زيارتى الاولى لمركز ابو رواش بعد الاستلام بيوم لتشغيل الداى لايت

[karimfahmy99]

السلام عليكم جميعا

الحمد لله اولا على كل شئ - انا بحمد الله استلمت العربية يوم الجمعة 4\4 مساء من مصرية للسيارات داندى مول طبعا المقصود جيلي ايمجراند 7 بعد تردد فترة طويلة من المواضيع الموجودة هنا و لكنى استخرت الله و توكلت علية - طبعا تممت على العربية من كلة سواء انوار و الوصلة و الولاعة و العدة و الكوريك و الاستبن و البودى و عملت تست على حساسات السيارة الحمد لله الحمد لله الحمد لله كلة كان تمام و شغال بفضل الله - الاستلام بدون الكتالوج ولا كتيب الصيانة - و للى هيسال عن رقم الشاسية فهوة 13 الف و مية و حاجة - المهم نزلت الكتالوج بعد بحث على النت و قريتة - المهم سبب زيارتى لمركز خدمة ابو رواش لانى كنت عاوز اشغل لمبات الداى لايت الامامية و قبل ذهابى اتصلت بالهوت لاين خد بياناتى و كان زوق جدا معايا فالمكالمة بس قالى انى مقدرش اروح التوكيل لان العربية لسة مش مترخصة لازم ارخصها الاول عموما قالى اتصل بمركز وهدان و اسالهم عن اللى انا عاوزة قفلت معاة و اتصلت بمركز وهدان و قلتلة الموضوع قالى حضرتك روح مركز ابو رواش بدون حجز لان تشغيل لمبات الداى لايت بتتعمل عن طريق الكمبيوتر شكرتة جدا لزوقة وقفلت - المهم كانت الساعة تقريبا 1و نص بعد الظهر قلت اتوكل على الله و اروح اشوف المهم وصلت الساعة 2 عندهم - ملقتش اى مهندس قاعد على مكتبة كلهم فالصيانة قعدت الف و ادور على مهندس عند بوابة الصيانة لغاية ملقيت مهندس و راح مكتبة كان فى ناس غيرى منتظرينة المهم لما جت الفرصة انى اتكلم و اقول طلبى اية كلمتة و قلتلة و خوفى انو يقولى الرخصة هههه و طبعا قالى الرخصة قلتلة لسة مترخصتش و معايا محضر الاستلام للسيارة فقط خدها و شافها و قالى طيب هنعملها و كملت الاجراءات و دخلت العربية للمرة الاولى المركز و لسة عاملة 37 كم هههههه - و انا عند المهندس كان فى ناس بتسال برضوا على موضوع الكتالوج قالهم لسة فالطباعة بس الموجود دلوقت كتيب الصيانة طبعا خدت واحد منة - بصراحة العربية مقعدتش اكتر من 10 دقايق جوة و خلصت و استلمتها بحمد الله - طبعا تشغيل الداى لايت مجانى و لكن عند طلبك الغائها تتكلف 100ج بس انا قلت حتى لو عاوز الغيها بعد كدة مش لازم عن طريق الكمبيوتر و لا 100ج و لا حاجة انما ممكن انى اشيل اللمبات من اصلة او احط لمبتين زييهم محروقين ههههه - بس نصيحة منى لانى عملت كدة و كنت مجهز اللمبات - لو شغلت الداى لايت غير اللمبات اللى حاطينها و جيب لمبات ليد لان اللمبات اللى حاطينها لمبات عادية زى بتاعت الاشارة 21 وات طبعا استهلاك عالى و الاهم بتسخن جاااامد الليدات بتاخد اقل من ربع استهلاك اللمبة بتاعتهم و الاهم متسخنش زى العادية - للى ميعرفش الداى لايت دى لمبات بتفضل منورة طول ما العربية دايرة الصبح او بالليل و بتتطفى بس فى حالة انك ولعت النور الكبير الارضى او العالى انما لو ولعت نور الشبورة بتفضل برضوا منورة - بالمناسة برضوا اقول ان العربية الفنش بتاعها كويس و سحبها جميل و ثابتة بس طبعا فيها من وجهة نظرى نواقص كان لازم تتحط فيها يعنى مثلا وحدات رفع الزجاج لو انت عملتها برة التوكيل الضفيرة تخرج من الضمان و التوكيل مش بيعملها و لا بيركبها طب اية الحل !! و لو حد ركب وحدات الرفع برة ياريت يقولى عند مين عملها لانى عاوز اركب وحدات رفع - و برضوا كان لازم صوت عند تامين السيارة بالريموت على الاقل مش لازم و انت بتفتحها زى الاسبيرانزا مثلا - طولت عليكم معلش - تم بحمد الله

[د.عماد صلاح]

مبروووك

[samakaerror]

الف مبروك يا باشا و عقبال صيانة الــ1000000 كم و قولنا المهندس اسمة اية

[karimfahmy99]

مبروووك

الف مبروك يا باشا و عقبال صيانة الــ1000000 كم و قولنا المهندس اسمة اية

الله يبارك فيكم جميعا و اشكركم للمجاملة الرقيقة - للاسف معرفتش اسم المهندس اية لما اروح تانى ان شاء الله هعرفة

[M I D O]

الف مبروك يا باشا وربنا يحفظهالك وانا عن نفسي مبحبش الداي لايت عشان هتلاقي كل الشعب بتقلك النور مولع يا كابتن طول منتا ماشي

[S O P H O S]

مبروك عقبال صيانة ال 100

[Astra Lovers]

مبروك

[Astra Lovers]

بس المركز وضعهخ ايه

[هانى ظرف منصور]

الف مبروك

[ghaith_peogeut]

ربنا يباركلك في السيارة الجديدة

[karimfahmy99]

الف مبروك يا باشا وربنا يحفظهالك وانا عن نفسي مبحبش الداي لايت عشان هتلاقي كل الشعب بتقلك النور مولع يا كابتن طول منتا ماشي

كلامك صح 100% بس الناس اللى فاهمة زى حلاتنا مش هتقول لبعض النور منور يا كوتش هههههه المهم اللى قلتوا اللى يشغلها يحط لمبة ليدات مش اللى راكبة اولا لتخيفض الاستهلاك و الاهم عشان الدواية نفسها متتحرقش من فعل السخونية الشديدة للمبة العادية

مبروك عقبال صيانة ال 100

الله يبارك فيك يا غالى تسلم

[dedi]

الف مبروك

[karimfahmy99]

مبروك

بس المركز وضعهخ ايه

الف مبروك

ربنا يباركلك في السيارة الجديدة

الله يباك فيكم و فى زوقكم العالى - و ربنا يكفينا شرها - اللهم م امين

اما عن مركز ابو رواش بصراحة ربنا انا شايف ان عليهم ضغط عالى و العمالة عنهم ضعيفة لا تتناسب مع كم السيارات اليومى سواء صيانات دورية او مشاكل و دا اعتقد مش لعيب فالسيارة انما للكم الكبير الذى تم بيعة فى فترة قصيرة و لان ايضا المراكز المعتمدة نفسها فى حالة وجود مشكلة يتم ارسالها الى مركز ابو رواش ايضا انا شفت عربيات بنى سويف و شرقية جايين عشان يعملوا صيانة دورية هناك لية مفيش مراكز صيانة هناك ؟ و دا يدل ان لسة محتاجين مراكز فى الاقاليم - و الله اعلم

[karimfahmy99]

نسيت اقول و للعلم فقط ان كان فى عربية فيها مشكلة معرفش اية بالظبط بس شفت العربية خارجة من المركز و سايقها الخبير الصينى الموجود بالمركز مع احد افراد الصيانة لتجربة السيارة على الطريق و عادت مرة اخرى لداخل المركز برضوا بقيادة الخبير الصينى

[Mohab555]

الف مبروك يا باشا وربنا يحفظهالك