رابـــــطـــــــة مــالــــكــــى جـــيـــلـــى امــجــرانــد 7

[MACCA]

انا معايا ايمي الغالية من شهر ولسه عامل صيانة ال1000 وكان فيه مشكلة في عوامة البنزين وتم تغيرها وكان فيه ونة في الكاسيت في بعض محطات الراديووقالو انهم ظبطوا الاريال وانطباعي عنها انها معقولة مقارنة بغيرها من نفس الفئة السعرية

[MACCA]

يا ريت حد يتكرم ويعرفني تفاصيل وظائف الشاشة lcd اللي فيها المسافة المقطوعة والبنزين

[midooo_119]

يا ريت حد يتكرم ويعرفني تفاصيل وظائف الشاشة lcd اللي فيها المسافة المقطوعة والبنزين

اولا مبروك عالعربية .. بالنسبه للشاشة هى بتعرض المسافه المقطوعه و عداد الساعات الى العربيه دايرة فيها و فاضل كم كيلو و البنزين يخلص

[midooo_119]

النهارده روحت مودرن سرفيس لعمل صيانه ال15 الف كم من غير تغيير زيت بتكلفه 115 جنيه و 45 دقيقه وقت الصيانه

[jackson_75]

عندى مشكلة فىى عربيتى الاميجراند موديل 2013 وماشية 26 الف كيلو .. المشكلة انها بتاكل كاوتش من الاطراف برة وبرغم من أنى رصصت وظبطت زوايا أكتر من مرة ولكن مازالت بتاكل كاوتش من الجنب ، خدت العربية أمبارح ورحت عند سنتر هنتر اللى فى حدائق القبة وهو بتاع زوايا وخليته يبص على العفشة الاول قبل مايشتغل ، وقالى العربية عاوزة أتنين بارة طرف وعاوزة اتنين جلب مقصات .. أنا عاوز أسأل الحاجات دى ممكن تتغير بقطع تويوتا ولا هتأثر على الثبات ؟ وهل يفضل أنى أغير المقص بالمرة معاهم ولا أنتوا شايفين ايه ؟ وياترى التكلفة تكون كام تقريبا ؟ وشاكر جدا لحضراتكم مسبقاً