تقرير عن استلام جيلي امجراند7

[وائل الخريصي]

بحمد الله تعالي اشتريت الجميله ايمي كما تقولون من معرض بمحافظتي بصعيد مصر وركبتها وفولتها بنزين ورجعت بها مسافه 30 كم حيث اسكن والعربه الحمد لله جميله جدا وموفره في البنزين حيث انني مشيت بهاى الي الان 350 كم العربه مريحه جدا وثابته علي الارض وجميله الشكل بغض النظر عن اي موضوع قريته عنها حيث انني مقتنع بها تماما
فالحمد لله علي كل شئ العربيه اتخبطت هي واقفه تحت البيت متغطيه حيث اقتحم شارعنا توكتوك ودخل فيها من قدام وسبب كسر في واجهه السياره جنب فوانيس الشبوره ولكن الفوانيس سليمه والحمد لله
ولكن لي مجموعه من الاسئله وارجومن اعضاء المنتدي الاجابه
بالنسبه للضمان للان لا يوجد معي اي اثبات للضمان
حاولت الاتصال بالرقم الموجود بالرقم 16744 للسؤال عن الضمان وايضا حجز صيانه الالف كيلو ولكن الرقم مغلق مرفوع من الخدمه هل هناك اي ارقام استطيع من خلالها الاتصال
هل اذا لم اتمكن من الاتصال وحجز الصيانه في موعدها ما هو موقف الضمان
هل استطيع تغيير الزيت بره التوكيل وما هو موقفي ايضا من الضمان
ما هي اسعار قطع الغيار واين اجدها لانني اريد تغيير الفبر الامامي

[hany63]

فداك الخبطه ولا يهمك خدت العين
دلوقت الضمان المفروض تستلمه من التاجر اللي اشتريت منه بعد الترخيص هوا بيبقى واخد العربيات من الوكيل و اول ما بيقبض منك بيدفع له تمن العربيه المفروض الوكيل بيبعت ضمانها مع جواب المرور
ما علينا مبدئيا خلي معاك محضر استلام العربيه ده بيحل محل الضمان برضه عشان فيه اسمك و رقم الشاسيه و تاريخ استلامك للعربيه عشان ساعات الوكيل بيحسب فترة الضمان من تسليمه للتاجر فالورقه دي مهمه و ساعات اليوم في الضمان بيفرق

[hany63]

و اوع تعمل حاجه بره التوكيل منعا للتلاكيك

[samakaerror]

الضمان حضرتك بتستلموا من التوكيل فقط مش من حد تانى و الرقم الأخر هو 16661 غبور برضة ... الف مبروك عليك العربية و ربنا يكفيك شررها و الف سلامة على الخبطة و ان شاء الله سليمة ... هنا فى القاهرة فى ناس كتير جدآ بتبيع الفبر .. فا لو نازل القاهرة قريب .. عدّى على التوفيقية و هتجيب بسعر رخيص ان شاء الله

[M I D O]

الف مبروووووووووك وربنا يحفظهالك ومعلش الخبطة اخدت العين و بالنسبة للضمان ممكن تروح اي مركز معتمد وتعمل الصيانة وتاخد كتيب الضمان وكدة يبقي الضمان اتفعل بما انك عملت صيانة الالف واوعي تغير زيت برة التوكيل ولا تعمل اي حاجة برة عشان متخرجش من الضمان

[H_Daim]

مبروك يا زعيم وغير زيت في التوكيل او حد معتمد جنبك في الصعيد علشان الضماااان

[الحجـــاج]

الف مبروك يانجم


اشتريتها من فين؟

[S O P H O S]

الف مبروك يا باشا

[Mohamed_Ayman]

ألف مبروك والحمد لله بسيطة متزعلش نفسك وربنا يبارك لك فيها.

[midooo_119]

الف مبروك و ربنا يباركلك فيها

[J A G U A R]

الف مبروك والحمد لله انها جات على قد كده