتين وطول ما الناس ساكتة مش هيتعدلو غير لما يحصلهم فضيحة دي الي هتخليهم يتعدلو ويتقو ربنا شوية لان الناس مش جايبة الفلوس من الشارع احنا تعبانين في القرش وهما عندهم لا مبالاة ..
انا نزلت الموضوع عشان الناس كلها تبقي عارفة خوازيق التقفيل وعشان يمكن الموضوع دة يوصل لغبور ويتقو ربنا شوية ويشوف ال*** الي شغالين عندة في مراقبة الجودة الي نايمين في العسل ومبيعملوش حاجة غير انهم بيقبضو فلوس وبس لاكن مفيش ضمير وعشان اكون وفيت وعدي لصاحب العربية الاستاذ . تامر حسن صحاب السيارة جيلي امجراند 7 موديل 2014 رقم شاسية 8509
معلش طولت عليكم لاكن لازم الموضوع ينزل علي النت عشان الناس دي تعرف اننا مش سهل ينضحك علينا
الموضوع حصري لموقع نايل موتورز و جروب ملاك الامجراند علي الفيس بوك ...

[M I D O]

[M I D O]

[khaled_2011]

حسبي الله ونعم الوكيل وانا كنت بفكر اشتريها الجمعه الجايه كده حلو قوي مش هاجبها وهاجيب افيو اتوماتيك احسن صح يارجاله وﻻ ايه؟

[M I D O]

حسبي الله ونعم الوكيل وانا كنت بفكر اشتريها الجمعه الجايه كده حلو قوي مش هاجبها وهاجيب افيو اتوماتيك احسن صح يارجاله وﻻ ايه؟

بصراحة مفيش مقارنة الامجراند تتفوق علي الافيو بمراحل و مشكلة العوامة دي نادرا لما بتحصل بس طبعا دي قلة ادب و الرد بتاع مركز ابو رواش انهم مرضيوش يبعتو عوامة ويلمو الموضوع دة الي خلاني اعمل الموضوع علي النت و يفضل لو عاوز تشتري العربية تكون من موزع معتمد لغبور او التوكيل نفسة لان العربية قبل مبيستلموها بيكونو مراجعين علي كل حاجة فيها

[starlanos]

منهم لله

برضة في عضو هنا االباب خد تقريبا خبطة بسيطة راح يسمكرها شال الفرس لقي ضهر الباب مصدي

[J A G U A R]

ربنا يفضحهم ولاد الو*خه دول .. نصيبه بقى ربنا معاه

[J A G U A R]

حسبي الله ونعم الوكيل وانا كنت بفكر اشتريها الجمعه الجايه كده حلو قوي مش هاجبها وهاجيب افيو اتوماتيك احسن صح يارجاله وﻻ ايه؟

ولا احسن ولا حاجه دى البلاوى كلها متجمعه فيها

[hugan]

جامدي دي
كده غبور عدي كل الحدود
عربيه من غير عوامه بنزين
تتسجل في جينز ريكورد

[assaf]

انا مش فاهم غبور بيفكر ازاي هو الناس بتشتري حاجه ب 2جنيه ونص الناس دافعه دم قلبها و ممكن اقساط و ديون . دا لو عايز يسوء سمعه العربيه مش حيعمل كدا
بص انا شايف ان الراجل دا يعمل شكوي في حمايه المستهلك يمكن يفوقوا شويه
ناقص يدوا واحد العربيه من غير موتور

[aftr]

الله ينور عليك ياميدو حسبى الله ونعم الوكيل فيك ياغبور وبعدين ياجماعه فى الخوازيق للى فى العربيه دى والناس اللى اشترت زنبها ايه فين المسؤال عن الكلام ده

[hazemgh]

والله ده اهمال واستهتار بالزبائن اللى بتدفع دم قلبها ,,, شكرا لناشر هذه الفضيحه علشان بتوع غبور يعرفوا ان الناس لن تسكت على استهارتهم

[bassemali]

حصل إني قولت قبل كده إن عيوب التقفيل اللي ظهرت ف العربيه دي .. عيوب ضمير .. مش مجرد عيوب عاديه .. غبور بلا ضمير .. ماحدش يشتري العربيه دي تاني .. كفايه كده

[saddam]

صديقي المواطن
يعجبني فيك تفاؤلك وحبك لمساعدة اﻵخرين وطموحك اﻷكبر من اللزوم بس إستمر إحنه بنشجعك على ده
ولكن حختصرهالك
زمان أبو المثل قال
قد أسمعت لو ناديت حيا
ولكن لا حياة لمن تنادي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

حسبي الله ونعم الوكيل وانا كنت بفكر اشتريها الجمعه الجايه كده حلو قوي مش هاجبها وهاجيب افيو اتوماتيك احسن صح يارجاله وﻻ ايه؟

صديقي المواطن
قولا واحدا إنت عارفني مبحبش كتر الكلام وبحب أجيب خلاصة الخلاصة وحقوللك كلمة مسؤول عليها قدامك وقدام ربنا وخدها مني كلمة
لو إمجراند 7 إستلمتها من غير مكنة ومن غير فتيس ومن غير كاوتش قولا واحدا حتفضل أحسن من أفيو مرتين تلاتة كمان

هو بس يمكن شباب اﻷخ حبيبي صاحب الموضوع وهو عارف أنا بحبه قد إيه بس مش مشكلة تستاهل يتعنل ليها موضوع دي عربية من غير عوامة ده شركات هوندا وجنرال موتورز وغيرها وتويوتا بيسحبوا آلاف العربيات ستويا ﻷخطاء قاتلة ده جنرال موتورز سنة من السنين سحبت عربيات عشان لما تتخبط تنك البنزين بينفجر وجابوها بالتلفزيون
عوامة إيه اللي تزعلني وتخليني أغير نظرتي بعربية مرة إستلمت كومودو زيرو وهي أوتوماتيك رحت رخصت العربية متجيبش غير 3 نمر مفيش رابع ولا زعلت بتاتا ولا إتقمصت رحت تاني يوم للتوكيل قالوا مفيهاش حاجة أصريت فيها حاجة بحكم خبرة السنين طلع فيها حساس في الفتيس خارجي إتغير بربع ساعة ورغم إن إنتاج العربية دي إتوقف وتوكيلها قفل لكن من وجهة نظري العربية دي من أشرف العربيات اللي شافتها مصر في الدفع الرباعي المتوسط
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال