دولة هياكل قليوب ودولة مسئولين غبور

[M I D O]

بسم الله الرحمن الرحيم

طبعا العنوان غريب .. بس هقولكم لية ..

امبارح رحت مركز الهياكل بقليوب عشان موضوع الصدأ حسب الاتفاق معا الاستاذ سامي **** الي اتصل بيا عشان اروح اعالج موضوع الصدأ و المعاد دة من اسبوعين تقريبا او اكتر ..
روحت النهاردة الساعة 11 الصبح ودخلت جوة اشوف حجز باسمي .. مفيش حجز
ازاي وانا حاجز .. لا يافندم مفيش حجز وسيب العربية وتعالي بكرة قلتلهم لا مش هسيب العربية ودخلت لمدير المركز قالي انت مش حاجز كلمت استاذ سامي وخليتة يكلم مدير المركز قالة انا مجاليش اي حجز باسم استاذ محمد راح استاذ سامي قالة انا بعت ميل بالحجز راح المدير قالة مجالناش حاجة ( يعني مستخسرين يعملو مكالمة تليفونية يحجزولي بيها ) راح مدير المركز قفل معاة وقالي سيب العربية لبكرة قلت لمدير المركز الحوار هياخد قد اية قالي اقل من ساعتين قلتلة تمام دخلها الورشة النهاردة قالي مفيش مكان في الورشة وكلم مهندس في الورشة قالة لا دي العربية هتاخد 5 ساعات قلت لمدير المركز انت مش قلت من شوية ساعتين قالي لا انا بقول فرضا ولو ساعتين مش هقدر ادخلها النهاردة وعندي زحمة .. الخلاصة خدمة زي الزفت مفيش تنسيق في الوكيل ومعاملة زي الزفت في الهياكل وتوكيل فاشل بكل معني الكلمة و قدمت فيهم شكوي وانا ماشي عشان انا مش سايب الي ورايا وكليتي عشان يرجعوني وهروح يوم تاني كمان وهسيب الكلية و اصلا الوقت ضيق في التيرم التاني وكل يوم هيبقي صعب عليا اني ماروحش .. ربنا يسهل انا شكلي هطلع لحماية المستهلك وهبعت شكوي لجيلي الصين مادام عطلة بعطلة بقي و ملحوظة اخيرة التعامل هناك بمنتهي البرود خصوصا من مهندس الورشة الي بيقلي سيب العربية وروح قلتلة معاييش فلوس اروح هاخدها مشي لطنطا راح قايلي معاك عربية ومش معاك فلوس قلتلة اة انا جاي مشوار صد رد هعمل حاجة في الضمان وهروح بعربيتي هحتاج الفلوس في اية قالي وانا مش هدخلها الورشة النهاردة ولولا اني اقسم بالله كان ورايا معاد تاني كمان الساعة 7 والعربية لو دخلت 12 مثلا هتطلع 5 وهتاخر علي ميعادي انا كنت دخلت العربية غصب عنهم وعملتلهم فضيحة وطلعت عينهم بس الحمد لله علي الي حصل وربنا يسهل ومش هسيب حقي بقي وبكدة الهياكل بقت دولة لوحدها و باقي التوكيل دولة ومفيش اي تنسيق بين الدولتين

[elweshahy]

بص يا باشا
انت قدامك حل من الإثنيين
* تقدم شكوي في الهياكل للمبيعات - لان المبيعات في غبور هي السلطه الأقوى .
* معلش تتعب شويه و تخبط مشوار لأبو رواش و تروح للإداره هناك و تعمل فرح العمده

و ربنا يقدرنا على فعل الخير

[M I D O]

بص يا باشا
انت قدامك حل من الإثنيين
* تقدم شكوي في الهياكل للمبيعات - لان المبيعات في غبور هي السلطه الأقوى .
* معلش تتعب شويه و تخبط مشوار لأبو رواش و تروح للإداره هناك و تعمل فرح العمده

و ربنا يقدرنا على فعل الخير

انا قدمت شكوي امبارح وهقدم شكوي تاني النهاردة وهشوف موضوع ابو رواش دة وتسلم ياريس علي النصيحة

[رمضان شوقى]

أنا روحت فى أبو رواش فى صيانة الألف و مردوش يعملوا الصيانة و عملت معاهم فيلم ابراهيم الأبيض و هم بتفرجوا على بكل برود ممل زى ما تكون دى تعليمات سيبوا الزبون يعمل اللى عاوز يعمله و مفيش حد منكم ييرد لحد ما صاحب العربية يهدا و يروح ..............

[Gelgel2004]

شكوى فى حماية المستهلك

[رمضان شوقى]

اذا كانت جماعية و يتم الأتفاق مع غالبية مالكى العربية .............

[محمد بدر]

حسبنا الله ونعم الوكيل

[M I D O]

أنا روحت فى أبو رواش فى صيانة الألف و مردوش يعملوا الصيانة و عملت معاهم فيلم ابراهيم الأبيض و هم بتفرجوا على بكل برود ممل زى ما تكون دى تعليمات سيبوا الزبون يعمل اللى عاوز يعمله و مفيش حد منكم ييرد لحد ما صاحب العربية يهدا و يروح ..............

هما فعلا عندهم برود غريب بس برضو مش هنسيب حقنا

[bassemali]

إنتوا ليه بتاخدوا الطرق الطويله ... الحل هو شكوى جماعيه في غبور لحماية المستهلك لها مطلب واحد فقط وهو إسترداد قيمة السيارات (المصديه دي ) ولو أتحولت قضيه وصبرتوا عليها سنه أحسن ماتيجوا تبيعوا العربيه بعد سنتين تلاته وتخسروا نص تمنها (ده لو ماظهرش فيها مصايب تانيه) وكده كده طول مدة الشكوى أنتوا راكبين عربياتكم وكل حاجه تمام لغاية لما يتحكم لكم إن شاء الله لإنه حقكم ... وهتاخدوه هتاخدوه .

[aftr]

ربنا معاك ياميدو مفيش الكلام ده فى ابو الفتوح اخر مره كان فى مشكله فى الفاتورة وكان فى ملاحظات وتم عمل كل شئ وفى الاخر مدير الفرع قال إحنا هنا لخدمتك واتفضل ده كارتى لو فى اى مشكله ياريت تبلغنى وبجد اشهد لابوالفتوح على المعامله الممتازه فى خلال ٣ سنوات ضمان من الاخر ياميدو على حماية المستهلك انت وباقى الاعضاء من الاخر غبور كده منفض للعربيه دى

[dedi]

يا ميدو لو سمحت ماتعالج الابواب لانة لو اتعالجت كدة يبقى شكرا و شلت اثار التهمة سيبها دلوقت الباب موش هاياكلة الصدا سيبة لغاية لما تاخذ حقك وتغيير الابواب ودة اقل شئ وفى البداية على سقف المطالب باسترداد ثمن السيارة
صدقنى يا ميدو واحد مهندس صديقى ودة بردة شئ معروف انة لو فية صدا و صنفرتة و تبقى اثار غير متشافة او فى فى ثنايات الباب او الحروف سيعود الصدا لا محالة بس بعد مايكون الضمان انتهى
اياك و شغل الصنفرة و العك دة

[dedi]

بالضبط
اثبت حقك فى حمايه المستهلك بالصدا
حمايه المستهلك بتشكل لجنه من كليه هندسه وبيعاينوا العربيه.

بالضبط كدة لانة لو صنفر اين اين المشكلة ولن يكون معهم اى حق
وصدقنى المشكلة الاكبر لو عاد الصدا تانى ويكون الضمان انتهى

[bassemali]

ربنا معاك ياميدو مفيش الكلام ده فى ابو الفتوح اخر مره كان فى مشكله فى الفاتورة وكان فى ملاحظات وتم عمل كل شئ وفى الاخر مدير الفرع قال إحنا هنا لخدمتك واتفضل ده كارتى لو فى اى مشكله ياريت تبلغنى وبجد اشهد لابوالفتوح على المعامله الممتازه فى خلال ٣ سنوات ضمان من الاخر ياميدو على حماية المستهلك انت وباقى الاعضاء من الاخر غبور كده منفض للعربيه دى

وأنا والله أشهد لأبو الفتوح بعد سنتين ونص مع الضمان إنهم فعلا ناس محترمه وعندها ضمير ف شغلها وبيجيبوا بضاعه نظيفه فعلا .

[M I D O]

شكرا لكل الناس الي بتشجعني علي موقفي وان شاء الله انا مش هسيب حقي وهقفلهم بقي واتمني من الملاك يقفو معايا وان شاء الله هنطلع عين غبور وامثالة

[Gelgel2004]

متضيعش وقت
يا ميدو
حماية المستهلك عدل