ساعدونى لو سمحتو هشترى جيلى اكس باندينو 2014

[a.hamed]

السلام عليكم
انا اول مرة اشترى عربية واستقريت على جيلى اكس باندينو 2014 عامله 83000 توكيل غبور
ياريت تفيدونى هل هى كويسه ولا لأ....وبالنسبه انى اول مرة اشترى عربيه ايه اللى مفروض اعمله واخلى بالى من ايه ....مثلا لازم اخدها للتوكيل يشوفها (هى جديده طبعا)...اعملها صيانه امتى ؟
يعنى بأختصار ايه اللى مفروض يتعمل لما اشترى عربية جديدة وامتى اعملها صيانه ؟
واللى مجرب العربيه او عارفها ياريت يقولى ايه عيوبها وايه مميزاتها
وكمان انا اول ما هشتريها هسافر بيها من اسكندريه لمطروح هل دا فيه مشكله ؟
وشكرا ليكم جداااااااااااا

[shiko85]

السلام عليكم
وعليكم السلام ورحمة الله وبركاته
انا اول مرة اشترى عربية واستقريت على جيلى اكس باندينو 2014 عامله 83000 توكيل غبور
ياريت تفيدونى هل هى كويسه ولا لأ....
بـ 83 الف ؟؟؟
انا شايف ان سعرها مبالغ فيه و خساره تدفع 83 الف فيها
دور على عربيه تانيه حتى لو هتكمل السعر بالقسط او حتى عربيه مستعمله
انا كان عندى جيلى فروته كانت زيرو بـ 42.5 و اتباعت بـ 19 الف
وبالنسبه انى اول مرة اشترى عربيه ايه اللى مفروض اعمله واخلى بالى من ايه ....مثلا لازم اخدها للتوكيل يشوفها (هى جديده طبعا)...اعملها صيانه امتى ؟
يعنى بأختصار ايه اللى مفروض يتعمل لما اشترى عربية جديدة وامتى اعملها صيانه ؟
عموما العربيات الجديده مش هتكون محتاج غير انك تتأكد ان كل حاجه شغاله تكييف و زجاج كهرباء و انوار و هكذا و انها بدون خبطات او خدوش و تتأكد من وجود العده كامله
ميعاد الصيانه التوكيل هو اللى بيحدده و بيكون معاك ضمان للعربيه و المانيوال و دفتر الصيانات
وكمان انا اول ما هشتريها هسافر بيها من اسكندريه لمطروح هل دا فيه مشكله ؟
العربيه بدون لوحات هتحتاج تأجر نمر تجاريه و خلى بالك عندك اكمنه فالطريق غير ان المفروض فأول 1000 كم الـ r.p.m لا يتعدى الـ 2500
وشكرا ليكم جداااااااااااا

[hesham fawzy h]

السلام عليكم
انا اول مرة اشترى عربية واستقريت على جيلى اكس باندينو 2014 عامله 83000 توكيل غبور
ياريت تفيدونى هل هى كويسه ولا لأ....وبالنسبه انى اول مرة اشترى عربيه ايه اللى مفروض اعمله واخلى بالى من ايه ....مثلا لازم اخدها للتوكيل يشوفها (هى جديده طبعا)...اعملها صيانه امتى ؟
يعنى بأختصار ايه اللى مفروض يتعمل لما اشترى عربية جديدة وامتى اعملها صيانه ؟
واللى مجرب العربيه او عارفها ياريت يقولى ايه عيوبها وايه مميزاتها
وكمان انا اول ما هشتريها هسافر بيها من اسكندريه لمطروح هل دا فيه مشكله ؟
وشكرا ليكم جداااااااااااا

يا احمد بية . دى عربية حرام يدفع فيها نصف المبلغ دة ..

انصحك بالش تشتريها خالص هى و جميع العربيات الصينى .

المبلغ الى معاك يجبلك فيرنا 2015 فول ابشن و زجاج فيمية

او تجبلك لانوس برضو

بس الباندينو دى وحشة جدا .. فعلا حرام فيها الفلوس

[a.hamed]

يا احمد بية . دى عربية حرام يدفع فيها نصف المبلغ دة ..

انصحك بالش تشتريها خالص هى و جميع العربيات الصينى .

المبلغ الى معاك يجبلك فيرنا 2015 فول ابشن و زجاج فيمية

او تجبلك لانوس برضو

بس الباندينو دى وحشة جدا .. فعلا حرام فيها الفلوس

بس حضرتك اللانوس والفيرنا مانيوال والباندينو اتوماتيك
هما صحيح انضف بس كنت عايزة حاجة اتوماتيك

[hamo81]

أرشحلك السيارة byd f3 اوتوماتيك عاملة 86000 عربية ممتازة ومتجربة ومشاكلها قليلة جدا ومعرفش حد أشتراها وأشتكى منها وممكن حضرتك تتعرفي أكتر عن السيارة من القسم الخاص بيها هنا في المنتدى

[bassemali]

زود شويه وهات فيرنا أوتوماتيك ب 90 الف تقريبا .. أحسن من البانديتو 100 مره

[hesham fawzy h]

زود شويه وهات فيرنا أوتوماتيك ب 90 الف تقريبا .. أحسن من البانديتو 100 مره

صح كدة زود شوية و هاتلك فيرنا اوتو .. حاجة تعيش معاك .. و لما تيجى تبيع متخصرش كتير
و بعدين تبقى مطمن وان راكبها عن الصينى بجميع انواعة

[hesham fawzy h]

نصيحة منى متدفعش فلوس فى عربية صينى
سواء byd او غيرها

[S O P H O S]

شايف تشوف بديل تاني فرأي

[M I D O]

رايي بلاش وهات الامجراند احسن

[mido]

العربية دى مينفعش تكون العربية الاساسية ده غير التوكيل التعبان
ها اللى ب 70 او اصرف نظر خسارة ال 83

[ashraf yahya]

اتوكل على الله وهاتها انا معايه باندينو 2014 ماشاء الله عليها جميلة جدا

[tamtam201033]

الناس اللى بتقول العربية وحشة ياترى جربوها ؟؟!!!

[tamtam201033]

على فكرة انا برضوا ناوية اجيب العربية ( وانا وحظى برضوا مع القلق من الصينى ) ان شاء الله من غبور الفول أوبشن وبفاضل بينها وبين byd f3لانها عربية حلوة برضوا بس مشكلتى فيها الحجم رغم ان ميزة انها كبيرة من جوة بس حجمها فى ظل اللى بنشوفه فالبلد ده يتعب
العربية الجيلى سعرها كدا لأن نفس المواصفات فى عربية تانية بتعدى 100 و عشان بس اسمها هيونداى ولا كيا ولا غيره
مع أن برضوا كيا بيكانتو اتوماتيك بحاجة وتسعين ألف
يعنى تدفع حاجة وتسعين على عربية صغيرة وأقل مواصفات عشان بس فى نظرك الماركة معروفة ومضمونة
مع ان ممكن العربية دى تكون كويسة ومناسبة لصاحب الموضوع ومعندهوش أمكانية يكمل او يجيب غيره
ومع أن البى واى دى برضوا والاسبرانزا اتشتموا فالاول واتقال صينى بس شوف دلوقت الماركات دى بتبيع ومنتشرة ومتحملة ازاى
وعلى فكرة برضوا كل اللى استخدم الباندينو مشتكاش منها شوف نسبة اللى بيشتكى من اللى بيشيد بيها
اعرف حد معايا فالشغل وكان راكب سيراتو اشترى ال516 بقالو 5 سنين ومرتاح فيها جداً
وواحد تانى راكب جيلى جراند سألته العربية دى مريحاك قالى جميلة طب والتوكيل قالى زى الفل طيب ملقتش فيها اى مشاكل صدأ او كدا ( من اللى بقرا عنهم وروشونى فى عالنت ) قالى خالص والراجل استغرب كمان ومستواه عالى عشان بس محدش يفتكر ان العربيات الصينى عربيات اللى مش معاهم فلوس
خدعة الماركة والمنظرة مبشوفهاش الا فى مصر هنا
مع أن كل حاجة على قد احتياجاتك
حتة توكيل غبور عايزة اقول ان اكيد مش هيبيع أسمه هو عارف واخد ماركة ايه وهيشغلها ازاى وهيغطى التسويق ويصنع منها عربية كويسة فى السوق
وانا مجرباه فى الأكسنت بروح مركز الخدمة بخلص تك تك وبمشى
لو عالاسعار فمافيش اى عربية فى مصر تستاهل اللى بيندفع فيها وبتكون أقل من المدفوع لأن احنا فى سوق حرامى اساساً
ولسه العربيات هتغلى يعنى اغلب الشعب ده مش هيركب عربيات ولا له حق فى اى حاجة ترفه عنه او تغطى احتياجاته
كل واحد له وجهة نظره ومقارنة الصينى بالعربيات الماركات الكبيرة بتظلموا اللى هيشترى وبتظلموا الماركة برضوا
استخير ربنا وربنا يعملك اللى فيه الخير
وانا عشان ملقتش اى افادة من المواضيع ان شاء الله لما اجيبها هعمل تقرير شامل بأى حاجة فيها عشان غيرى يستفيد مش يتسوح زى