تحذير::محدش يستلم أمجراند بكاوتش (ويست ليك)

[zastaffa]

لأ مش حرام ... دا فقط قسم عظيم http://www.alifta.com/fatawa/fatawad...&languagename=

معلش يابني ماهم سابوا الكاوتش ودخلونا في جدال عقيم عن القسم العظيم
ههههههههههههههههه الله يخربعئلكوا

[mif]

قبل أي حاجة أحب أوضح أن الأمجراند بتنزل بكذا نوع من الكاوتش،، يعني ممكن عربيتك تكون نازله بكاوتش ((لاسا)) وواحد تاني ب ((ريفو)) وتالت زي حالاتي جيه حظه المهبب في نوع كاوتش أسمه ((ويست ليك)) وده النوع اللي هاتكلم عنه حالااااااااا

عربيتي أمجراند 2014 لونها أبيض وأستلمتها يوم 19/6 اللي فات وعامل بيها 8000 كم وطبعا غلطتي أني ماعاينتش الكاوتش كويس لحظة أستلامها لأن ااااااااخر حاجة كانت ممكن تخطر في باللي أن الأخ ((خابور)) أو غبور ((سموه ما شئتم)) يوصل بيه الغش والنصب وأنعدام الضمير لدرجة أنه ينزل عربيات جديدة زيرو بكاوتش مضروب ومليان بلالين من الأجناب!!!!

القصة بدأت من كام يوم وأنا بغسل العربية في البنزينة وطبعاً كانت مرفوعة علي الونش الهيدرولوكي وكل حاجة ظاهرة علي مستوي نظري ،، وأول ماعيني ضربت علي الفردة اليمين الأدمانية لقيت فيها بالونة صغيرة من الجنب ((المكان اللي بيبقي مكتوب عليه أسم الكاوتش وماركته ورقمه)) طبعاً قولت مش أشكال ويمكن أكون خبطت في رصيف وأنا بركن...روحت بعديها أمشي أيدي علي الفردة لقيتها كلها عالي وواطي بطريقة غبية!!!! قولت يمكن أنت ياواد خبطت العجلة كلها في الرصيف وأنت بتركن ((مع أن ده عمره مايحصل مع أي سواق حتي لو كان عيل عنده 3سنين!!!)) لفيت الناحية التانية أشوف العجلة الشمال الأدمانية لقيتها نفس القصة!!!! روحت عالعجل الوراني وحسست عليه بأيدي من الجنب فردة فردة برضوا لقيته نفس الحكاية!!!!!

جريت أفتح الشنطة عشان أشوف الأستبن اللي مالمسش الأسفلت ولا حتي أتشال من مكانه أصلاً من ساعت ماشتريت العربية وكانت المفاجأة المؤلمة أنه برضوا فيه عالي وواطي من الأجناب!!!!
تخيلوا غبور المجرم وصلت بيه البجاحة لحد فين؟؟؟!!!

أخدت بعضي وطلعت علي أبو رواش وطبعاً كانوا جاهزين بالرد أن معاينة الكاوتش يوم التلات من كل أسبوع!!!! وقفت في الساحة بره أتفحص كل العربيات الجيلي اللي واقفه وأشوف الكاوتش بتاعها فأكتشفت أن الكاوتش اللاسا مافيهوش الكلام ده..أنما كل الويست ليك فيه عالي وواطي زي حالاتي بالظبط!!!!!

طبعاً فيه حاجة غريبة أخيرة أخدت بالي منها وهي أن كل الجيلي البيضة نازلة بكاوتش ويست ليك وفيه نفس العيوب اللي عندي!!!!
وديه قصتي مع أمجراند خبور حبيت أحكيهالكم بتفاصيلها المملة عشان تخلوا بالكم كويس أوي وأنتو بتستلموا لعلي أكون عبرة لغيري ياخد أحطياطاته قبل مايلبس زي مانا لبست!!!

ماهو أصلي مش عيب أكون عبرة....العيب أني أكفي عالخبر ماجور وأسيب غيري فريسة ل (غبور)

rayeh f dahia

خير و كويس انك اكتشفتها

و ان شاء الله تاخد حققك

بس خلي بالك انت بتصب غضبك على غبور رغم انك ناسي معلومات فى غاية الاهمية

غبور هو توكيل لاسا و من مصلحته ان كل جيلي ينزل بلاسا طبعا

و لكن طبعا جشع بعض التجار فى مكسب اكبر انهم بيستبدلوا حاجات كتير بعد استلامها من غبور و اشهرها استبدال البطارية و الكاوتش مع سرقة بعض الاكسسوارت و الوصلات فى السيارات و بتوصل لحد الكوريك و غيرها .

ممكن تقولنا على المعرض اللى انت اشتريت منه و فينه ؟

و ربنا يعينك

[zastaffa]

خير و كويس انك اكتشفتها

و ان شاء الله تاخد حققك

بس خلي بالك انت بتصب غضبك على غبور رغم انك ناسي معلومات فى غاية الاهمية


غبور هو توكيل لاسا و من مصلحته ان كل جيلي ينزل بلاسا طبعا

و لكن طبعا جشع بعض التجار فى مكسب اكبر انهم بيستبدلوا حاجات كتير بعد استلامها من غبور و اشهرها استبدال البطارية و الكاوتش مع سرقة بعض الاكسسوارت و الوصلات فى السيارات و بتوصل لحد الكوريك و غيرها .

ممكن تقولنا على المعرض اللى انت اشتريت منه و فينه ؟

و ربنا يعينك

طب والراجل سواق التاكس اللي قابلته في غبور أبو رواش وطلعت عربيته بنفس الكاوتش بتاعي ونفس عيوبه واللي لما سألته أنت أستلمت منين قالي من غبور نفسه؟؟؟؟؟

[aymanabdelwhab]

لو سيبت حقك هيعملوها مع كتير غيرك ... اكسب ثواب وروح افشخهم يمكن ميعملوهاش مع حد تاني

[دكتور عمرو]

يا جماعة انا والدى استلم ايمجراند من معرض موسى للسيارات فى طنطا من حوالى 15 يوم
لونها نبيتي مش ابيض
لما قريت الموضوع هنا امبارح بصيت على كاوتش العربية لاقيته فعلا ويست ليك ( العربية نبيتي مش ابيض )
حاليا انا لسه معملتش صيانة الالف فهل ممكن فى الصيانة اطلب تغيير الكاوتش ده ويتغير خصوصا ان كل مشاوير العربية دي هتبقى سفر
هل ممكن اطلب منهم يتغير الكاوتش ويغيروه ولا لازم يظهر عيب فى الكاوتش الاول ؟
وهل لو هيتغير هيكون عليا تكلفة ولا العربية فى الضمان وبدأ يكون معروف ان الكاوتش ده معيوب ؟

[A.Saad]

خير و كويس انك اكتشفتها

و ان شاء الله تاخد حققك

بس خلي بالك انت بتصب غضبك على غبور رغم انك ناسي معلومات فى غاية الاهمية

غبور هو توكيل لاسا و من مصلحته ان كل جيلي ينزل بلاسا طبعا

و لكن طبعا جشع بعض التجار فى مكسب اكبر انهم بيستبدلوا حاجات كتير بعد استلامها من غبور و اشهرها استبدال البطارية و الكاوتش مع سرقة بعض الاكسسوارت و الوصلات فى السيارات و بتوصل لحد الكوريك و غيرها .

ممكن تقولنا على المعرض اللى انت اشتريت منه و فينه ؟

و ربنا يعينك

غبور وكيل
لاسا : الشركة الام تركية
ووست ليك : الشركة الام صينية

Ghabbour Auto

[M I D O]

المشكلة مش في الكاوتش الويست ليك المشكلة في ان الي نازل في عربيتك كان متخزن بقالة فترة كبيرة وعمرة الافتراضي ممكن يكون منتهي وهوة دة الغش و النصب العلني وربنا ينتقم منهم

[mif]

يا جماعة انا والدى استلم ايمجراند من معرض موسى للسيارات فى طنطا من حوالى 15 يوم
لونها نبيتي مش ابيض
لما قريت الموضوع هنا امبارح بصيت على كاوتش العربية لاقيته فعلا ويست ليك ( العربية نبيتي مش ابيض )
حاليا انا لسه معملتش صيانة الالف فهل ممكن فى الصيانة اطلب تغيير الكاوتش ده ويتغير خصوصا ان كل مشاوير العربية دي هتبقى سفر
هل ممكن اطلب منهم يتغير الكاوتش ويغيروه ولا لازم يظهر عيب فى الكاوتش الاول ؟
وهل لو هيتغير هيكون عليا تكلفة ولا العربية فى الضمان وبدأ يكون معروف ان الكاوتش ده معيوب ؟

شوف تاريخ الانتاج
و اكشف عليه عند بتاع كاوتش
بعد كدا خد قرار