تقييم الامجراند بعد 16 الف كيلو و 8 شهور استخدام

[M I D O]

بسم الله الرحمن الرحيم

كل سنة وحضراتكم بخير ورمضان كريم ...
عملت الحمد لله صيانة ال 15 الف وقلت مش هعمل تقرير غير لما اعمل الصيانة الاول ...
مشاكل قبل الصيانة ..
1.خشونة في الغيارات
2.صوت غبي معا تشغيل المساحات
دخلت الصيانة واشتريت 3 عبوات زيت موبيل HD80w-90
وغيرت زيت الفتيس في الضمان ببلاش عشان جالهم منشور من الفرع الرئيسي بضرورة تغيير زيت الفتيس عشان كدة بيتغير ببلاش
الصيانة تمت وعملو الصيانة للعربية وزودولي المياة الخضراء شوية ومعملوش اي حاجة في العربية تاني غير شوية مراجعة للعربية وبس و مشكلة الغيارات اتحلت بنسبة 60% تقريبا و الفتيس بقي انعم بنسبة 40% تقريبا بعد تغيير الزيت و للاسف الزيت الي كان نازل اسوووووووووووود وخفيف اوووووووووي زي ميكون مية و المساحات قالولي عاوزة ريشة مساحات قلتلهم دي مكملتش 7 شهور قالولي باظت قلت مش مغيرها الا علي الشتاء بقي وربنا يسهل هبقي اشتريهم من برة اوفر ودفعت 90 جنية مصنعية و 20 جنية فوم محرك و 10% ضريبة
العربية قبل الصيانة زي بعد الصيانة محستش باي تغيير في العربية يعني ولا كاني عملت صيانة اصلا النفع الوحيد الي حصل هوة تغيير زيت الفتيس و العربية زي ما كتبت في التقارير السابقة حتي الان الحمد لله تمام ومش مزعلاني في حاجة وحتي الان راضي عن العربية بنسبة 80% وفي نظري افضل سيارة في السوق في فئتها السعرية وتقييمي للتوكيل سئ لا يرتقي للجيد و مراكز الخدمة معقولة مش وحشة بس شوية كدة وهخلع من التوكيل اساسا عشان هيبتدي يغلي من الصيانات الجاية وحتي الان برضو الحمد لله العربية صفقة رابحة وربنا يديمها نعمة ويحفظها من الزوال

[omar_rizk]

هو التوكيل بينصح بزيت موبيل اللي انت جبته ولا ممكن تجيب زيت اللي انت عايزه بس يكون لزوجته زي مالكتالوج بيقول؟؟

[midooo_119]

الف مبروك عالصيانه ياميدو.. انا برضه هعمل صيانه ال 15 الف قريب و هروح مودرن سرفيس اقلهم يغيرولى زيت الفتيس؟؟

[M I D O]

هو التوكيل بينصح بزيت موبيل اللي انت جبته ولا ممكن تجيب زيت اللي انت عايزه بس يكون لزوجته زي مالكتالوج بيقول؟؟

اي زيت بس تكون لزوجتة زي الكتالوج

[M I D O]

الف مبروك عالصيانه ياميدو.. انا برضه هعمل صيانه ال 15 الف قريب و هروح مودرن سرفيس اقلهم يغيرولى زيت الفتيس؟؟

الله يبارك فيك يا باشا وبالتوفيق

[د.عماد صلاح]

ياااااااااه ....انتوا فين يا ميدو القسم بقي نايم موت ...مبروك علي الصيانه و عقبال صيانه ال 15 مليون

[meemo]

الف مبروك وعقبال صيانة ال1000000000
انا عربيتي عاملة 300كم وبرضه بحس بصوت تكه في الغيار الثاني تحديدا

[monamize4]

مبروك يا باشا ,, عبقال صيانة ال 100 الف

[S O P H O S]

مبرووك الصيانة

[hugan]

مبروك ياميدو
عقبال المليون ميل

[M I D O]

ياااااااااه ....انتوا فين يا ميدو القسم بقي نايم موت ...مبروك علي الصيانه و عقبال صيانه ال 15 مليون

معلش والله كنت تعبان شوية اليومين الي فاتو و ان شاء الله هنرجع تاني النشاط في القسم
والله يبارك فيك يا دكتور

[M I D O]

الف مبروك وعقبال صيانة ال1000000000
انا عربيتي عاملة 300كم وبرضه بحس بصوت تكه في الغيار الثاني تحديدا

الله يبارك فيك وربنا يخليك يا باشا ويباركلك في عربيتك وفي صيانة الالف ياريت تغير زيت الفتيس

[M I D O]

مبروك يا باشا ,, عبقال صيانة ال 100 الف

الله يبارك فيك يا غالي وربنا يخليك

[M I D O]

مبرووك الصيانة

الله يبارك في يا غالي

[M I D O]

مبروك ياميدو
عقبال المليون ميل

الله يبارك فيك يا باشا