حملة لا لجيلى امجراند المصدية

[رمضان شوقى]

نظرا لتجاهل غبور و عدم اترام التوكيل و سوء معاملة أصحاب العربية و العيوب التى ظهرت بالعربية و التى فاقت حد التوقع نصيحة من مالكى العربية و علشان خاطر غبور لازم مبيعات العربية تقف و لازم عمل حملة من مالكى العربية لتوعية الناس بعدم شراء العربية و انا بدأت بالفعل مع كتير كانوا عايزين يشتروها وذهبت معاهم و تم شراء عربيات أخرى فى نفس الفئة السعرية و كان الكلام و اظهار عيوب العربية أمام أصحاب المعارض و عربيتى واقفة أمامهم لأظهار عيوبها و كتير منهم اقتنعوا بعدم عرضها فى معارضهم هو ده الحل مع غبور حملة لا لجيلى امجراند 7 المصدية و كثير من الناس فى أماكن كثيرة و حسب طبيعة عملى كنت أنصح بعدم شراء العربية نصيحة لوجه الله و الله قرابة 12 واحد كانوا عايزين يشتروا العربية و قلت لهم دى مقلب و اللى عايز يشتريها منى يخدها و هيه عاملة 3600 كيلو فقط برجاء تبنى الحملة من مالكى العربية على صفحات النت و فى الشارع عندما يتم سؤالنا عن العربية و الرد بكلمة واحدة زبالة

[shiko85]

طيب ليه متعملوش شكوى فحماية المستهلك ؟
و اى اجاء قانونى

[dedi]

نظرا لتجاهل غبور و عدم اترام التوكيل و سوء معاملة أصحاب العربية و العيوب التى ظهرت بالعربية و التى فاقت حد التوقع نصيحة من مالكى العربية و علشان خاطر غبور لازم مبيعات العربية تقف و لازم عمل حملة من مالكى العربية لتوعية الناس بعدم شراء العربية و انا بدأت بالفعل مع كتير كانوا عايزين يشتروها وذهبت معاهم و تم شراء عربيات أخرى فى نفس الفئة السعرية و كان الكلام و اظهار عيوب العربية أمام أصحاب المعارض و عربيتى واقفة أمامهم لأظهار عيوبها و كتير منهم اقتنعوا بعدم عرضها فى معارضهم هو ده الحل مع غبور حملة لا لجيلى امجراند 7 المصدية و كثير من الناس فى أماكن كثيرة و حسب طبيعة عملى كنت أنصح بعدم شراء العربية نصيحة لوجه الله و الله قرابة 12 واحد كانوا عايزين يشتروا العربية و قلت لهم دى مقلب و اللى عايز يشتريها منى يخدها و هيه عاملة 3600 كيلو فقط برجاء تبنى الحملة من مالكى العربية على صفحات النت و فى الشارع عندما يتم سؤالنا عن العربية و الرد بكلمة واحدة زبالة

استاذ رمضان بالرغم من اختلافنا من قبل و قد قررت انى لا ارد على اى تعليق لك
ولكن بما انك اول واحد يدعوا لهذا فهو راى رائع ترفع لة القبعة
فعلا لازم يحترموا المشترين ويغيروا الاجزاء المصابة السؤال الذى يفرض نفسة هل توجد اجزاء اخرى ممكن تظهر انها مصابة مستقبلا بمعنى كان واحد اشتكى من صدا ورا الاكصدام والصرة والشنطة وثانيا العك فى علاج الابواب واكيد هايرجع الصدا للابواب اية حلة بعد نهاية الضمان
لابد من هذة الحملة حتى علاج المشاكل و احترام الناس الشقيانة على فلوسها

[رمضان شوقى]

عزيزى ديدي الأختلاف وارد لأن كل واحد يعبر عن رأيه بطريقة مختلفة و لكن تظل المصلحة العامة هى نقطة الألتقاء بين الأعضاء و لعلم حضرتك لا يوجد صدا بعربيتى و لكن اذا كان أكثر من 95 فى المائة من مالكى العربية بيشتكى من الصدا فالمنطق يقول عندى صدا بعربيتى حتى ولو لم أره لأن المبدأ الذى يجمعنا هو سوء معاملة التوكيل و عدم الأهتمام بالعربية و لذا قررت هذه الحملة و هى أقوى و أشد تاثير من الشكاوى نفسها و لو كل عضو قال لكل واحد سأله عن العربية حقيقة المشاكل و اهمال غبور محدش هيشتريها و رغم أنف غبور هيعالج هذه المشاكل و يهتم بالعربية أو يوقف انتاجها

[د.عماد صلاح]

انا مش من الملاك بس اتمني العربيه دي تكون احسن و يكون احترام غبور للمستهلك افضل ن كده لمصلحتنا كلنا

[محمد بدر]

يا جماعه لو مشكلة الصدا في الأبواب فقط لاغير
يبقي أكيد الموضوع سهل
أنا بشوف العربية في الشارع وحش كاسر
حسبنا الله ونعم الوكيل فيك ياغبور ومتشفش فرحة في حياتك
زي ما كسرت فرحة الناس بعربيتهم

[H_Daim]

انهاردة 2 سألوني قولتلهم اوعوا العربية مصدية واحنا اضحك علينا ومش هانسيبهم، وواحد تاني ركن عربيته قدام المسجد علشان يصلي معانا المغرب فرحت قولتله بعد الصلاة انه يروح يكشف على عربيته علشان الصدأ ووريته المفتاح علشان يصدق اني معايا العربية

[M I D O]

متاااااااابع باهتمام

[bassemali]

فكره رائعه ... إذا كان الواحد أتنصب عليه من غبور يبقى لازم ينصح الناس بالحق .. انا مش معايا العربيه دي بس أنا أي حد بيسألني عنها بقوله تجنبها تماما .

[رمضان شوقى]

انهاردة 2 سألوني قولتلهم اوعوا العربية مصدية واحنا اضحك علينا ومش هانسيبهم، وواحد تاني ركن عربيته قدام المسجد علشان يصلي معانا المغرب فرحت قولتله بعد الصلاة انه يروح يكشف على عربيته علشان الصدأ ووريته المفتاح علشان يصدق اني معايا العربية

تكرم يا غالى هو ده الشغل الصح لأن حماية المستهلك كلهم بياكلوا من غبور هاتوا واحد فقط حماية المستهلك جابة حقه الحل الوحيد هو تبصرة الناس بحقيقة العربية و خاصة اننا مالكى العربية بنتكلم على حق و احنا المجنيين عليهم و ضحايا انسان معندوش ضمير و مشغل معاه عصابة .....

[رمضان شوقى]

فكره رائعه ... إذا كان الواحد أتنصب عليه من غبور يبقى لازم ينصح الناس بالحق .. انا مش معايا العربيه دي بس أنا أي حد بيسألني عنها بقوله تجنبها تماما .

انت عارف لو واحد بس كنا قولنا حالة فردية و لكن من النادر انك تقابل واحد يقول الصدا مظهرش عنده ..............

[الحجـــاج]

اية المشاكل الي فيها ومقارنتها بالمميزات دون ظلم او تحيز

مهو كل العربيات فيها عيوب بس نتيجة مقارنتها بالمميزات

[H_Daim]

اية المشاكل الي فيها ومقارنتها بالمميزات دون ظلم او تحيز

مهو كل العربيات فيها عيوب بس نتيجة مقارنتها بالمميزات

مميزات ايه اللي نذكرها جنب الصدأ؟!! انا والله مش طايق العربية من ساعة ما شوفت اللي فيها

[رمضان شوقى]

والله العربية فكرتنى بفتاة جميلة جدا و لكن سلوكها مش سليم ..... ههههههههههههههههههههههههههههه

[د.عماد صلاح]

عشان نبقي منصفين العربيه دي مميزاتها كتير و سعرها ممتاز واقل من كل الفئات للاخري الاقل منها و القاعده دي ساريه في للخليج حتي يعني هناك برضه سعرها قليل بس جودتها غير هنا خالص من حيث الماتور و الاساسيات و كل شئ يبقي العيب مش في العربيه ...العيب في اللي قفلها من غير ضمير