ساعه الصفر

[eslamaboelkeir]

السلام عليكم يا شباب خلاص هحجز جيلى ايمجراند حد عنده اى ملاحظه حد عنده اعترض وياريت الردود بحياديا تامه علشان فى فلوس هتتدفع مش ورق شجر معلش انى بتقل عليكم ومعلش كنت عاوز اعرف ايه اخبار الليثى للسيارات سمعته عمله ايه والمعامله عندهم كويسه وصديقين مش هوصيكم العربيه جايه تقسيط ويارب استرها معنا ومع امه محمد صلى عليه الله وسلم

[Adnfalcon]

السلام عليكم يا شباب خلاص هحجز جيلى ايمجراند حد عنده اى ملاحظه حد عنده اعترض وياريت الردود بحياديا تامه علشان فى فلوس هتتدفع مش ورق شجر معلش انى بتقل عليكم ومعلش كنت عاوز اعرف ايه اخبار الليثى للسيارات سمعته عمله ايه والمعامله عندهم كويسه وصديقين مش هوصيكم العربيه جايه تقسيط ويارب استرها معنا ومع امه محمد صلى عليه الله وسلم

3 قرايبي جابوها منهم 2 عدوا 10000 كم ..
عيوبها ودا عن تجربه .. الصدأ الداخلي للأبواب بس اسمع انها اتحلت فالدفعات الجديده .. الشنطه واسعه بس ضيقه وانت بتدخل الحاجه بس .. تكيفها مش اللي هو الواو يعني بس مقبول ..
مميزاتها كتير ومش هتلاقي عربيه زيها تنافسها فالسعر ومبروك مقدما

[midooo_119]

العيوب موضوع الصدا و ان كان اتحل فالدفعات الاخيرة ... التوكيل الى عليه زحمه رهيبه و الصيانه بتبقى بعد شهر من الحجز و بعض عيوب فالتصنيع زى الى قابلتنى و عملتها مواضيع هنا لكن التوكيل بيغيرها و بالنسبه للاخ الكريم الى بيقول التكييف مش اد كده انا فعلا لما اشتريتها كان ضعيف جدا و روحت غيرت السربنتينه و دلوقتى مبقتش اقدر اتحمله من برودته و ربنا يباركلك فيها يارب

[eslamaboelkeir]

شكرا جدا للاعضاء الى ردو عليا بس فين بقيت الساده ملاك السياره ايمى الجميله ارجو الرد ضرورى

[H_Daim]

هاتها حلوه مفيش كلام وخلي بالك من رقم الشاسية يعني ياريت يكون معدي الـ 14000 وخلي بالك من مقاسات الكاوتش علشان ساعات بيغيروه في المعارض المقاس هو 15 / 65 / 205 واعمل اتشيك آب على العربية قبل ما تتحرك وتوكل على الله.

[هانى ظرف منصور]

مبروك مقدما

[eslamaboelkeir]

هاتها حلوه مفيش كلام وخلي بالك من رقم الشاسية يعني ياريت يكون معدي الـ 14000 وخلي بالك من مقاسات الكاوتش علشان ساعات بيغيروه في المعارض المقاس هو 15 / 65 / 205 واعمل اتشيك آب على العربية قبل ما تتحرك وتوكل على الله.

الف شكر يا برنس

[eslamaboelkeir]

فين ردود الاعضاء عن السياره واخبار استهلاك الوقود ايه

[tito32]

مبروك مقدما

[eslamaboelkeir]

فين الناس خلاص كده مفيش نصايح تانى بقولكوا دى ساعه الصفر

[وليد الزغبى]

;,dكويسه هاتها وتوكل على الله أنا معايا من 10/2013 فيها صدأ فى الباب الأمامى باب السائق واللى بسمعه أنه أتحل فى الوديلات الجديده اللى بعد 13000 ده رقم الشاسيه تكيفها مقبول بس وحش فى الجو الحار الكاسيت أرميه فى الزباله العفشه ناشفه شويه الكراسى ناشفه فيها عضه فى الفتيس بتحك فى المطبات وده طبعا مش عيب فى العربيه ده عيب فى المطبات اللى زى الزفت المميزات بقى أوبشن عالى جدا ثبات مالوش حل واسعه جدا صاجها حلو الأعتماديه جيده فى النهايه العربيه بشكل عام جيده بالنسبه للسعر وأمكانياتها جيده وده بكل أمانه بعد 11500 كيلو مشى توكل على الله وألف مبروك بس شوف سمير ريان السعر عنده كويس وشيك على العربيه كويس جدا جدا عند الأستلام

[eslamaboelkeir]

الف ميلون شكر يابرنس

[eslamaboelkeir]

العيوب موضوع الصدا و ان كان اتحل فالدفعات الاخيرة ... التوكيل الى عليه زحمه رهيبه و الصيانه بتبقى بعد شهر من الحجز و بعض عيوب فالتصنيع زى الى قابلتنى و عملتها مواضيع هنا لكن التوكيل بيغيرها و بالنسبه للاخ الكريم الى بيقول التكييف مش اد كده انا فعلا لما اشتريتها كان ضعيف جدا و روحت غيرت السربنتينه و دلوقتى مبقتش اقدر اتحمله من برودته و ربنا يباركلك فيها يارب

ممكن رقمك على الخاص لو سمحت يا منسق

[eslamaboelkeir]

خلاص يا شباب مفيش نصايح تانى خلاص الاستلام يوم التلات لو فى حاجه قولولى ؟

[M I D O]

موفق في الشراء باذن الله