أول ألف كم مع الإيمجراند بعد فيرنا 4 سنوات

[jhon]

الإيمجراند تمتاز عن الفيرنا بسعة الصالون الداخلية وسعة الشنطة وإرتفاعها النسبي والأوبشنس ومعدل إستهلاك الوقود .
نظام التعليق مع جنوط 15 يعني ثبات أعلي علي الطريق .
الحقيقة إن المشكلة الحقيقة للإيمي جراند تكمن في عيوب التقفيل عند غيور وسمعة الصيني في السوق اللي أحيانا كثيير بتكون خيالات ومش حقائق.

أنا كنت ضد الصيني علي طول الخط بسبب الإشاعات الكثيير عن ردائة الصيني وإن المحرك قطعة واحد والجير بوكس بلاستيك وحاجات عبط من هذا لقبيل ولكن التجربة خير دليل علي أن السيارة الإيمجراند عملية واسعة ثابتة موفرة بكلمات مختصرة

[mohamed1979]

نفس الفكره الى كانت موجوده قبل ما اشترى العربيه بس الحمد لله العربيه كل يوم بتأكدلى ان العربيه محترمه احنا الى عندنا عقده الصينى و الخوف من عدم اعتماديه العربيه فى المستقبل ان شاء الله العربيه تكون عند حسن الظن فيها

[raedegypt]

مين قالك الاميجراند وحشه؟؟ بالعكس من افضل السيارات فى الفئه السعريه وتستاهل اكثر .شيك جدآ برة وجوة فيها كل الكماليات ... المشكله فى سيارات لاتباع بسبب الصينى قريب من الفئه السعريه دة .. زى الافيو واللوجان وساجا واجا . ال يخليك تدفع فى دول لما عندك الاميجراند ارخص واكبر واوسع

[midooo_119]

ربنا يباركلك فيها و مشكور عالنقل التجربة

[رمضان شوقى]

معلش الأخ منسق القسم هل راديو العربية يعمل و العربية مش دايرة و المفتاح خارج العربية و لا لازم يكون المفتاح فيها

[M I D O]

عاااااااااااااش يا امجرانداوي وربنا يحفظهالك ويديك خيرها ويكفيك شرها

[saddam]

صديقي المواطن
إختيار صحيح وموفق ونادينا به من زمان وبسعرها الرخيص أزاح النور عن عربيات كتير أغلى منها ومنها لغاية النيسان صني مفيش عربيات مهمة تذكر بالنص بينهما
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

الايمجراند جميله وربنا يباركلك فيها

[midooo_119]

معلش الأخ منسق القسم هل راديو العربية يعمل و العربية مش دايرة و المفتاح خارج العربية و لا لازم يكون المفتاح فيها

لا مايشتغلش لازم المفتاح يبقى على اول تكه

[رمضان شوقى]

طيب أنا عندى بيشتغل ................ ايه العمل

[samakaerror]

معلش يا عمو ميدو ... بس الكاسيت بيشتغل عادى والعربية مش على اول تكة ...!!

[midooo_119]

حصلت معايا اول ماجيبتها رحت شايل المفتاح و الكاسيت فضل شغال شوية بعد كده فصل و من ساعتها بيشتغل على اول تكه بس

[mazen.com]

صديقي المواطن
إختيار صحيح وموفق ونادينا به من زمان وبسعرها الرخيص أزاح النور عن عربيات كتير أغلى منها ومنها لغاية النيسان صني مفيش عربيات مهمة تذكر بالنص بينهما
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

استاذ صدام نفسى اعرف انتا شغال ايه يا اخى طريقة تعليقك جميله وفكاهيك وبحبها

[M I D O]

لا مايشتغلش لازم المفتاح يبقى على اول تكه

لا يا باشا بيشتغل عادي جدا

[M I D O]

طيب أنا عندى بيشتغل ................ ايه العمل

لا عمل ولا حاجة انت عملتها مشكلة .. عادي جدا عندي بيشتغل بدون المفتاح وعند صديق معاة الامجراند برضو بيشتغل بدون المفتاح