افيدوني ياأهل الخبرة

[smsmbakr]

افيدوني ياأهل الخبرة

غدا بأذن لله سأستلم السيارة الايمي جراند 7 من معرض المصرية

رجاء متابعتي وارسال الأشياء الي لازم اركز فيها وانا بستلم العربية

وانا هستلم اللون الشامبين وزجاج فامية

ومبروك عليا مقدما

[M I D O]

مبروك مقدما وربنا يحفظهالك ..
ركز علي الدهان بتاع العربية و راجع الفروق بتاعة الصاج الي برة و جوة العربية شوف التقفيل وكل حاجة راكبة في مكانها ولا لا وشغل التكييف و الكاسيت و الانوار وجرب كل حاجة و العدة ووصلة اليو اس بي و الاستبن حديد من نفس مقاس الجنط و الكاوتشات لاسا او ويست ليك و البطارية جافة و ان شاء الله خير و موفق في الشراء

[ibrahimsaad]

بس اللى اعرفه ياميدوا باشا ان مفيهاش وصله USB انا لما كنت بشوفها فى المصريه كانت بيها فتحه aux بس

عايز اعرف منك هو انت اخدت وصله ال USB دى ؟

لان انا عندى الكاسيت فيه فتحه aux بس مفيش يو اس بى وانا كنت بسأل هل ممكن الاقى وصله يو اس بى يمكن توصيلها بال aux من اجل استخدام فلاشه هل ينفع ؟

[ibrahimsaad]

افيدوني ياأهل الخبرة

غدا بأذن لله سأستلم السيارة الايمي جراند 7 من معرض المصرية

رجاء متابعتي وارسال الأشياء الي لازم اركز فيها وانا بستلم العربية

وانا هستلم اللون الشامبين وزجاج فامية

ومبروك عليا مقدما

1- حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات

2- انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لا قدر الله

3- شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله

4- جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه

5- اسال على الضمان بتاع السيارة وضمان الكاسيت والكتالوج بتاع العربية

6- شيك على الروافع مثل : الولاعة بتاعت العربية وطفاية السجاير وعلى الاريال

7- شيك وبص على المياة بتاعت السيارة من ميه مساحات والقربة والردياتير والبطارية عشان بس لو فى حاجة نقصة مش تمشى على عماك وتزودها فى اقرب مكان

8- اتاكد من وجود الاستبن (الكاوتش الاحتياطى )

9- نبص على شنطة العدة

10- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان

11- تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية

12- تتاكد من عمل المساحة وتشغل المياه بتاعت المساحة كمان

13- تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا

14- نتاكد من ان السنتر شغال ونتاكد من الريموت شغال ولالا

15- ركز فى استلام المفاتيح , فى عدد المفاتيح والريموت اللى بيجوا مع السيارة

16- نبص على عداد الكيلومتر واهم حاجة انه لايزيد عن 70 كيلو وكدا كتير كمان

17- التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة .. كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام .. وتاخد بالك هل فى اى قلق وهى واقفة ولالا مع تشغيل التكيف

18- اتاكد من ان الماتور صوته ناعم وهادى فى بداية التشغيل

19- حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه

20- سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا

منقول


والف مبروك

[M I D O]

بس اللى اعرفه ياميدوا باشا ان مفيهاش وصله usb انا لما كنت بشوفها فى المصريه كانت بيها فتحه aux بس

عايز اعرف منك هو انت اخدت وصله ال usb دى ؟

لان انا عندى الكاسيت فيه فتحه aux بس مفيش يو اس بى وانا كنت بسأل هل ممكن الاقى وصله يو اس بى يمكن توصيلها بال aux من اجل استخدام فلاشه هل ينفع ؟

في وصلة يا باشا عشان تركب فيها الفلاشة ودي انا مستلمها معا العربية

[ibrahimsaad]

في وصلة يا باشا عشان تركب فيها الفلاشة ودي انا مستلمها معا العربية

طيب انا عندى الكاسيت به فتحه aux مدوره مش مستطيله وانا محتاج وصله تركب فيها وتدينى مخرج احط فيها الفلاشه بدل ماحطها فى ام بى ثرى الولاعه

ياترى الاقى الوصله دى فين هل موجوده ؟

[J A G U A R]

طيب انا عندى الكاسيت به فتحه aux مدوره مش مستطيله وانا محتاج وصله تركب فيها وتدينى مخرج احط فيها الفلاشه بدل ماحطها فى ام بى ثرى الولاعه

ياترى الاقى الوصله دى فين هل موجوده ؟

هتلاقيها فى اى محل اكسسوارات .. بتوصل من aux لل mp3 وبتوصل من aux لمخرج سماعه الاذن فى الموبايل .

[ibrahimsaad]

هتلاقيها فى اى محل اكسسوارات .. بتوصل من aux لل mp3 وبتوصل من aux لمخرج سماعه الاذن فى الموبايل .

ياباشا مش ده المقصود

المقصود انى اشغل الاغانى مثلا اللى على الفلاشه عن طريق انى اوصلها بفتحه usb الى ال aux ومنها للكاسيت

لان لما بشغل الام بى ثرى اللى بيوصل بالولاعه مش بيكون بنفس نقاء الصوت بتاع الكاسيت سى دى او الفلاشه

[midooo_119]

لا لازم فتحه يو اس بى الفنحه ال aux مش هتنفع

[samakaerror]

ياباشا مش ده المقصود

المقصود انى اشغل الاغانى مثلا اللى على الفلاشه عن طريق انى اوصلها بفتحه usb الى ال aux ومنها للكاسيت

لان لما بشغل الام بى ثرى اللى بيوصل بالولاعه مش بيكون بنفس نقاء الصوت بتاع الكاسيت سى دى او الفلاشه

يا استاذنا إلي حضرتك بتقولوا دة عيب و حرام :] ... لازم الusbتاخد مصدر كهرباء و قارئUSB عشان تطلع المزيكا .. إنما انت دلوقتى هاتحط ال USB فال AUX هتنتظر منها ايه ؟؟ تقرأ فايلات الWORD ؟؟ اكيد لأ .. فى MP3 Players شبة الفلاشة بالظبط و ممكن حضرتك توصلها بالAUX عادى جدآ ... و الكاسيت بتاع الجيلى فية واصلة USB و مافيهوش مدخل AUX ... و دمتم

[ibrahimsaad]

يا استاذنا إلي حضرتك بتقولوا دة عيب و حرام :] ... لازم الusbتاخد مصدر كهرباء و قارئusb عشان تطلع المزيكا .. إنما انت دلوقتى هاتحط ال usb فال aux هتنتظر منها ايه ؟؟ تقرأ فايلات الword ؟؟ اكيد لأ .. فى mp3 players شبة الفلاشة بالظبط و ممكن حضرتك توصلها بالaux عادى جدآ ... و الكاسيت بتاع الجيلى فية واصلة usb و مافيهوش مدخل aux ... و دمتم

ياباشا انا فهمت والله بس كنت بسال بس ان كان فيه طريقه لكن عموما خلاص عرفت

بس انت ليه قلبتها فتوى وحرمتها وعيبتها

[geley_cola]

يا أستاذ إبراهيم اتأكد انه الكاسيت الأصلي بتاع العربية لأن كاسيت الإيمي بيكون usb مش aux

[ibrahimsaad]

يا أستاذ إبراهيم اتأكد انه الكاسيت الأصلي بتاع العربية لأن كاسيت الإيمي بيكون usb مش aux

هو مش كاسيت الامجراند بس انا شفت الامجراند فيها هى كمان فتحه aux علشان كده سالت

عموما خلاص واضح انه مش هينفع