جيلى فروته ولا ماروتى؟؟ فى رينج 25 الف

[SuperTest]

السلام عليكم ورحمة الله وبركاته

فى رينج 25 الف ،، جيلى فروته ولا ماروتى؟؟

محتار مع فروته عشان التكييف،، والاهم الاهم الاهم قلة الاعطال مش عايز اشوف وش ميكانيكى غير الحاجات العادية

[رمضان شوقى]

مع كتابة عقد أى عربية بتكتب معاه عقد مع الميكانيكى

[shiko85]

اخويا اشترى فروته سنه 2006 و انا خدتها منه 2009 و بعتها 2012
تقييمى انها عربيه ممتازه
لو عايز تسأل عن حاجه محدده انا تحت امرك و يا رب اقدر افيدك

[J A G U A R]

الفروته انها مسمعتش حد اشتكى منها غير انها فشلت فى السوق عندنا ومش منتشره بس هيا كمواصفات مقابل سعر تتعتبر ممتازه وبرضو فى ناس كتير بتقول عليها وحشه بس مفيش حد عارف ايه السبب .. وبالنسبه للماروتى غنيه عن التعريف ورأيي انها اضمن من الفروته علشان الفروته مش منتشره عندنا ومش معروف اللى فيها زى الماروتى وبالنسبه لقله الاعطال دى ترجع لحاله العربيه .

[shiko85]

الفروته انها مسمعتش حد اشتكى منها غير انها فشلت فى السوق عندنا ومش منتشره بس هيا كمواصفات مقابل سعر تتعتبر ممتازه وبرضو فى ناس كتير بتقول عليها وحشه بس مفيش حد عارف ايه السبب .. وبالنسبه للماروتى غنيه عن التعريف ورأيي انها اضمن من الفروته علشان الفروته مش منتشره عندنا ومش معروف اللى فيها زى الماروتى وبالنسبه لقله الاعطال دى ترجع لحاله العربيه .

يا هلا يا هلا
اولا الفروته انجيكشن و الماروتى كاربراتير
الفروته اللى ضيعها التوكيل الخامل بتاعها
وحشه و خلاص اصلها كانت بدايه الصينى و انت عارف بقى " انت عايز تركب عربيه صينى يا مجنون ؟؟ "

[J A G U A R]

يا هلا يا هلا
اولا الفروته انجيكشن و الماروتى كاربراتير
الفروته اللى ضيعها التوكيل الخامل بتاعها
وحشه و خلاص اصلها كانت بدايه الصينى و انت عارف بقى " انت عايز تركب عربيه صينى يا مجنون ؟؟ "

على رأيك

[SuperTest]

ءشكرا علي الردود.. استاذ شيكو.. بما انك جربت العربية عايز بس استفسر عن الفرق بينها وبين ماروتى ؟؟ ايه الفروقات في المواصفات

واخبار الاعطال والبنزين وقطع الغيار واسعارها والميكانيكية ؟؟ و ايه افضل موديلاتها واسعارهم ؟؟

وشكرا جزيلا.. ولو رقمك عالخاص لو سمحت

[shiko85]

ءشكرا علي الردود.. استاذ شيكو.. بما انك جربت العربية عايز بس استفسر عن الفرق بينها وبين ماروتى ؟؟ ايه الفروقات في المواصفات

واخبار الاعطال والبنزين وقطع الغيار واسعارها والميكانيكية ؟؟ و ايه افضل موديلاتها واسعارهم ؟؟

وشكرا جزيلا.. ولو رقمك عالخاص لو سمحت

الفرق بنها و بين الماروتى اللى اعرفه
سعة الماتور
الماروتى 800 سى سى الفروته 1000 و 1100
الكماليات
الماروتى فاضيه الفروته الـ 1000 سى سى فيها تكييف الـ 1100 فيها تكييف - 4 زجاج كهرباء - مرايا كهرباء - سنتر - يقال هاف باور (نصب) بس هى بدون باور

هتكلم على الفروته
الأعطال طبعا على حسب اهتمامك بالعربيه و بالصيانه بس فالــ 6 سنين محصلش اى اعطال تقريبا
استهلاك البنزين ممتاز جدا علشان 1000 او 1100
قطع الغيار التوكيل - مول التوفقيه - امام معهد السكر فالقصر العينى - محلات الصينى
الأسعار على حسب الحاله طبعا من 18 لــ 26 الف - دور على 1100 علشان كاشكل احسن و فيها كماليات اكتر
الميكانيكيه اى حد يقدر يشتغل فيها لانها مش معقده ولا حاجه

[wasta]

اخويا اشترى فروته سنه 2006 و انا خدتها منه 2009 و بعتها 2012
تقييمى انها عربيه ممتازه
لو عايز تسأل عن حاجه محدده انا تحت امرك و يا رب اقدر افيدك

ياباشا أنا إشتريت واحدة ومحتاجة موتور .... الموتور بتاعها بيتباع فين وبكام ؟؟؟؟ ياريت تفيدنى

[shiko85]

ياباشا أنا إشتريت واحدة ومحتاجة موتور .... الموتور بتاعها بيتباع فين وبكام ؟؟؟؟ ياريت تفيدنى

مش عارف والله بس اللى ممكن تعمله انك تشترى ماتور شاريد بالفتيس

[wasta]

مش عارف والله بس اللى ممكن تعمله انك تشترى ماتور شاريد بالفتيس

طيب انا سألت عليه لقيته ب 4000 جنيه !!!!! الكلام ده صح ؟