عيوب الجيلي باندا

[bassemali]

أرجو من الساده الأعضاء ملاك الجيلي باندا او باندينو ( وليس الأكس باندينو لأن سعرها مبالغ فيه بصراحه وأنا مش عايز صيني أوتوماتيك) أفادتي عن هذه السياره من خلال تجاربهم معها .. أبرز العيوب اللي سمعتها من البعض ( واللي هما كمان سمعوها من البعض وليس عن تجربتهم هما ) أنها بتسخن !!!!!!!!!!
طبعا تبقى كارثه .. لو كانت بتسخن .. أرجو من أصحاب الخبره الإفاده تحديدا عن النقطه دي وكمان أداء التكييف وتأثيره على أداء العربيه ... وشكرا مقدما .

[bassemali]

أيه ياجماعه 38 مشاهده ولاحس ولاخبر !!!!!

[mido]

الباندا تجيبها اوتوماتيك هى دى ميزتها عشان سعرها غير كده شوف اى حاجة تانية لو مانيوال العربيات الاحسن منها كتير

[bassemali]

الباندا تجيبها اوتوماتيك هى دى ميزتها عشان سعرها غير كده شوف اى حاجة تانية لو مانيوال العربيات الاحسن منها كتير

زي ايه ؟

[bassemali]

فين الناس !!!!

[bassemali]

فين ملاك الباندا ياجماعه ...

[shamardal]

انا لسه جايبها مستعملة 2011 من يومين
الانطباع المبدئى
عربية جميلة موتورها عفى على حجمها وفتيسها الاوتو نقلاته حلوة وصوت موتورها يمكن عالى شوية بسبب انه محكوم فى مساحة صغيرة
الحرارة العادى بتاعها 6 شرطات من اجمالى 11 شرطة تقريبا
فيها امكانيات حلوة كأى عربية صينى
اعتقد بعد ما بقى توكيلها غبور قطع غيارها هتكتر كمان

[bassemali]

طب ممكن اعرف هيا ماشيه كام كيلو ؟ وأيه رأيك في تكييفها ؟ وهل فعلا بتسخن زي ماواحد قالي لإن دي أكتر نقطه مخوفاني بصراحه .. وشكرا لإهتمامك .

[shamardal]

ماشية 54 الف
التكييف شغال لكن انا شايفه محتاج فريون بالاضافة الى ان البائع قالى محتاج حساس تكييف عشان عملية الفصل ولسه هاشوف القصة دى وعموما قصة الحساس دى بتحصل حتى فى الاوبترا
الحرارة العادى بتاعها 6 شرط من يوم ما كانت زيرو -عدادها ديجيتال
1300 سى سى استهلاك بنزين قليل فتيس اوتو نقلاته الحمد لله حلوة وسلسة
ايرباج فرامل abs ، ebd
لو انت فى مصر غبور دلوقت بيبعها 1500سى سى اوتو 70 الف جم
وده هيخلى قطع غيارها تنتشر الفترة الجاية
لكن اللى معايا هى نفسها بس كان توكيلها شركة جاك عام 2011-2013
مش احسن من بيكانتو 1000 سى سى ب 100 الف جم
الصينى قادم وهيحتل مكانته بقوة
انا شخصيا بافكر اجيب جيلى ام 7 زيرو مانوال 87 الف جم
كل سنة وانت طيب

[shamardal]

على فكرة انا شاريها من بنت معرفة تخيل جابت بيها 140 الف على طريق الساحل
انا اخاف اعملها

[bassemali]

تسلم ياكبير ........ ربنا يبارك لك فيها ..

[bassemali]

متااااااااابع