تقرير استخدام الامجراند ل 10000 كيلو

[M I D O]

الف مبرووووووووووووووووك الصيانه وربنا يحميك ويحميها ويبارك فيها
عربيه ممتازه بصراحه

الله يبارك فيك يا غالي وربنا يخليك

[dedi]

حبيب قلبى منور تقرير هايل يا ميدو ربنا يباركلك فيها
بالرغم من المشاكل البسيطة فى البداية و لكن من المفروض انها زيرو يعنى بلا مشاكل و لكن معك حق مشكلة الصدا دية كارثة ياريت غبور يهتم بالملاك وياريت حماية المستهلك تعطيك حقك خليك وراهم ماضاع حق ورائة مطالب
سؤال اية علاقة الدواسة الفرامل بالتكييف وهل عندك تفسير لكدة

[M I D O]

حبيب قلبى منور تقرير هايل يا ميدو ربنا يباركلك فيها
بالرغم من المشاكل البسيطة فى البداية و لكن من المفروض انها زيرو يعنى بلا مشاكل و لكن معك حق مشكلة الصدا دية كارثة ياريت غبور يهتم بالملاك وياريت حماية المستهلك تعطيك حقك خليك وراهم ماضاع حق ورائة مطالب
سؤال اية علاقة الدواسة الفرامل بالتكييف وهل عندك تفسير لكدة

حبيب قلبي ربنا يخليك ونورت الموضوع وانا معا حماية المستهلك اهو وربنا يسهل ..
كل الجيلي الفرامل بتحس انها بتنشف شوية معا تشغيل التكييف ومعا الفصل بتلاقي الدواسة رجعت طبيعية تاني ومش عارف بصراحة دة بسبب اية بس هبقي اسئل في التوكيل و ارد هنا

[Eslam Khalil]

السلام عليكم

@M I D O

انا تقريبا شفت كل مواضيعك عن الإمجراند و انا شخصيا معجب بالعربية دى تحديد لانه امكانيتها قصاد السعر و مقارنة بالعربيات التانية زى الفيرنا مثلا تعتبر خرافة لكن خبرتى بالعربيات قليلة و دى هتبقى اول عربية إن شاء الله بس السؤال بقى و اكيد مش اول واحد اسأله..

هل الإمجراند تستاهل تمنها و خصوصا لو هجيبها قسط على 5 سنين ؟ و هل زى ما ناس بتقول انك تجيب عربية موديل قديم يابانى مثلا و تظبطها احسن ما تجيب إمجراند ؟ و بالنسبة لقطع الغيار توفرها و سعرها ايه ؟

انا شكل العربية يهمنى لانه مش هجيب عربية شكلها غبى و الاقى سعرها مبالغ فيه فملقتش فى الفئة السعرية حاجة عجبتنى فمنتظر اجابتك لانه زى ما انت فاهم مش مال سايب زى اللى فى جيب غبور :D

[M I D O]

السلام عليكم

@M I D O

انا تقريبا شفت كل مواضيعك عن الإمجراند و انا شخصيا معجب بالعربية دى تحديد لانه امكانيتها قصاد السعر و مقارنة بالعربيات التانية زى الفيرنا مثلا تعتبر خرافة لكن خبرتى بالعربيات قليلة و دى هتبقى اول عربية إن شاء الله بس السؤال بقى و اكيد مش اول واحد اسأله..

هل الإمجراند تستاهل تمنها و خصوصا لو هجيبها قسط على 5 سنين ؟ و هل زى ما ناس بتقول انك تجيب عربية موديل قديم يابانى مثلا و تظبطها احسن ما تجيب إمجراند ؟ و بالنسبة لقطع الغيار توفرها و سعرها ايه ؟

انا شكل العربية يهمنى لانه مش هجيب عربية شكلها غبى و الاقى سعرها مبالغ فيه فملقتش فى الفئة السعرية حاجة عجبتنى فمنتظر اجابتك لانه زى ما انت فاهم مش مال سايب زى اللى فى جيب غبور :D

وعليكم السلام ورحمة الله وبركاتة ...
والله العربية في رايي تعتبر صفقة ناجحة بعيدا عن موضوع الصدأ الي ظهر واعتقد ان غبور هيبدء او بدء في حلها والله اعلم العربية كويسة جدا وتستاهل واحسن عربية في الفئة السعرية بتاعتها وبالنسبة لقطع الغيار مش كلها غالية ومش كلها رخيصة ومش كلها متوفرة برة الضمان يعني مثلا الفانوس في الضمان ب 750 برة ب 250 عندك تيل الفرامل ب 650 جنية تقريبا في التوكيل برة ب 250 ودة مثال يعني الحجات الخفيفة موجودة انما الابواب مثلا و الشنطة و الكبوت دول لسة عليهم شوية بحكم ان العربية لسة جديدة لاكن معا الانتشار الواضح ولسة كمان ان شاء الله دي نقطة تخليك متقلقش من ناحية قطع الغيار ورايي هتشتري عجلة زيرو احسن من bmw مستعملة ودة رايي الشخصي ومتنساش الاستخارة والي فية الخير يقدمة ربنا

[karimfahmy99]

كلام ميدو سليم مليون %

انا حابب اضيف بس نقطة مهمة ان العيب الاساسى من العمالة المصرية و بالاخص مهندس الشاسيهات اللى بيعمل الفاينل تشك على الشاسية قبل تكملة مشوار التقفيل و اعتقد تقريبا ان كلها كانت فى موديلات 2013 و كما هو معلوم ان اكيد غبور لية جواسيس ههههه بتدخل المنتديات و الفيس تشوف اية اللى بيتقال على العربية سواء سلبيات او ايجابيات و من المفترض انة طبعا بيبلغ بهذا الكلام و من المفترض ايضا انة يحسن من اداء العمالة و الخامات و التقفيل لكسب ثقة الناس باستثناء موضوع الكاسيت الذى لا يزال الشكاوى منة و انا كنت من ضمنهم و موديل 2014 و كان بة مشكلة و برضوا نرجع و نقول دا عيب المورد و الشركة المنتجة لان كلنا عارفين ان الاجهزة دى لازم يكون عليها ستيكر Test ok لكن ازاى تست اوكى و هو معيوب !! و بيتركب فالعربية و برضوا قصور من مهندس الفاينل تشيك قبل خروج السيارة يعنى فاينل تشيك على كل حاجة راكبة فالعربية بما فيها الكاسيت - عموما بتحصل فى احسن عائلات السيارات ههههه - و الله اعلم

[M I D O]

كلام ميدو سليم مليون %

انا حابب اضيف بس نقطة مهمة ان العيب الاساسى من العمالة المصرية و بالاخص مهندس الشاسيهات اللى بيعمل الفاينل تشك على الشاسية قبل تكملة مشوار التقفيل و اعتقد تقريبا ان كلها كانت فى موديلات 2013 و كما هو معلوم ان اكيد غبور لية جواسيس ههههه بتدخل المنتديات و الفيس تشوف اية اللى بيتقال على العربية سواء سلبيات او ايجابيات و من المفترض انة طبعا بيبلغ بهذا الكلام و من المفترض ايضا انة يحسن من اداء العمالة و الخامات و التقفيل لكسب ثقة الناس باستثناء موضوع الكاسيت الذى لا يزال الشكاوى منة و انا كنت من ضمنهم و موديل 2014 و كان بة مشكلة و برضوا نرجع و نقول دا عيب المورد و الشركة المنتجة لان كلنا عارفين ان الاجهزة دى لازم يكون عليها ستيكر test ok لكن ازاى تست اوكى و هو معيوب !! و بيتركب فالعربية و برضوا قصور من مهندس الفاينل تشيك قبل خروج السيارة يعنى فاينل تشيك على كل حاجة راكبة فالعربية بما فيها الكاسيت - عموما بتحصل فى احسن عائلات السيارات ههههه - و الله اعلم

كلام سليم يا باشا

[الطبيب الحائر]

تقرير ممتاز وواضح وحيادى تمام
اللة يباركلك فيها

[M I D O]

تقرير ممتاز وواضح وحيادى تمام
الله يباركلك فيها

الله يخليك يا باشا ونورت الموضوع

[hassoom]

معلش يا باشا انا هتعبك معايا بس انا متابع تقاريرك عن الايمجراند لحد ما اشترتها من 4 شهور والشهاده لله العربيه حلوة بس حصلت عندي مشكله انتا كنت قلت انها حصلت معاك
وهيا عوامة البنزين الاول كانت شغاله بس مبتفولش ابدا ورحت في صيانة ال 5000 لا بو رواش قالولي هنعملها وخلصت الصيانه ومشيت عل انها اتصلحت بس لا سف بقت على طول مفوله ومبتنزلش خالص وبعدين رحتلهم تاني وقعدت 9 ساعات مستني وقلولي خلصت وانا مكنتش مفولها بفتح عشان اخد العربيه وامشي لقيتها مفوله ناديت للمهندس عبد الرحمن اللي كان معايا ومكنش مقتنع رحت البنزينة وفولتها خدت 22 لتر ورجعت قلتلو على اللي حصل دخلها تاني وجالي قالي ان لحد دلوقتي مغيرين عوامتين وهيشوفو ايه الموضوع وبعدين في الاخر قالي انهم شاكيين في لوحة العدادات المهم في الاخر قالولي كلو تمام وعملولها رستارت وهتشتغل وجرب 3 ايام ولو في حاجه كلمنا وتعاللنا تاني وبردو نفس المشكله لسه موجوده وانا بصراحه تعبت من كتر المرواح والمجي والاجازات من الشغل وانتا كنت بتقول انها حصلت معاك فياريت تقلي اتحلت عندك والا لا ولو حلوها مين اللي حلها وعمل ايه بالظبط

[iEgyptian]

انا بقى تجربتى مع غبور حاجه ما شا الله عليها .. والله بشحت معلومه منهم الناس هناك مش عارف فى ايه حتى كان فى استبيان راى والله قلت الكلام دا وش فى التليفون ان مركز الصيانه زفت . انا من الغردقه . انا عامل بالعربيه 1820 كيلو لحد دلوقتى اول امبارح كنت فى مرسى علم انا بس فى نقظ واتمنى اتمنى الناس تجيبلى الخلاصه عشان والله انا من الصبح شغال اقرا فى الكتالوج مش فاهم اى بتنجان بس بصراحه افدنى فى حاجات كتيره ...
1- انا العربيه بتحدف معايا شمال المهم الكلام دا كان من الاول خالص من سعت ما جبت العربيه جديد المهم روحت اشيك غلى الهوا كان ناقص قدام كان على 15 المهم عملتهم الحدفه خفت بس فى حدفه بسيطه وظبطت زوايا المهم ساعت بحس الدريكسيون لوحده تقل مش عارف ليه ولا دى تهيأت
2- صوت الشكمان مش عارف عالى قوى روحت انهارده سألت الكفتاجى اللى فى التوكيل قالى دا عادى يافندم كل الجيلى كدا انت مستنى ايه من شكمان محلى والله محسيسنى ان البوجواتى بتاعته مركونه بره
3-العربيه بتنط اه وربنا وانا ماشى مش عارف ليه اما بسرع بالعربيه بحس العربيه بتنط منى واما اجى اخد غروزه بحس العربيه مش عارف اتحكم فيها
4-التكيف مش وحش بصراحه تمام والسماعات زى ما قال الاخ ميدو العزيز اموت واعرف من الجايف اللى صممها صوت فى الجلاش خالص وكمان بصراحه انا خايف اركب سماعات ابوز منظر العربيه من ورا
5-ياجدعان والنبى حد يقولى ام التليين بتاع الموتور فى الكتالوج مكتوب 5000 فى النت مكتوب اخرك 2000 وفى ناس تانى بتقولى 10000 انا ماشى سلاحف عشان حوار الموتور دا
6-انا ظبطت نيتروجين تمام
7-فى صوت فى الفرامل زى حك حديد برضه الكفتاجى بتاع التوكيل قالى دا ظبيعى عشان الفرامل لازءه فى الكوتش بتحك عادى
بس دى الحاجات اللى ممكن اكون يأست فى تشخيصها وخصوصا التوكيل قالى كله عادى دا بيقولى يافندم انت خلاص عملت صيانه الالف اتشقلب بالعربيه .. ارجو من الناس الافاده والله تعبت ومش عايز وخصوصا العربيه لو اساستها صح تبقى 100 100 معاك .. انا اسف على الاطاله وتقبلوا تحياتى ....

[ashouhdy]

انا معيش العربية بس ممكن افيدك

كل اللي انت قلتة مش شايف فية عيب ميكانيكا

كلامك عن الحدفة دة زوايا يأما زاوية العجل مقفولة او مفتوحة او ذي الفيرنا بتنزل ٩٠% في عيب في فردة من فرد الكاوتش بتعمل حدفة ، حاول تنقل العجل الامامي ورا واكشف علية

الكاسيت ، تركيب سماعات مفيش فية في اي توكيل في الدنيا مشكلة ولو التوكيل اتلكك اخبطة علي راسة

موضوع التفتيح ...طالما غيرت زيت الفابريقة و عديت الالف عيش براحتك ولا تقلق نهائي ومكتوب قي كتالوج عربيتي ان مفيش داعي للتليين. وطالما كسرت الالف و غيرت زيت متقلقش

صوت الفرامل مش عارف بس كتيرة تيل.

العربية ماشاءالله بشوفها كنير عالطريق و جراية و ثابتة وشكلها محترم

صوت الشكمان فعلا عالي ودة بسبب ان في علبة في النص مصري .. لما بتتغير باستيراد الصون بيختفي.


متقلقش

[iEgyptian]

انا معيش العربية بس ممكن افيدك

كل اللي انت قلتة مش شايف فية عيب ميكانيكا

كلامك عن الحدفة دة زوايا يأما زاوية العجل مقفولة او مفتوحة او ذي الفيرنا بتنزل ٩٠% في عيب في فردة من فرد الكاوتش بتعمل حدفة ، حاول تنقل العجل الامامي ورا واكشف علية

الكاسيت ، تركيب سماعات مفيش فية في اي توكيل في الدنيا مشكلة ولو التوكيل اتلكك اخبطة علي راسة

موضوع التفتيح ...طالما غيرت زيت الفابريقة و عديت الالف عيش براحتك ولا تقلق نهائي ومكتوب قي كتالوج عربيتي ان مفيش داعي للتليين. وطالما كسرت الالف و غيرت زيت متقلقش

صوت الفرامل مش عارف بس كتيرة تيل.

العربية ماشاءالله بشوفها كنير عالطريق و جراية و ثابتة وشكلها محترم

صوت الشكمان فعلا عالي ودة بسبب ان في علبة في النص مصري .. لما بتتغير باستيراد الصون بيختفي.


متقلقش

اولا وقبل اى شىء شاكر على ردك واهتمامك جزاك الله خيرا ... وان شاء الله فى انتظار مزيد من الردود للافاده
تقبل شكرى اخى الغالى ...

[ehabzakareya]

تقرير عن استخدام السيارة جيلي امجراند ل 2000 كم

بسم الله الرحمن الرحيم وبه نستعين وما توفيقي الا بالله
احبائي في الله ...... لقد اشتريت السيارة في اواخر يناير 2015 واليكم ملاحظاتي عليها حتى الان:
(مع الاخذ في الاعتبار اني كنت املك سيارة دايو لانوس 1 كاملة اوتوماتيك موديل 1999)
1- شكل السيارة جميل من الخارج والداخل.
2-واسعة من الداخل وكذلك الشنظة.
3-ارتفاعها عن الارض مناسب لتجنب المطبات الصناعية (مقارنة بالانوس)وهذا ضروري جدا في مصر .
4-العفشة معقولة حتى الان لحين تقييم ادائها مع الاستخدام لفترات زمنية اطول حتى يتضح لنا جودتها من ردائتها.
5-الفرامل معقولة.
6-الاتزان معقول مع مراعاة انها ليست سيارة سباق فهي غير مصممة للسرعات العالية فهي مصممة للاستعمال العادي داخل المدينة فأنني ارى بأنة ليس من المنصف ان نجري بها لسرعات عالية ونشد بها عمال على بطال فكل ذلك من وجهة نظري سوء استخدام (من الضروري معرفة امكانيات السيارة واستخدامها وفقا لتلك الامكانيات).
7-الفتيس ساعات يعض وخاصة عندما تغير السرعة من الثاني الى الاول (في حالة وقوف السيارة عن الحركة) ومن الاول الى الثاني (في حالة تسارع السيارة).
8-لمبة التوقف (الاستوب) كانت تتأخر عن الاشتغال عند دوس الفرامل او بمعنى اخر لا تشتغل عند ترييح قدمي عل دواسة الفرامل وتشتغل اذا ضغطت بشدة. ولكن حلت هذه المشكلة في التوكيل بعد عمل رجلاش للزرار الخاص بها تحت دواسة الفرامل.

[bassemali]

متااااااااااااااابع