سيارات زيرو و مصدية

[dedi]

وبعدين فى مشكلة الصدا فى الايمجراند انا اول مرة اشوف فى حياتى عربية بكل حجم الكوارث و البلاوى زى دى
ناس كتير اشتكت من صدا الابواب وفى غبور قالوا علشان عزل الابواب مختلف عن باقى جسم السيارة وانة المشكلة فقط فى الابواب و علشان مادة العزل فى الابواب وبردة ناس اشتكت من الشنطة ومن تحت كاوتش الزجاج
امبارح على الفيس واحد مصور الصرة التى عند الكاوتش وشكل الصدا بكم رهيب وواحد تانى اتخبط الاكصدام ففكة ولقى خلفة صدا على العربية يعنى موش بس مشكلة ابواب
ربنا يكون فى عون اصحابها دى مشكلة الصدا لو بتشترى عربية قديمة الناس موش بترضى تشتريها ويوجد عربيات موديلات عدت عليها 15 و 20 سنة و مافيهاش صدا
ماذا يفعلوا مع التوكيل دة وحاجة تجنن ازاى عربية زيرو و بها كم الصدا دة ومن اية

[amr011111]

بصراحه ده عيب صناعه والمفروض اللى يلاقى حاجه زى كده يورح حماية المستهلك لان اخطر حاجه البارومه

[khaled_2011]

محدش يشتري العربيه ديه امبارح واحد بيفرش جلد فى ااﻻرضيه والوسواس شده انه يشيل الفبره الي عند الباب ويشيل فرش ويبص وكانت المفجئه انه ﻻقها في بدايه الصداا يعني ارضيه العربيه هاتصدي هي كمان علي فكره هى م 2013 شوفتو مهزله اكتر من كده
الله يكون فى عون مالكي هذه السياره

[midooo_119]

والله انا خايف افك الفرش فالابواب واتصدم

[jhon]

وبعدين فى مشكلة الصدا فى الايمجراند انا اول مرة اشوف فى حياتى عربية بكل حجم الكوارث و البلاوى زى دى
ناس كتير اشتكت من صدا الابواب وفى غبور قالوا علشان عزل الابواب مختلف عن باقى جسم السيارة وانة المشكلة فقط فى الابواب و علشان مادة العزل فى الابواب وبردة ناس اشتكت من الشنطة ومن تحت كاوتش الزجاج
امبارح على الفيس واحد مصور الصرة التى عند الكاوتش وشكل الصدا بكم رهيب وواحد تانى اتخبط الاكصدام ففكة ولقى خلفة صدا على العربية يعنى موش بس مشكلة ابواب
ربنا يكون فى عون اصحابها دى مشكلة الصدا لو بتشترى عربية قديمة الناس موش بترضى تشتريها ويوجد عربيات موديلات عدت عليها 15 و 20 سنة و مافيهاش صدا
ماذا يفعلوا مع التوكيل دة وحاجة تجنن ازاى عربية زيرو و بها كم الصدا دة ومن اية

يا ريت ياباشا الصور لو سمحت أو الرابط عشان نتفرج علي الكلام ده للمعلومات أنا شاري من شهر ومعايا 2 زملاء ومفليين العربيات جوه وبره وتحت الفرش والأبواب والشنطة والحوض والحمد لله مفيش أي أثر لموضوع الصدأده فلو كان ممكن تورينا الصور عشان نبص تاني في الأماكن اللي الصور حتظهرها أكون شاكر

[jhon]

والله انا خايف افك الفرش فالابواب واتصدم

جمد قلبك ياشا وفك واتفرج وادعيلي... إن شاء الله كله تمام ... اللي عنده صدأ يصور ويفرج الناس عليه الكلام كده من غير صور ليه إحتمالات كتييير

[M I D O]

قلة الضمير هية السبب في كل دة ولازم شكوي جماعية من الملاك بس حتي الان محدش عارف موضوع الصدء دة عيب شائع ولا مشكلة فردية ولاكن هيبان معا الايام

[محمد بدر]

بصراحة انا مستغرب الموضوع
وعلشان اقتنع لازم صورتين لعربيتين مختلفين علي الأقل مش صورة واحدة
انا بشوف العربية مشية في الشارع ما شاء الله عليها شكلها تحفة والعربية دية لو مكنتش صيني سعرها كان اكيد هيبقي الضعف

[H_Daim]

فين الصدأ اللي انت بتقول عليه!!

[H_Daim]

ديه طنبورة ومن امتى الطنابير بتتعزل !!

[dedi]

بصراحه ده عيب صناعه والمفروض اللى يلاقى حاجه زى كده يورح حماية المستهلك لان اخطر حاجه البارومه

اى حاجة ممكن تتعالج يعنى موتور عفشة الا موضوع الصدا لا علاج لة وافة العربية وتضيع سعرها فى ستين داهية

[dedi]

والله انا خايف افك الفرش فالابواب واتصدم

فك يا ميدو و ربنا يستر وان شاء اللة ماتطلعش حاجة بس لازم تطمن

[dedi]

قلة الضمير هية السبب في كل دة ولازم شكوي جماعية من الملاك بس حتي الان محدش عارف موضوع الصدء دة عيب شائع ولا مشكلة فردية ولاكن هيبان معا الايام

حبيب قلبى ميدو موش عارف الواحد يقول اية بس الواحد بيتخيل صاحب عربية دافع دم قلبة فى عربية زيرو و يفاجا بصدا
نفسى اعرف اية السبب يعنى هو حط الحاجات مصدية لانة منطقيا موش ممكن تصدى حتى لو موش معالجة او معزولة بهذة السرعة دة فية ناس لم تكمل شهر

[dedi]

بصراحة انا مستغرب الموضوع
وعلشان اقتنع لازم صورتين لعربيتين مختلفين علي الأقل مش صورة واحدة
انا بشوف العربية مشية في الشارع ما شاء الله عليها شكلها تحفة والعربية دية لو مكنتش صيني سعرها كان اكيد هيبقي الضعف

بص يا باشا على صفحتهم على الفيس والاستاذ h_ daim نزلهم
يا باشا شكلها تحفة و رائعة و اوبشن ماحصلش بس اية الفايدة لو كان فيها صدا او بارومة سامحنى

[dedi]

فين الصدأ اللي انت بتقول عليه!!

بالراحة هو انت ماقريتش التعليقات
انا ماقولتش دة صاحب العربية الذى قال وهو اكتر واحد دراية بعربيتة وقال بداية صدا ورا الاكصدام و ارجع لتعليقاتة