ركبت بوجيهات 3 شمعة ngk

[karimfahmy99]

انا انهاردة غيرت بوجيهات العربية و حطيت بوجيهات NGK يابانى 3 شمعة الكترونى - تحت رقم :
NGK 2397 BKUR6ET-10
ملاحظ فرق فالاستجابة احسن من الاول و خصوصا مثلا لو انا على الغيار التالت و سرعة بطيئة شوية و دوست بنزين العربية بتستجيب احسن من قبل كدة - حبيت اشركم معايا فالموضوع دا - المهم اللى يجيب بوجيهات سواء NGK او DENSO يكون الكترونى و انا كاتب رقم موديل البوجية NGK لان فى بوجيهات برضوا 3 شمعة بس عادة مش الكترونى - عموما هتابع برضوا عملية استهلاك البنزين و برضوا موضوع لمبة التشيك - المفروض الحرق هيبقى كويس جدا كدة
NGK 2397 BKUR6ET-10 Nickel Spark Plug

[M I D O]

مبروك بس دي اول مرة حد يركب النوع دة و المعروف ان الي بيركب ال 2 شمعة .. عموما مستني تقريرك بعد ما تمشي اكتر من 1000 كيلو بيها عشان التقييم

[karimfahmy99]

مبروك بس دي اول مرة حد يركب النوع دة و المعروف ان الي بيركب ال 2 شمعة .. عموما مستني تقريرك بعد ما تمشي اكتر من 1000 كيلو بيها عشان التقييم

الله يبارك فيك

انت تقصد النوع دا اللى هوة 3 شمعة انا عندى دايما بركبة فى الاسبيرانزا 3 شمعة - الناس لية متخوفة من حكاية 3 شمعة مش عارف ؟ طب لية مش خايفين من ال 2 شمعة ؟؟ البوجية وظيفتة حرق البنزين و ميزة ال 3 شمعة مدة تشغيل اطول بمراحل عن البوجية العادى و عن البوجية ال 2 شمعة كمان - و ليس لة اى اضرار على الاطلاق بالعكس كدة تضمن حرق سليم و كامل و طبعا استجابة احسن و انا لاحظتها انهاردة لما خرجت بيها بس رحت مشوار يا دوب و رجعت 15 كم بس مفيش اى مشكلة سخونة العربية العادية مفيش اى تغير العادى هوة هوة - لو انت عندك معلومات تانية او وجهة نظر مختلفة ياريت نعرفها منك
الحمد لله على كل شئ

[adel_edrees]

أنا أول مرة أعرف موضوع الألكترونى عن العادى لو حد يعرف الفرق بينهم ياريت يقولنا على الفكرة ثلاثة شعلة بيقلل الوقت اللى بيحصل فيه الشرارة لأنه بيزود أحتمال حدوث الشرارة فى أقل وقت ممكن و بالتالى سرعة ألإستجابة بتزيد

[midooo_119]

البوجيهات 3 شمعة ليس لها اي تاثير علي المحرك غير سرعة بدء المحرك وعمر خدمة طويل نسبياوده طبعا لوجود 3الكترون فلما الخلوص بيزيد في واحد التاني بيعوضة والبوجيهات الـ3 شمعة غير مجدية في السيارات ذات محركات نسبة الانضغاط المنخفضة يعني لو عربيتك أقل من 6 سلندر 4000 سي سي يبقى مضيعة فلوس على الفاضي

[karimfahmy99]

أنا أول مرة أعرف موضوع الألكترونى عن العادى لو حد يعرف الفرق بينهم ياريت يقولنا على الفكرة ثلاثة شعلة بيقلل الوقت اللى بيحصل فيه الشرارة لأنه بيزود أحتمال حدوث الشرارة فى أقل وقت ممكن و بالتالى سرعة ألإستجابة بتزيد

اعتقد اول فرق اعرفة هو الالكترونى بيعمل على تقليل الشوشرة الكهربائية على مكونات العربية الأكترونية زى كمبيوتر العربية مثلا بس اكيد لية فروق تانية بس معرفش بالظبط اية

البوجيهات 3 شمعة ليس لها اي تاثير علي المحرك غير سرعة بدء المحرك وعمر خدمة طويل نسبياوده طبعا لوجود 3الكترون فلما الخلوص بيزيد في واحد التاني بيعوضة والبوجيهات الـ3 شمعة غير مجدية في السيارات ذات محركات نسبة الانضغاط المنخفضة يعني لو عربيتك أقل من 6 سلندر 4000 سي سي يبقى مضيعة فلوس على الفاضي

انت فالاول قلت عمر خدمة طويل تمام و رجعت فالاخر قلت مضيعة فلوس على الفاضى !!! طبعا موضوع انة طويل العمر دا صح مليون فالمية انما مضيعة فلوس دى مش معاك فيها خالص - و حتى لو محرك اقل من 4000 سى سى برضوا لة تاثير على الاقل الاحتراق بيكون 100% تقريبا - يبقى اللى بيركب 2 شمعة كمان على كلامك مضيعة فلوس على الفاضى برضوا - عموما كل واحد و رأية - بس كان من باب الامانة ان الشركة المنتجة تقول او تكتب على العلبة غير مجدى للسيارات اقل من 4000 سى سى - انا شايف انها مجدية و لها تاثير ملحوظ و بغيرة على فترات بعيدة دا كفاية عندى

[karimfahmy99]

Multi-Ground Electrodes Improve Ignition Capabilities and are Less Sensitive to Increased Voltage Requirements Due to Gap Growth.
---------------------------------------------------------------------------------------------------
Designed to Specific Manufacturer Ignition Requirements, NGK's Multi-Ground Plugs Maintain All the Features of Their Standard Plugs, Including

Corrugated Ribs to Prevent Flashover
Pure Alumina Silicate Ceramic Insulator, Providing Superior Strength and Better Heat Transfer
Copper Core to Aid in Heat Removal
Triple Seals to Prevent Leakage

انا بقول اللى عملتوا فى عربيتى انا من باب العلم بالشئ للى يحب يعرف

[karimfahmy99]

multi-ground electrodes improve ignition capabilities and are less sensitive to increased voltage requirements due to gap growth.

---------------------------------------------------------------------------------------------------
designed to specific manufacturer ignition requirements, ngk's multi-ground plugs maintain all the features of their standard plugs, including

corrugated ribs to prevent flashover
pure alumina silicate ceramic insulator, providing superior strength and better heat transfer
copper core to aid in heat removal
triple seals to prevent leakage

انا بقول اللى عملتوا فى عربيتى انا من باب العلم بالشئ للى يحب يعرف

ياريت اللى عندو اى معلومات علمية عن ايجابيات و سلبيات البوجية 3 شمعة يكتب لنا رابط الموضوع عشان يبقى الكلام منطقى و مش افتكاسات و اجتهادات فردية - عاوزين كلام علمى - الكلام العلمى من موقع ngk بيقول ان اداء البوجية 3 شمعة مثلة مثل اداء البوجية العادى بفارق انة ذات 3 ارضى كملوا انتوا باقى الترجمة

[midooo_119]

اعتقد اول فرق اعرفة هو الالكترونى بيعمل على تقليل الشوشرة الكهربائية على مكونات العربية الأكترونية زى كمبيوتر العربية مثلا بس اكيد لية فروق تانية بس معرفش بالظبط اية

انت فالاول قلت عمر خدمة طويل تمام و رجعت فالاخر قلت مضيعة فلوس على الفاضى !!! طبعا موضوع انة طويل العمر دا صح مليون فالمية انما مضيعة فلوس دى مش معاك فيها خالص - و حتى لو محرك اقل من 4000 سى سى برضوا لة تاثير على الاقل الاحتراق بيكون 100% تقريبا - يبقى اللى بيركب 2 شمعة كمان على كلامك مضيعة فلوس على الفاضى برضوا - عموما كل واحد و رأية - بس كان من باب الامانة ان الشركة المنتجة تقول او تكتب على العلبة غير مجدى للسيارات اقل من 4000 سى سى - انا شايف انها مجدية و لها تاثير ملحوظ و بغيرة على فترات بعيدة دا كفاية عندى

هو لو حضرتك جيبت كاوتش كورى او يابانى هتلاقى فرق السعر كبير لكن الاتنين هتغيرهم بعد 50 الف كم لكن اليابانى ممكن تمشى عليه اكتر شويه لكن الصح اى كان النوع تغيره بعد كم معين و الا كانت الشركه اصلا نزلت البوجيهات 3 شمعه لو ده هيفرق فالاداء كتير

[karimfahmy99]

هو لو حضرتك جيبت كاوتش كورى او يابانى هتلاقى فرق السعر كبير لكن الاتنين هتغيرهم بعد 50 الف كم لكن اليابانى ممكن تمشى عليه اكتر شويه لكن الصح اى كان النوع تغيره بعد كم معين و الا كانت الشركه اصلا نزلت البوجيهات 3 شمعه لو ده هيفرق فالاداء كتير

تمام كلامك - عندى مثل بسيط : اللى يخلى غبور يغير الكاسيت و يحط حاجة تانية من عندوا عشان يوفر مش هيوفر فى تمن بوجية يعنى ؟؟ للعلم الاسبيرانزا بتبقى نازلة ببوجية 3 شمعة لانها جاية من برة على ابوها محدش حط ايدة فيها كلامى على a113 للتحديد بس - بس محدش رد و قالى اية ايجابيات و سلبيات ال 3 شمعة كلام علمى

[M I D O]

الله يبارك فيك

انت تقصد النوع دا اللى هوة 3 شمعة انا عندى دايما بركبة فى الاسبيرانزا 3 شمعة - الناس لية متخوفة من حكاية 3 شمعة مش عارف ؟ طب لية مش خايفين من ال 2 شمعة ؟؟ البوجية وظيفتة حرق البنزين و ميزة ال 3 شمعة مدة تشغيل اطول بمراحل عن البوجية العادى و عن البوجية ال 2 شمعة كمان - و ليس لة اى اضرار على الاطلاق بالعكس كدة تضمن حرق سليم و كامل و طبعا استجابة احسن و انا لاحظتها انهاردة لما خرجت بيها بس رحت مشوار يا دوب و رجعت 15 كم بس مفيش اى مشكلة سخونة العربية العادية مفيش اى تغير العادى هوة هوة - لو انت عندك معلومات تانية او وجهة نظر مختلفة ياريت نعرفها منك
الحمد لله على كل شئ

بصراحة انا ما بحثتش في الموضوع دة عشان اقدر اقولك ممكن يحصل مشاكل مستقبلا او لا انما انا بطبعي مبحبش اغير حاجة غير لما يكون موصي بيها في كتالوج العربية او اكتر من شخص جربوها ومشيت معاهم عادي انما الحاجة الجديدة محبش اجربها غير لما تتجرب ونشوف تاثيرها علي المدي البعيد الاول وربنا يباركلك فيها وميجيش مشاكل باذن الله وتتهني بالعربية

[karimfahmy99]

بصراحة انا ما بحثتش في الموضوع دة عشان اقدر اقولك ممكن يحصل مشاكل مستقبلا او لا انما انا بطبعي مبحبش اغير حاجة غير لما يكون موصي بيها في كتالوج العربية او اكتر من شخص جربوها ومشيت معاهم عادي انما الحاجة الجديدة محبش اجربها غير لما تتجرب ونشوف تاثيرها علي المدي البعيد الاول وربنا يباركلك فيها وميجيش مشاكل باذن الله وتتهني بالعربية

ربنا يبارك فيك و اشكرك لزوقك - عموما اى كتالوج بيقولك عى الحاجة الستاندرد للعربية - بس فى ناس تحب تحط فلاتر هوا نوع تانى مش فاكر دلوقت اسمها اية و تحط مساعدين نوع تانى رياضية و غيرة و غيرة و البوجية نفس الكلام اللى بيتكتب فالكتالوج الاستاندرد العادى - و لو لاحظت اهم كلمة فى سايت ngk ان البوجية مثلة مثل اى بوجية و انما بثلاث سوالب مش اكتر مما يطيل العمر الافتراضى للبوجية و يغنيك عن مراجعة الخلوص و مما يؤكد حرق سليم و كامل للوقود - عموما انا ركبت ال 3 شمعة و خرجت تانى امبارح و الحمد لله كلة سليم مفيش اى مشكلة - ربنا يديم الحال يارب - تحياتى

[karimfahmy99]

للعلم فقط و للمتابعة

لليوم الثالث خرجت بالعربية و الحمد لله لا يوجد مشاكل - كدة عملت 170كم من وقت التركيب السرعات تتراوح من 90كم الى 130كم

[midooo_119]

ياباشا مش هتلاقى مشاكل ان شاء الله كل الموضوع انك هتاخد بوجيهات بعمر اطول لكن نفس اداء ال ٢ شمعه و ربنا يباركلك فيها

[karimfahmy99]

ياباشا مش هتلاقى مشاكل ان شاء الله كل الموضوع انك هتاخد بوجيهات بعمر اطول لكن نفس اداء ال ٢ شمعه و ربنا يباركلك فيها

تسلم يا غالى لردك و متابعتك - كلامك صح 10000% بس للاسف فى ناس متخوفة و لقيت ردود غريبة بصراحة على الفيس من اظرف الردود وش السلندر هيسيح هههههههه مش عارف جاب الكلام دا منين - عموما انا بس حبيت برضوا اتابع معاكم فى استعمالى للعربية و اى حد يقول ليها اضرار يبقى غلطان - و احب اضيف على كلامك فعلا عمر اطول و تريح دماغك من ضبط الخلوص و يديك حريق ممتاز و كامل و استجابة اسرع نسبيا عن البوجية العادى - تحياتى لك