مسامير الاميجراند مرة واحدة بس!

[H_Daim]

طبعاً العنوان غريب بس هوه ده اللي حصل معايا للاسف! روحت علشان اعمل كسوة للارضية و الكراسي وطبعاً فكوا الكراسي و الكنبة الخلفية طيب المشكلة فين؟

المشكلة ان مسامير تثبيت الكراسي طلعت بدون القلاوظ بتاعها!! للاسف سن المسامير "حلقت" وطبعاً هوه معندوش "دكر" علشان يمشط السن اللي في الصامولة اللي متثبتة في الارضية.

واكدلي ان ديه تاني عربية تعمل معاه كده من الايمجراند, على الرغم ان كل اللي عملهم كسوة 3 عربيات بس.

طيب مسامير الكراسي مقدور عليها واتحلت الحمد لله طيب مسامير العفشة و الماتور وقاعدة الفتيس و القنطرة و .....

المشكلة يا جماعة ان غبور حالف ليطلع عين اهلينا مش كفاية حطينا اللي حيلتنا في العربية ولسة علينا اقساط ياما ...

[ahmedalaahosny]

هون عليك ياباشا طب ده حوار بسيط اومال انا سمعت ان في عربية نزلت من غير عوامة بنزين والتوكيل مارضاش يجيبهاله وواحد تاني عضو معانا عنده صدا ف الباب من تحت الفرش وقولنا ياجماعة الجماعة اللي بيعانوا العربية بعد التجميع يظهر واخدين اجازه ولا حاجة ف العربيات بتعدي وخلاص السؤال بقي عمرك تشوف عربية زيرو تنزل بكاسيت بايظ او بيشتغل مره وبعدها بخ

[aftr]

طبعاً العنوان غريب بس هوه ده اللي حصل معايا للاسف! روحت علشان اعمل كسوة للارضية و الكراسي وطبعاً فكوا الكراسي و الكنبة الخلفية طيب المشكلة فين؟

المشكلة ان مسامير تثبيت الكراسي طلعت بدون القلاوظ بتاعها!! للاسف سن المسامير "حلقت" وطبعاً هوه معندوش "دكر" علشان يمشط السن اللي في الصامولة اللي متثبتة في الارضية.

واكدلي ان ديه تاني عربية تعمل معاه كده من الايمجراند, على الرغم ان كل اللي عملهم كسوة 3 عربيات بس.

طيب مسامير الكراسي مقدور عليها واتحلت الحمد لله طيب مسامير العفشة و الماتور وقاعدة الفتيس و القنطرة و .....

المشكلة يا جماعة ان غبور حالف ليطلع عين اهلينا مش كفاية حطينا اللي حيلتنا في العربية ولسة علينا اقساط ياما ...

ربنا معاك بجد حاجه تحزن

[M I D O]

الله يخرب بيتك يا غبور علي القرف الي انت بتعملة فينا دة

[د.عماد صلاح]

كل شويه مشاكل....انا قفلت من العربيه دي خلاص

[J A G U A R]

كل شويه مشاكل....انا قفلت من العربيه دي خلاص

هههههههه .. الصراحه العربيه دى بتطلع بمشاكل عجيبه

[H_Daim]

كل شويه مشاكل....انا قفلت من العربيه دي خلاص

ومين سمعك!

[هانى ظرف منصور]

ربنا يصبر ملاك هذة العربيه ....انا متبع الاخبار على امل ان ينصلح الحال واشتريها لكن يبدو ان الحال لن ينصلح وغبور ولا مهتم .....انا شكلى هنقل على سيارة اخرى وبلاش من وجع دماغ الامجراند وبلاوى غبور المستخبيه فى تقفيل العربيه ...ياريت كان استورد العربيه وخلصنا

[dedi]

كل مشكلة و لها حل ولكن موضوع الصدا دة القشة التى قسمت ظهر البعير على راى المثل دة شئ لا يحتمل شكل الصدا مرعب فى الصور واية يضمن لا قدر اللة انة موش فى اماكن تانية لسة واحد بيتكلم على الشنطة والكبوت
المشكلة انة فية ناس دماغها ممسوحة و بتدافع عن غبور
انا راى الموضوع دة علشان يعالج سمعة العربية لازم يدى غبور ضمان جاد على هيكل العربية بالكامل انما غير كدة شكرا على سمعة العربية و غبور
انا باتعجب على شكل الصدا كانة فى عربية لها 20 سنة موش شهر عند بعض الناس

[cobrahi]

ربنا يصبر ملاك هذة العربيه ....انا متبع الاخبار على امل ان ينصلح الحال واشتريها لكن يبدو ان الحال لن ينصلح وغبور ولا مهتم .....انا شكلى هنقل على سيارة اخرى وبلاش من وجع دماغ الامجراند وبلاوى غبور المستخبيه فى تقفيل العربيه ...ياريت كان استورد العربيه وخلصنا

انا معاك ف كلامك و الله بجد انا كنت فعلا خلاص نويت و كبرت ف راسى انى اشترى واحدة لكن اظاهر ان غبور لن و لم ينصلح حاله ابدا ابدا هوة شبع خلاص من زمان و مش محتاج
باين عليه هبعد عن التقفيل المصرى خالص و اروح ع الانفى اسبرنزا ع الاقل تقفيل الخارج
او اشترى العروسه المتميزة و المتألقه البى واى دى
ربنا يسهل و يكون ف عونا جميعا البلد الوحيدة من دون الدول العربيه التى تعانى من السيارات السيئه ف التقفيل و الجودة