تجربة قيادة امجراند لمشوار قصير وتقييم سريع

[muhmado_furp]

السلام عليكم جميعاً
سبحان الله بعد ما بعت الانسر الي كانت معايا لظروف
فانا بفكر في كذا عربية منهم التيجو والامجراند والبي واي دي وغيرهم في نفسم الفئة
فالحمدلله بالصدفه ربنا وفقني اني اجرب التيجو والامجراند وجربهم بنفسي
الامجراند موديل 2014 ماشيه 41 ألف كيلو
صيانة التوكيل
المشوار كان في حدود 50 كيلو تقريبا حاجه سريعه كده
الانطباع الاول قبل التدقيق
عربيه ضخمه شكلها الخلفي روعه والامامي تقليدي
بدأنا الركوب كان معايا واحد امامي وأربعه في الكنبه الخلفية
الموتور والسحب جيدا جدا
العفشة بصراحه بهرتني خصوصا الخلفية مع التحميل ده
المطبات العليا كانت بتحك زيها زي الانسر مع التحميل لكن من غير تحميل مجربتش
الصالون واسع ومرتاح اما التابلوه مع عينيك لما تتعود عليا تشعر بعدم الابهار وخاصة كانت القياده نهارية يمكن مع تشغيل الاضواء الوضع يختلف.
الخامات الداخلية ودي هقف عندها كتير صراحة صدمت فيها سيئة جدا والتقفيل الداخلي شعرت فيه بعدم الدقه نهائياً ( ملحوظة احد الركاب الخلفيين مخدش باله ان العربية مسجرة وقرصة علي الاكره حاجه بسيطة علشان يفتح الباب وللاسف اتكسرت وبصراحه ضعيفه جدا جدا)
نزلت ووقت جمب العربية وقولت اتفرج علي التقفيل الخارجي مش عاوز اظلمه لكن برضك في شوية حاجات مش مظبوطه في الفوارق بتاعة الفوانيس والشنطه فوارقها واسعه شويه مش عارف السبب علما بان العربية فبريكه بدون اي حوادث
مجمل التقييم العربية متوسطه في كل شئ وجيده في الموتور والعفشة.
تقييم بسيط وسريع وقد لا يكون دقيق نظرا لسرعه التجربة لكن حبيت انقل رأي لو حد بيدور زي

[hany63]

على قد فلوسها

[eslamaboelkeir]

كلامك صح يا برنس

[mohanned192]

تبات رائع واسعه واهم حاجه فخاااااااااامه

[M I D O]

العربية كويسة جدا بس للاسف منتظر اية يا باشا من عربية تقفيل مصري -_-