تفعيل وحدة رفع الزجاج ﻻيمجراند7

[عبدالرحمن شبل]

النهارده روحت عند الزغل بتاع ش شبرا وشغلى وحدة الرفع بتاع الزجاج

كل الحكايه كتاوت واتوصل بالضفيره ، وعلى فكره العربيه اصلا فيها وحدة الرفع متركبه جاهزه بس غيور الله يكرمه مكسلين يشغلوها مع الريموت وهو ده اللى عمله الكهربائي .. مجرد شغلها مع اللوك بتاع الريموت .
والعمليه كلها اتكلفت 50 جنيه وربع ساعه فقط ﻻغير .

[karimfahmy99]

استاذ عبد الرحمن بعتلك رسالة على الخاص و بانتظار ردك - ياريتك بس كنت صورت او عرفت تفاصيل التركيب اكتر لافادتى و افادة السادة الاعضاء - بس على ما اعتقد اننا لو عملنا كدة يبقى الضفيرة بتخرج من الضمان للى لسة فالضمان اقصد - و شاكرين لسيادتكم الافادة بخصوص هذا الموضوع

[عبدالرحمن شبل]

استاذ عبد الرحمن بعتلك رسالة على الخاص و بانتظار ردك - ياريتك بس كنت صورت او عرفت تفاصيل التركيب اكتر لافادتى و افادة السادة الاعضاء - بس على ما اعتقد اننا لو عملنا كدة يبقى الضفيرة بتخرج من الضمان للى لسة فالضمان اقصد - و شاكرين لسيادتكم الافادة بخصوص هذا الموضوع

استاذ كريم انا عارف ان كده خرجت من ضمان الكهرياء وعلى فكره انا خرجت من قبل كده اصلا ﻻنى غيرت الكاسيت وركبت سيمفونى بالجى بي اس والبلوتوث ،

المهم بالنسبه لموضوع وحدة الرفع .. الفكره ان العربيه اصلا فيها وحدات رفع وشغاله بدليل انك بعد ماتبطل العربيه وتشيل المفتاح ممكن ترفع الزجاج هيرفع معاك بس الفكره انه مش متشغل على الريموت وهو ده اللى بيتعمل ، كل الحكايه انه بيعمل كتاوت يشغل الوحدات دى عند غلق العربيه بالريموت ، والموضوع ما بياخدش اكثر من ربع او نص ساعه بالكتير .

عنوان المحل شارع شبرا الرئيسي ، هيبقي على يمينك وانت جاى من دوران شبرا ، بعد كشري التحرير وارابياتا وبجوار بيتزا هت .. هو اقرب للخلفاوى
وعموما انا هجيبلك رقمه انا معايا الكارت فى العربيه .

والحوار كله اتكلف 50 جنيه .

[midooo_119]

مشكور جدا عالمعلومه وان شاء الله هروح و اعملها

[karimfahmy99]

استاذ عبد الرحمن

سعدت فعلا بمكالمتك و معرفة التفاصيل منك شخصيا - و اللى كنت بفكر فية طلع صح موضوع تايمر الزجاج و زى ما قلتلك كدة برضوا يعتبر قصور فى اداء وحدات الرفع او فالدائرة الكهربائية مع التعديل اللى تم و اعتقد فعلا الحل هو توصيل مصدر مستمر بعيد عن التايمر يسمح بغلق الزجاج فى اى وقت او الغاء التايمر من اصلة اذا امكن مش لازم انزل من العربية و اقفل بسرعة ههههه و الا زى ما قلت لازم ادخل العربية تانى و افتح كونتاكت و انزل و اقفل ريموت - عموما زى ما قلنا هى عاوزة مشوار للكهربائى تانى و تستفسر عن النقطة دى و مدى امكانية عملها من عدمة يا اما شراء وحدة انذار تانية مع امكانية استغلال وحدات الرفع الموجوة فعلا ام شراء وحدات اخرى - هننتظر منك اجابة ان شاء الله بعد زيارتك للكهربائى - تحياتى لك

[M I D O]

العربية مفيهاش وحدة رفع ..
هوة بس وصل الزجاج بالريموت انما العربية نازلة بدون وحدات رفع ولو هيكون فيها يبقي غبور كان زمانة وصلها واهي مصلحة لية يزود اوبشن العربية

[midooo_119]

معنى كده ان الى هيعمل الموضوع ده لازم يقفل العربيه فخلال ال30 ثانيه عشان الازاز يقفل؟؟

[karimfahmy99]

العربية مفيهاش وحدة رفع ..
هوة بس وصل الزجاج بالريموت انما العربية نازلة بدون وحدات رفع ولو هيكون فيها يبقي غبور كان زمانة وصلها واهي مصلحة لية يزود اوبشن العربية

طب ازاى مفهاش وحدات رفع ؟ اولا زمن غلق السنتر لا يتعدى ثوانى و انما غلق الزجاج بالكامل يحتاج لمدة اكبر - فاذا زى مبتقول وصل على دايرة السنتر يبقى معنى كدة الزجاج هيقفل للنص مثلا او اقل او اكتر حسن مكانة وقت الغلق - و الله اعلم

معنى كده ان الى هيعمل الموضوع ده لازم يقفل العربيه فخلال ال30 ثانيه عشان الازاز يقفل؟؟

كلام مظبوط و دا الخلل الى بقول علية

[M I D O]

معنى كده ان الى هيعمل الموضوع ده لازم يقفل العربيه فخلال ال30 ثانيه عشان الازاز يقفل؟؟

بالظبط كدة

[M I D O]

طب ازاى مفهاش وحدات رفع ؟ اولا زمن غلق السنتر لا يتعدى ثوانى و انما غلق الزجاج بالكامل يحتاج لمدة اكبر - فاذا زى مبتقول وصل على دايرة السنتر يبقى معنى كدة الزجاج هيقفل للنص مثلا او اقل او اكتر حسن مكانة وقت الغلق - و الله اعلم

لو العربية متقفلتش في ال 30 ثانية المهلة بتاعة الكهرباء الزجاج مش هيقفل ..
مستنيين تجارب من الي عملو الحركة دي عشان ياكدولنا وياريت يقفلو العربية بعد ميبطلوها بدقيقة او 2 عشان التاكيد

[karimfahmy99]

لو العربية متقفلتش في ال 30 ثانية المهلة بتاعة الكهرباء الزجاج مش هيقفل ..
مستنيين تجارب من الي عملو الحركة دي عشان ياكدولنا وياريت يقفلو العربية بعد ميبطلوها بدقيقة او 2 عشان التاكيد

منا كلمت صاحب الموضوع أ\عبد الرحمن اللى عمل الحكاية دى عند الكهربائى فى شبرا و اكد ان فعلا لو قفل بعد ال 30 ثانية , السنتر بس اللى بيقفل و الزجاج لا و على وعد انة يروح يسال الكهربائى فالحكاية دى و اية حلها

[M I D O]

منا كلمت صاحب الموضوع أ\عبد الرحمن اللى عمل الحكاية دى عند الكهربائى فى شبرا و اكد ان فعلا لو قفل بعد ال 30 ثانية , السنتر بس اللى بيقفل و الزجاج لا و على وعد انة يروح يسال الكهربائى فالحكاية دى و اية حلها

زي منا قلت ربط الزجاج علي السنتر انما هية مفيهاش وحدات رفع للاسف

[karimfahmy99]

زي منا قلت ربط الزجاج علي السنتر انما هية مفيهاش وحدات رفع للاسف

طيب كلام جميل مختلفناش ارجع و اقول تانى فترة توصيل الكهرباء للسنتر بغض النظر عن موضوع التايمر بتكون قليلة جدا لا تتعدى 2 ثانية هل دى مدة كافية لغلق الزجاج و هوة فى وضعيه الفتح الكامل للغلق الكامل ؟؟ و لا هيقف فالنص مثلا !! وحدات الرفع بتدى كهرباء لفترة اطول لتكملة غلق الزجاج دا قصدى

[عبدالرحمن شبل]

نفس المده

يا جماعه .. فكرة الوحدات اصلا اللى موجوده فى العربيه شغاله لمدة 30 ثانيه بعد ما تشيل المفتاح من الكونتاكت .. مافيش حاجه اسمها يطلع شويه ويقف لانها زى الزجاج التاتش يعنى يا قفلت يا ما قفلتش وهى فعلا المفروض مايكون ليها تايمر بس لو حبينا نعمل كده هايكون فى لعب فى الضفيره مش مضمون عواقبه ..وده اللى قاله الكهربائي .... كل الحكايه انه وصل الوحدات مع السنتر فقط ﻻغير .

[karimfahmy99]

يا جماعه .. فكرة الوحدات اصلا اللى موجوده فى العربيه شغاله لمدة 30 ثانيه بعد ما تشيل المفتاح من الكونتاكت .. مافيش حاجه اسمها يطلع شويه ويقف لانها زى الزجاج التاتش يعنى يا قفلت يا ما قفلتش وهى فعلا المفروض مايكون ليها تايمر بس لو حبينا نعمل كده هايكون فى لعب فى الضفيره مش مضمون عواقبه ..وده اللى قاله الكهربائي .... كل الحكايه انه وصل الوحدات مع السنتر فقط ﻻغير .

بقالى ساعة عمال افكر فالموضوع دا اولا لان انا كان عندى جيلى فروتى مو 2005 و كان فيها نفس حوار التايمر دا و ركبت انذار و وحدات رفع و قابلتنا مشكلة بعد التركيب و هى التايمر بعد ال 30 ثانية ميقفلش الزجاج يقفل سنتر بس و على ما افتكر ان الموضوع اتحل بانة دخل كهربا للوحدات مباشر و تدى لمكن الزجاج من الوحدات بعيد عن موضوع التايمر و ملعبش فى اى حاجة فى دايرة التايمر او الضفيرة الاصلية افتكر زود فردة سلك للباب لازرار المواتير و الموضوع اتحل يارب تقفل بعد ساعة الزجاج هيقفل معاك - على ما افتكر و الله اعلم