المشكله الاولي

[Ahmed zeina]

هو ينفع يا جماعه اتصل أحجز صيانه الألف كيلو الأولي يديني معاد في اخر شهر عشره هي من أولها انا دلوقتي عامل ١٥٠٠ اعمل ايه وعندي كذا مشكله عايزهم يحلوها الباور تقيل وعلمه البنزين مش مظبوطه ومؤشر الآر بي ام بيتهز والفرامل نورها بيتاخر علي ما ينور وفي هول سخن بيطلع من تحت الدريكسيون اعمل ايه افضل مستني كل المده دي انا اتخنقت

[ENG.MaRk]

لا طبعا ماتستناش كل ده ... اتصل تاني و قولهم علي المشاكل اللي عندك و هيدوك ميعاد قريب إن شاء الله ... الناس ديه بترخم بس و مش فارق معاهم حوار المواعيد ده ... في الأول و في الأخر كلها فلوس داخلة للتوكيل

[midooo_119]

هو ينفع يا جماعه اتصل أحجز صيانه الألف كيلو الأولي يديني معاد في اخر شهر عشره هي من أولها انا دلوقتي عامل ١٥٠٠ اعمل ايه وعندي كذا مشكله عايزهم يحلوها الباور تقيل وعلمه البنزين مش مظبوطه ومؤشر الآر بي ام بيتهز والفرامل نورها بيتاخر علي ما ينور وفي هول سخن بيطلع من تحت الدريكسيون اعمل ايه افضل مستني كل المده دي انا اتخنقت

اولا مبروك ياباشا عالعربيه و ربنا يباركلك فيها .. فيه مشاكل من الى عندك التوكيل هيحلها ومشاكل تانيه انت هتحلها و كلها بسيطه ان شاء الله
اولا الباور تقيل ده عشان الزيت المستخدم زيت تعبان و انا عملت موضوع عن ده والحل تجيب زيت محترم زى الى انا جيبته فرق رهيب

http://www.nilemotors.net/Nile/416132-7.html

علامه البنزين هيحلوها فى التوكيل هى و الاربى ام و نور الفرامل و الهوايات الى بتطلع هوا سخن هيقفلوهالك

[mohamed1979]

اتصل بخدمه العملاء تانى و اطلب فرع القطاميه فى خلال 2 يوم حتاخد معاد حجز

[rahieb_100]

اولا مبروك ياباشا عالعربيه و ربنا يباركلك فيها .. فيه مشاكل من الى عندك التوكيل هيحلها ومشاكل تانيه انت هتحلها و كلها بسيطه ان شاء الله
اولا الباور تقيل ده عشان الزيت المستخدم زيت تعبان و انا عملت موضوع عن ده والحل تجيب زيت محترم زى الى انا جيبته فرق رهيب

http://www.nilemotors.net/nile/416132-7.html

علامه البنزين هيحلوها فى التوكيل هى و الاربى ام و نور الفرامل و الهوايات الى بتطلع هوا سخن هيقفلوهالك

هو ايه سبب مشكلة rpm علشان انا عندى برضه بيقعد يلعب بس لما التكيف بيشتغل

[hanydmix]

الحل بسيط جدا روح على طول على مكان الحجز بتاعك وقلهم مشكلتك بصوت عالى شويه مش خناق لكن بصوت عالى فقط لا غير وهما هيعملوا اللازم بس مش كل الأعطال

[M I D O]

متستناش روح اي مركز خدمة واعمل الصيانة

[kaza]

السادة مالكي الايمي تحية طيبة للجميع والقسم مريح شوية فقلت اية رايكو في العربية واية اخر الاخبار سمعت انها غليت بيقت ب87500حاليا حد عندة معلومة واية اخبار الصيانات واماكن قطع الغيار برة التوكيل ياريت مانبخلش بالمعلومات فايده اكيدة للجميع وتحياتي القلبية للجميع