تقرير لمن اشترى ايمجراند فى ابريل 2014 لمتابعة اى عيوب

[karimfahmy99]

لمشتريين ايمجراند 7
ابريل 2014
لمتابعة العربية و هل هناك تدارك للاخطاء فى عملية التقفيل و الفنش و عيوب الصدأ او اى عيوب اخرى تستجد
انا عملت الموضوع دا لمشتريين العربية فى شهر ابريل 2014 لمتابعة الموضوع حيث اننى من ضمن من اشترى السيارة هذا الشهر و رقم الشاسية --131 يعنى 13 الف و مية و كسر مش عاوز اقول بالظبط ههههه - الحمد لله الحمد لله الحمد لله العربية لم الاحظ اى اخطاء خارجية و او صدأ حتى الان ربنا يستر بعد كدة - اول مشكلة قابلتنى هى الكاسيت حيث ان ال cd مكنش بيشتغل و تم حل المشكلة فى ابو رواش باستبدال الجهاز بجهاز اخر و الحمد لله يعمل حتى الان
ارجو من اى حد من الاعضاء اشترى العربية فى ابريل 2014 يقولنا اية ملاحظاتة و هل وجد اى عيوب اى ان كانت
انا استخرت ربنا و توكلت علية لانى اعتقد ان البلبلة اللى حصلت فى موضوع الصدأ دا اكيد عمل رد فعل و اكيد فى تدارك للمشكلة من غبور و حسب علمى ان معظم اللى كان عندة صدأ من متابعتى للمواضيع هنا كانت فى موديل 2013 و ايضا قرات ان بعد الشاسية 10000 تم تدارك المشكلة و الله اعلم انا زييى زيكم فالهوا سوا
ربنا يستهرها علينا و يكفينا شرها يارب

[cobrahi]

متــــــــــــــــــــآآبع باهتمام

[M I D O]

متاااااااااااااابع

[fouad mekkey]

انا لسا مشترتش ومستني رد الناس

[هانى ظرف منصور]

الف مبروك وربنا يستر عليك من الصدا بس فيه حاجه ليه غبور مصمم يحط كاسيت كل الناس بتشتكى منه وبعدين الناس تشتكى منه الصيانه ييجى مغير الكاسيت نفس الماركه البايظه ؟

[karimfahmy99]

الف مبروك وربنا يستر عليك من الصدا بس فيه حاجه ليه غبور مصمم يحط كاسيت كل الناس بتشتكى منه وبعدين الناس تشتكى منه الصيانه ييجى مغير الكاسيت نفس الماركه البايظه ؟

و يبارك فيك يا غالى
فعلا ربنا يستر على موضوع الصدا و متابع اى جديد فالموضوع دا

اما سؤالك عن الكاسيت فهو سؤال وجيهة هههههه دا احتمل لان يمكن برضوا الدفعة الاولى من الكاسيت دا كان فية عيوب زى العربية و اتصلحت العيوب دى دا اذا كان اى حاجة منهم اتصلحت و الله اعلم

[د.عماد صلاح]

هو مفيش حد اشتري ولا ايه

[karimfahmy99]

هو مفيش حد اشتري ولا ايه

عندك حق و الله اية فين الناس

[karimfahmy99]

واضح ان العربية سوقها وقف فعلا على نايل موتورز

[hatemhotmil]

إن شاء الله هستلم العربية يوم الاثنين القادم أسأل الله أن تكون خالية من العيوب السابقة . دعواتكم يا إخوتي وأحبتي في الله

[dedi]

الف مبروك وربنا يستر عليك من الصدا بس فيه حاجه ليه غبور مصمم يحط كاسيت كل الناس بتشتكى منه وبعدين الناس تشتكى منه الصيانه ييجى مغير الكاسيت نفس الماركه البايظه ؟

فية ناس بعد ماغيرت لقيت الجديد بايظ بردة و بعضهم قال انة شك انة الذى ركبة كان راكب فى سيارة من قبل يعنى لبس دة فى دة
اول مرة اشوف شركة مصممة على تركيب منتج بايظ والناس اشتكت منة شئ اغرب من الخيال

[hatemhotmil]

ربنا يطمنك طيب ودي الواحد يعرفها ازاي وهو بيستلم العربية

[karimfahmy99]

إن شاء الله هستلم العربية يوم الاثنين القادم أسأل الله أن تكون خالية من العيوب السابقة . دعواتكم يا إخوتي وأحبتي في الله

ربنا يوفقك ان شاء الله و تستلم على خير - المهم تمم على العربية زى مكتبت و متناساش تجرب الكاسيت و خد معاك اسطوانة و فلاشة للتجربة - و مبروك مقدما و ربنا يكفيك شرها

فية ناس بعد ماغيرت لقيت الجديد بايظ بردة و بعضهم قال انة شك انة الذى ركبة كان راكب فى سيارة من قبل يعنى لبس دة فى دة
اول مرة اشوف شركة مصممة على تركيب منتج بايظ والناس اشتكت منة شئ اغرب من الخيال

ربنا يطمنك طيب ودي الواحد يعرفها ازاي وهو بيستلم العربية

دا كلام سليم و حصل فعلا معايا بس خدت بالى تانى يوم الصبح لانى استلمت العربية متاخر و النور كان ضعيف - بس الصبح فالشمس طبعا كانت كارثة ليا انى اشوف الكاسيت اللى ركبوة مستعمل و خدو الجديد نوفى - طبعا عرفت من كذا حاجة انة مستعمل اولا الشاشة مخربشة و حوالين اكرة تعلية الصوت اللون رايح منها هههههه و العربية لسة عاملة 200كم - رحت و قابلت المهندس و قلتلوا عاوزك تبص على حاجة و فعلا بص و شاف و قلتلة اذا كان دا يصح و يرضيك خلاص و كلامى معاة بكل زوق و ادب و فعلا قالى لا طبعا مين اللى حط الكاسيت دا ؟ انا هشوف الموضوع و عمل امر دخول للعربية و فعلا دخل بنفسة تابع الموضوع و تم تغير الكاسيت الحمد لله بواحد جديد و الحمد لله شغال كويس لغاية دلوقت و عند استلامى العربية للظروف المهندس كان موجود و قلتلوا العربية طلعت قال للامن افتحولى العربية دى و دخل بنفسة شاف الكاسيت و قالى اتفضل شوف و لو فى حاجة قولى طبعا متكلمتش لانة شكلة جديد فعلا بس قبل مخرج من البوابة جربت كل حاجة للتاكيد - بحمد ربنا انها جت على اد الكاسيت - ربنا يفرحنا بيها و يكفينا شرها

[hatemhotmil]

شكرا لذوقكم واهتمامكم وشكرا على النصائح الغالية ز جزاكم الله خيرا

[karimfahmy99]

شكرا لذوقكم واهتمامكم وشكرا على النصائح الغالية و جزاكم الله خيرا

احنا اخوات هنا و لا شكر على واجب