محتار ما بين الـ Emegrand و الـ BYD L3 .. انهى الأفضل ؟

[george912]

مساء / صباح الخير

كنت محتار اوى ما بين الايمجراند و البى واى دى الشكل الجديد ؟ فكنت عايز اعرف رأيكوا يا جماعة اتوكل ع الله و اشترى مين ؟ اللى انا شايفة فى العربيتين هقولة

مميزات الايمجراند :
1- شكلها تحفة طبعأ
2- انتشار العربية المزهل
3- توكيل غبور .. اهو احسن من حجات تانية "شركة الأمل فى الـ BYD الصراحة اول مرة اسمع عنها"

مميزات الـ BYD L3 :
1- فتحة سقف
2- مفتاح بصمة و Start Engine
3- الموتور بتكنولوجيا هوندا
4- طارة مالتى

السعر يعتبر مش فارق بين الاتنين لأنى لسة سائل على الأيمى 2015 بـ 86 و البى واى دى بـ 88 يعنى مش فارقة .. عايز بقى رأيكوا يا جماعة و معلش طولت عليكم .

[Mamoud salah H]

بص انا هقول رأي بكل صراحة
بما ان الاتنين صيني يبقي هشووف انهي واحدة شكلها احسن واشيك واصالون بتاعها اشيك واجبها
ومن وجهة نظري المتواضعة الايميجراند شكلها حلو اوي

[monamize4]

بميل اكتر ال byd ,,
كويسة و متجربه و مسمعتش حد اشتكى منها
و قطع غيارها مشتركة مع عربيات تانى

[hesham fawzy h]

متركب فيرنا ولا لانوس (وتكوووون ماشى فى الطريييق مطمن )

[Ramadan Kader]

مع انى مبحبش ولا الصيني و لا الكوري بس من وجهة نظري لما ركبت التاكسي بايد فقييييييييييييييير جدا.
و بنت عمي جابت الإميجراند و سوقتها و من وجهة نظري فاخمه جدا و شكلها شيك و واسعه جدا صالون و شنطة فهى أحلى من البايد. بس مازلت صيني و لسه متجربتش و الشكل الجديد نزل بره و لسه منزلش مصر كالعاد.
و عملت حادثه بسيطه اتركنت فى التوكيل أكتر من شهرين علشان طرمبة البنزين و تنك.

[midooo_119]

اركب الاتنين و شوف الفينيش هنا و هنا و الشكل ده اذواق و شوف التوكيل هنا و هنا انا بقلك بالنسبه للامجراند توكيل كويس لكنه زحمه الحجز قبليها بشهر و الصراحه اى حاجه بيغيروها مش بيماطلوا و شوف انى عربيه فيها اوبشن اكتر و شوف انت احتياجاتك ايه من العربيه وسع و لا شكل و لا توفير بنزين ولا ايه و صلى استخارة وربنا يكرمك ان شاء الله

[rahieb_100]

انزل شوف الاتنين ولو عرفت تجربهم يبقى كويس
واللى تحس انك مرتاح فيها اكتر اشتريها
زى ما قولت الفروق بينهم مش كبيرة

[Adnfalcon]

اركب الاتنين و شوف الفينيش هنا و هنا و الشكل ده اذواق و شوف التوكيل هنا و هنا انا بقلك بالنسبه للامجراند توكيل كويس لكنه زحمه الحجز قبليها بشهر و الصراحه اى حاجه بيغيروها مش بيماطلوا و شوف انى عربيه فيها اوبشن اكتر و شوف انت احتياجاتك ايه من العربيه وسع و لا شكل و لا توفير بنزين ولا ايه و صلى استخارة وربنا يكرمك ان شاء الله

اتفق معاك فكل كلمه بس أخر جمله هل تنطبق علي صاحب الموضوع ؟
هههههه

[midooo_119]

اتفق معاك فكل كلمه بس أخر جمله هل تنطبق علي صاحب الموضوع ؟
هههههه

انا بعتذر لصاحب الموضوع ماكنش قصدى .... اهم حاجه ترتاح نفسيا للعربيه

[george912]

انا بعتذر لصاحب الموضوع ماكنش قصدى .... اهم حاجه ترتاح نفسيا للعربيه

يا باشا ولا يهمك بأذن الله هشوف الـ BYD بكرة فى اى معرض و خير بأذن الله .. شكرأ لردودكم يا جماعة

[midooo_119]

يا باشا ولا يهمك بأذن الله هشوف الـ BYD بكرة فى اى معرض و خير بأذن الله .. شكرأ لردودكم يا جماعة

تحت امرك

[adel_edrees]

ال byd اللى بتتباع دلوقتى مختلفة دى l3 و دى مختلفة تماما عن f3

[adel_edrees]

بالصراحة أنا لو حأختار حأختار byd l3 لكن أنت لما بتجيب عربية بتجيبها علشان التوكيل يعنى حأختار الأيمجراند لكن byd l3 افضل

[M I D O]

العربيتين دول كويسين جدا لاكن السوق يخليك تتجة للامجراند حتي لو كانت ال byd افضل كعربية

[A7medelfe2y]

لو مكانك bydبدون تفكير لان الشكل بس هو الي لصالح الايمجراند والباقي كله للbyd