حل مشكلة حك السيارة في المطبات

[hatemhotmil]

الأخوة الأعزاء
السلام عليكم ورحمة الله وبركاته . والله وحشنا المنتدى بكل أعضائه العظماء
بالنسبة لموضوح إن العربية بتحك ده حاصل معايا من أو ما اشتريت العربية وهيا للعلم 2014
ومؤخرا روحت للعفشجي وركب لها جلدتين فوق المساعدين الخلفي أعلى شوية بدلا من الموجودين فيها وللعلم السيارة عفشتها كما أخبرني العفشجي تويوتا والتعليق في بعض الأماكن أفضل كمان من التويوتا بالرغم من أني قولت أنه بيبالغ لكن شوفت تيل الفرامل لقيته من انتاج شركة بوش .
الحمد لله حاليا العربية مش بتحك في المطبات . ويارب أكون أفدت أي حد عنده المشكلة دي
تحياتي لكم

[hugan]

شخصيا شايفها الافضل في فئتها حاليا
لو نزل منها اوتو بموتور اكبر
هاتعمل شغل جامد

[hesham fawzy h]

تمام كدة
وممكن تعليها من الامام برضو

[hatemhotmil]

اخي العزيز سالت العفشجي عن الحكاية دى .تحفظ على رفعها من الامام علشان الكبالن وعلشان العربية ممكن تعوم

[S O P H O S]

واخبار العربية بعد التعديل ايه فالسرعات

[hatemhotmil]

عامة احساسي بالعربية لم يتغير. الا في موضوع الاحتكاك بالمطبات وعلى فكرة الموضوع مش مكلف حوالي ١٥٠ جنيه

[محمد محليس]

وده مش يخرجك بره الضمان والا انت طلعت منه اصلا
وشكرا علي تجربتك واكيد دي اهم حاجة لازم نفكر فيها عشان الجبال اللي عندنا في مش المطبات.........؟
ههههههههههه

[محمد محليس]

انت رحت فين ياللي في بالي
(ياللي عليت العربيه ونسيت ترد عليا)
ههههههههههه

[hatemhotmil]

اخي العزيز
معذرة على التأخر في الرد لمروري بوعكة صحية كبيرة شوية منعتني من الدخول بشكل متكرر . عموما باعتذر عن تاخري في الرد.
اخي العزيز في حالة خروج السيارة من الضمان هتخرج فقط العفشة. وعموما العفشة لا تحتاج تدخل قبل مرور ٣ سنوات على الاقل . ومش هتفرق معايا لو لا قدر الله حصل فيها مشكلة بما ان البدائل من تويوتا متاحة وقاكم الله كل سوء. تحياتي

[ashraf yahya]

انارحت ركبت علايتين للعربية جيلى باندينو 2014 وبقت تماااااااااااااااام وكلفتنى 60 جنيه بس

[hesham fawzy h]

عامة احساسي بالعربية لم يتغير. الا في موضوع الاحتكاك بالمطبات وعلى فكرة الموضوع مش مكلف حوالي ١٥٠ جنيه

يا نهار اسود دة كدة غالية جدا

دا ان واحد صاحبى علا العربية كلها بحوالى 40 جنية ؟؟!!!

[M I D O]

تسلم يا باشا علي الافادة