الجيلي امجراند 7 تربو نزلت يا رجالة1.3T turbocharged engine

[mazen21]

العربية زي ما هو واضح من الخبر
محرك تربو
مع بعض التغييرات في الشكل الخارجي
face-left
ملحوظ في الشبكة والاكصدام
والداخلي
ساحاول الوصول الى التغييرات في الشكل الداخلي قريبا
وفقا للخبر هتنزل للسوق في اكتوبر2014
(ده في الصين طبعا)
السؤال اللي بيطرح نفسه عم غبور هينزلها عندنا امتى؟؟


رابط الخبر الاصلي

[midooo_119]

مش هتنزل دلوقتى خالص

[shiko85]

غبور هينزلها اول لما تصدى فالصين او شحنه تغرق فالبحر

[هانى ظرف منصور]

هتنزل سنه الله واعلم

[mazen21]

ده الخبر كمان من الموقع الرسمي للشركة لتأكيد الخبر
انها نازلة في اكتوبر 2014

رابط الخبر اضغط هنا

وطبعا غبور كاتم على الخبر ماجور علشان يفضل يبيع لنا في الموديل القديم لما يقول يا بس

هو للاسف الخبر بالصيني
واول ما الموقع الانجليزي يشتغل هاجيب لكم النسخة الانجليزي
وعقبال ما ده يحصل ممكن تنسخ الكلام وتترجمه في جوجل
رابط الترجمة

هتلاقي نفس الكلام اللي كان في الخبر اللي انا كنت جايبه
رابط الخبر

[mazen21]

ودي صورة من جهازي للصفحة اللي فيها الخبر على الموقع الرسمي للشركة
الواحد ميضمنشي غبور وامثاله ممكن يقولوا للشركة تشيل الخبر علشان نفضل نايمين احنا في العسل

[midooo_119]

طبيعى ان احنا بينزلنا الموديلات الاقدم عشان تبقى رخيصه و تبقى انت فاكر انك كسبان لكن فالحقيقه انت راكب حاجه العالم كله مبقاش يبعها و بعد كده ينزلك الشكل الجديد الى هو العالم كله يبيقى راكبه من 3 سنين و يضربلك السعر فالعالى و اهى كلها سبوبه و احنا الى بنلبس

[mazen21]

انا اعتقد ان مفيش حد من توكيلات العربيات هنا في مصر بيعمل العملة السودة دي انه يفضل يبيع لك الموديل القديم ويستورد اي لوطات مركونة في بلاد تانية من نفس الموديل القديم بسعر رخيص علشان يفضل يكسب اكثر واكثر ولا انه ينزل لك الموديل الجديد نفس السنة او يبيع لك موديل السنة بعد ما يشيل منه الاوبشنات اللي بلده منزلاه (بيها) غير عم جبور الله يجازيه

العربية الامجراند دي حاجة رائعة لو شفتها في الموقع الرسمي بتاع شركة جيلي هتعرف مدى التقفيل والخامات الرديئة اللي استخدمها جبور دا غير السمعة السودة اللي مرمط بيها العربية بتاعة الصدا ولا هو سائل ولا كأن حاجة حصلت ولا اي رد فعل من الشركة يهدي الناس مثلا كان ممكن يقول احنا فصلنا مدير ادارة التجميع او مدير ادارة الصاج ... وجاري تدارك الخطأ ... الخ ولا اي حاجة من دي خالص

[dedi]

لا اعتقد دلوقت دة لسة غبور بيقول يا هادى ربنا يدينا و يديكم طولة العمر

[hamo81]

طالما إن الناس لسه بتشتري السيارة عمره ما هيفكر يعمل أي حاجة
ممكن يطور لو المبيعات قلت بس

[sonytogy]

معلومة قديمة جدا تم نشرها من شهرين فى موقع سيارات مصرى

[mazen21]

بشاير عصافير عم جبور ابتدت تظهر وهيقعدوا يهبطوا الناس ويقولوا لك ان مفيش تغيير والخبر ده قديم

والخبر ده قديم مش بتتقال كده صدفة وخلاص دي ليها مقصود يعني اهبطوا
الكلام ده طالع من كذا شهر وادينا اهو ولا حس ولا خبر من جانب عم جبور اللي لم يشير من قريب ولا بعيد على موقعه على الرغم من انه الوكيل الرسمي والشركة الرئيسية في الصين واضعة الخبر على موقعها
ومن الاخر عاوزين يوصولكم انكم لا تنتظروا اي تغيير وان الموديل القديم اللي في السوق هو المتاح ومش هيتغير ولو مش عاجبكم اخبطوا راسكم في الحيط

[Batman372]

مع احترامى لجميع الاراء و التعليقات ...
الى اعرفه انه لو الاميجراند مش عاجبه لسبب او لاخر ... بسيطه جدا روح شوف حاجه تانيه !!! مفيش اكتر من العربيات ...
لكن الغريب الهجوم و الانتقاد المستمر !!!
و مبيعاتها الكتيره و انتشارها فى فتره قصيره ده له معنى واحد فقط ... انها عربيه اجمالى جيده مقارنه بباقى السوق و الاسعار و ان وكيلها نجح فى تسويقها ...
تقبلو تحياتى ...

[sonytogy]

بشاير عصافير عم جبور ابتدت تظهر وهيقعدوا يهبطوا الناس ويقولوا لك ان مفيش تغيير والخبر ده قديم

والخبر ده قديم مش بتتقال كده صدفة وخلاص دي ليها مقصود يعني اهبطوا
الكلام ده طالع من كذا شهر وادينا اهو ولا حس ولا خبر من جانب عم جبور اللي لم يشير من قريب ولا بعيد على موقعه على الرغم من انه الوكيل الرسمي والشركة الرئيسية في الصين واضعة الخبر على موقعها
ومن الاخر عاوزين يوصولكم انكم لا تنتظروا اي تغيير وان الموديل القديم اللي في السوق هو المتاح ومش هيتغير ولو مش عاجبكم اخبطوا راسكم في الحيط

بعيدا عن هذا الجو الرخيص بتاع العصافير وغيرة احب ان ارد عليك برابط الخبر المنشور فى 22-سبتمبر-2013 الذى يؤكد ان الخبر قديم جدا واكثر من 3شهور فائتة
أمجراند 7 تستعد لإستقبال محرك جديد أكثر قوة، وأكثر اقتصادية | Egy Speed

[mazen21]

لا حول ولا قوة الا بالله العلي العظيم
هو ليه حضرتك سايب الموضوع الرئيسي اللي بيقول ان في محرك جديد للامجراند وهيكون تربو

ومركز في ان الخبر قديم

ومش مهتم بالفائدة اللي هترجع على المشتري اللي انا وحضرتك وغيرنا لما نركب عربية بالمواصفات الحلوة دي

ولا احنا لازم نفضل خاضعين لابتزاز عم جبور ونسكت ونفضل نشتري في الموديل القديم واذا مكنش عاجبنا نضرب دماغنا في الحيط

والله انا معجب جدا بالعربية بس عم جبور ودن من طين وودن من عجين دا حتى منع اي حد يجيب سيرة الموديل الجديد في الجرايد مع ان انا سمعت انها عرضت في معرض بكين اللي كان قريب وجرنال الاهرام للسيارات مجبش سيرة عنها

هو ممكن لو عاوز يفضل يبيع الموديل القديم ينزل الموديل الجديد معاه ويقولنا دا بكذا ودا بكذا وساعتها المشتري يختار براحته من غير سياسة لو مش عاجبك شوف غيرها
مع خالص احترامي للجميع