هو الايمجراند لية واطية كدة

[dedi]

من العنوان واضح الموضوع
من كام يوم ركبت عربية اخى و كنا 4 اشخاص كلنا فى العربية وعند مطبات عادية فوجئت بان العربية حكت بشكل مخيف فى المطبات طيب لو كنا 5 افراد كان حصل اية المهم فى البداية انا افتكرت انة الكاوتش مريح شوية بالرغم من انى نيتروجين فذهبنا لضبطة و فوجانا انة 30 كل الكاوتش يعنى كويس موش وحش لية بقى العربية حكت بشكل فظيع و احنا 4 فقط لدرجة اننا فى كل مطب كنا بننزل والناس التانية بلالانوس عدت عادى و لا حاجة والشئ الغريب لما تيجى تبص على شكل الكاوتش تتخض من شكلة و مقاسة فى الايمىجراند

[midooo_119]

اه للاسف العربيه ديه بتنزل جامد مع الوزن مش عارف ليه بس خلى بالك برضه ان الى عندنا ديه مش مطبات

[khaled_2011]

ممكن تركب عﻻيات

[adel_edrees]

ممكن تركب عﻻيات

بلاش دى حتخلى العربية تعوم دى حاجة ثانيا عربية زيرو تركب لها علايات !!!!

[ahmad--ezzat]

ممكن تركب عﻻيات

يارجل :)
حرام شرعا :d

[H_Daim]

شوف انا نزلت تحت العربية ولقيت اوطى حتى في العربية هي عبلة الشكمان اللي في المنتصف وكمان عاملين ليها حماية حديدتين اوطى من العلبة شوية. بس العربية بتيقى احلى لما تحمل فيها ناس من حيث نعومة العفشة ومابتدبش!

[raedegypt]

عربيه ممتازة وتساوى قيمتها وتستاهل اكثر . واسعه وصالون حلو وكماليات وزيرو يابلاش والله .. تغور اللوجان والافيو والاسبرنزا جنبها

[H_Daim]

عربيه ممتازة وتساوى قيمتها وتستاهل اكثر . واسعه وصالون حلو وكماليات وزيرو يابلاش والله .. تغور اللوجان والافيو والاسبرنزا جنبها

بس يعيبها مشاكل بالدهان و ومشاكل بالفتيس وعيوب تقفيل عديدة واهم حاجة مراكز خدمة قليلة جداً جداً.

[J A G U A R]

عربيات يامه بتبقى عاليه ومع التحميل بتبقى على الارض

[midooo_119]

العليات هتاثر على ثبات العربيه صحيح لكن عالسرعات العاليه واكيد احنا مش فالخليج هنطير بيها لكن غير شكلها هيبقى وحش مش صح تلعب فتصميم العربيه

[هانى ظرف منصور]

ممكن تحط سوسته تويوتا كرولا 2007 والعربيه هتعلى ومش هتحك فى اى مطب

[H_Daim]

ممكن تحط سوسته تويوتا كرولا 2007 والعربيه هتعلى ومش هتحك فى اى مطب

ارى ان اي تعديل في تصميم العربية سيؤدي حتما إلي مشاكل ربما لا يمكن ادراكها لحظتها

[M I D O]

العربية للاسف بتهبط جامد معا التحميل ودي حاجة رخمة اوي في العربية بس بتتحل انك تاخد المطب بالجمب

[dedi]

الاخوة الافاضل البيتكلموا على علايات او سستة دة ممكن يغير من اتزان العربية وبعدين حرام اكون مشترى عربية زيرو واروح اعدل فيها
وبعدين انا لاحظت انة فية عربيات عدت جمبنا على نفس المطبات واحت كنا 4 افراد امال لو كنا 5 وعدينا على المطب كان حصل اية
الشئ الغريب انة شكل الجنط و الكاوتش ضخم جدا لدرجة انك لا تصدق ماحصل الا لما تكون جوة العربية وتسمع صوت العربية و هى متعلقة على المطب

[M I D O]

للعم التويوتا كورولا الجديدة سعرها ضعف الامجراند و ارتفاع العربية عن الارض 12 او 14 سنتي تقريبا مش متذكر و برضو بتبوس كل مطب بس الفرق سواء محملة او مش محملة بتبوس المطبات عكس الامجراند وهية محملة بس ودة مش عيب في اي عربية موضوع الارتفاع دة لانة حاجة خاصة بالثبات و الي بيتكلم عن الارتفاع يشتري suv افضل