الرجاء من مالكى الايمجراند الدخول

[dr_mohamed2007]

انا قمت بحجز السيارة بالفعل بعد صلاة الاستخارة ,,,, لكن الشك مازال يساورنى فيها لان اعضاء كثيرين هنا وفى الفيس بوك يشككون فيها كمنتج صينى وتقفيل مصرى و قاموا بسرد العيوب الشهيرة فيها .... ارجو من الاخوة ملاك هذه السيارة النصيحة وهل فعلا عيوبها كثيرة ؟؟؟ و هل هناك سيارات اخرى فى نفس السعر من 80 الى 100 الف قد تكون افضل منها .....؟؟؟

[shady tarek]

ممكن رينو لوجان

[Ahmed.Essam]

لوجان
جين 2 او بيرسونا لو هتزود شوية بالقسط حتى
سبيرانزا انفي
سبيرانزا ام 11 او ام 12

[midooo_119]

بعد ماتم تلافى موضوع الصدا مفيش عربيه فنفس سعرها وفيها الاوبشن ده اطمن ان شاء الله هتعجبك و تنبسط بيها

[bassemali]

الرينو لوجان والاسبرانزا انفي والبي واي دي والبروتون بيرسونا ... كل دول خيارات افضل مليون مره من جيلي غبور ... اصلا شركة جيلي سمعتها طين من يوم مانزلت مصر ف 2004 لغاية النهارده..

[dr_mohamed2007]

بعد ماتم تلافى موضوع الصدا مفيش عربيه فنفس سعرها وفيها الاوبشن ده اطمن ان شاء الله هتعجبك و تنبسط بيها

شكرا جزيلا على الاهتمام

[د.عماد صلاح]

موضوع الصدا انتهي فعلا ؟!! هل في حد جديد كشف علي العربيه ..وياتري الاعضاء القدامي اللي ظهر عندهم المشكله ليه اختفوا و مابقوش بيقولوا اخبار العربيه

[M I D O]

العربية جميلة هية بس عيوب التقفيل الي غبية ودة عيبها حاليا غير كدة عربية جميلة ما شاء الله

[mohamed_f101]

يا جماعة احنا ماسكين في حاجة واحدة وهى مشكلة الصدأ والعربية مش جسم بس فيها ماتور وكهرباء وعفشة فين الي اشتكى من الحاجات دي وبعدين هل غبور غبي علشان يفضل ينتج عربية فيها صدأ على طول وبعدين نسبة الصدأ تمثل كام في المية من انتاج العربية الى الان انا معاكم ان مشكلة الصدأ كبيرة لكن لو كان الماتور فية مشكلة كانت العربية هتنفع ياريت نبص للعربية بنظرة موضوعية شوية والي يقول رأية فيها يكون عن تجربة وشكرا

[ali_saker_2010]

بص ... انا لسة جايب العربية في اخر ابريل ... و عملت بيها لحد دلوقت 600 كيلو ,,, بس بصراحة العربية ماشاء الله ما شاء الله جميلة جدا جدا جدا جدا فوق ما تتصور
والعربية هترضييك جدا جدا جدا بالنسبة لي تمنها
انا ليا واحد صاحبي معاة الفيرنا و هيبعها عشان ركب الامجراند
من الاخر العربية لا تضاهي اي عربية تانية من نفس الفئة السعرية و هي صفقة رابحة بكل المقاييس .. اتوكل على الله و اشتري يا معلم و هتدعيلي ان شاء الله

[tito32]

اتوكل على الله طالما استخرت المولى

[bedo84]

انا قمت بحجز السيارة بالفعل بعد صلاة الاستخارة ,,,, لكن الشك مازال يساورنى فيها لان اعضاء كثيرين هنا وفى الفيس بوك يشككون فيها كمنتج صينى وتقفيل مصرى و قاموا بسرد العيوب الشهيرة فيها .... ارجو من الاخوة ملاك هذه السيارة النصيحة وهل فعلا عيوبها كثيرة ؟؟؟ و هل هناك سيارات اخرى فى نفس السعر من 80 الى 100 الف قد تكون افضل منها .....؟؟؟

الحق نفسك اسحب فلوسك وهات لوجان وانت هتدعيلنا

[أبو عزه]

انا شايف البى واى دى افضل منها بكتير ونفس الفئه السعريه

[mif]

من وجهة نظري صفقة رابحة لانها مفيهاش عيوب فى الصناعة زي النيسان صني و لا سعرها مبالغ جدا زى عربيات صيني تانية مالهاش سوق و معدية ال100 الف و هى سيارة ماركة صيني و قطع غياهراه الاصلية حتبقى صيني هى مش عربية كوري زى اللانوس و الاوبترا او يابانني زى الصني و قطع غيارهم برده صيني و بنفس كفاءة الجيلي و لكن بسعر اضعاف بسبب هستريا الماركة الياباني او الالماني او غيرها رغم خروج المنتج من نفس المصنع الصيني

مجرد وجهة نظر

[هانى ظرف منصور]

لو انت حابب العربيه ومقتنع بها اتكل على الله وربنا يوفق ولا تستمع لاى حد