سيارة جيلي إمجراند 2013 للبيع بالمنوفية

[M.Al-Hefnawy]

أنا ببيع سيارتي جيلي إمجراند 2013 فابريكة بالكامل وأكياس المصنع - لون شامبين ماشية 7 آلاف كم كسر زيرو - صيانة توكيل - فاميه - المعاينة ببركة السبع منوفية -أنا المالك الأول وهي مرور النزهة القاهرة - رخصة سنة - السعر 79500.

تليفون: 01117249791 أو 0104661054

[J A G U A R]

ايه سبب البيع ... وهل ظهر مشاكل ؟

[M.Al-Hefnawy]

المشاكل اللي ظهرت كلها اتعملت في التوكيل زي لمبة التشيك اتعملها سوفت وير والحمد لله ما بقتش بتنور دلوقتي مع البنزين .... الحاجة التانية كان عندي نقر في الدركسيون وتم تغيير الاسكاترا في الضمان.

سبب البيع أنا كنت راكب اوتوماتيك قبل كده وبقيت بتعب من المانيوال فقررت ابيعها واجيب عربية اوتوماتيك

[M I D O]

موفق في البيع باذن الله

[midooo_119]

مش غاليه شوتين؟؟؟

[M.Al-Hefnawy]

موفق في البيع باذن الله

جزاك الله كل خير

[M.Al-Hefnawy]

مش غاليه شوتين؟؟؟

في نظرك تعمل كام؟

[hugan]

بدون زعل
حضرتك ليك حريه الاختيار
كسر الزيرو من 100 كيلو ل5000
وبينزل 10 الاف جنيه في اي عربيه

[amrelsaqqa]

موفق ياباشا في البيع بس نزل السعر عشان تبقى مجدية للشراء محدش هيحرم نفسه من طعم الزيرو وفرحة انه اول واحد يركب العربية واول مالك ورخص باسمه عشان 2000 او 3000 جنيه او حتى 5000 جنيه بالترخيص ! انا عارف انت حاسس بإيه وان العربية لسة جديدة زي الزيرو بالظبط بس تخيل نفسك ايه رأيك تشتري عربية كدة ولا تزود حاجة بسيطة خالص وتجيبها زيرو وتشوف العداد قدامك من وهو 7 كيلو مش 7000 ؟

[M I D O]

في رايي الشخصي تعمل علي الاكثر 75 الف جنية

[mohfud]

المشكلة انها صينى

[hugan]

المشكلة انها صينى

مش واضح التعليق
الجيلي صيني
بس افضل وانضف من الانوس والفيرنا
موضوع الصيني ممكن تقارنه بلعب الاطفال وفانوس رمضان
لكن مش في العربيات

[J A G U A R]

المشكلة انها صينى

صينى بس أحسن من الفيرنا واللانوس .. انا اعرف واحد معاه لانوس 2012 او 11 مش فاكر هايبيعها وناوى يجيب جيلى الصينى

[M.Al-Hefnawy]

أنا متشكر جداً يا جماعة على التعليقات ... كل اللي أقدر أقوله السعر قابل للتفاض إن شاء الله

[M I D O]

المشكلة انها صينى

صيني طيب ..فين المشكلة برضو ؟؟؟