لغه الاشارات والطريق ؟

[iEgyptian]

السلام عليكم من الممكن يكون الموضوع تافه او ليس له معنى عند البعض بس بجد انا نفسى اتعلم لغه الاشارات على الطريق ممكن اكون بتشتم وانا مش عارف ممكن اعرف منكم ايه لغه الاشارات فى ناس كتير بتعملى يمين فى شمال اول ما اوسعلها الطريق يعنى اكيد مش بيشتم وفى ناس بتعمل اشاره عكس الاتجاه وفى ناس بتطفى نور الطبلون خالص ودوس فرامل وناس بتيجى ورايا بتطفى النور وتمشى على نورى مع انتظار ممكن اعرف ايه المعانى وارد ازاى بالاشارات .. واسف لو الموضوع يراه البعض تافه بس بجد نفسى اتعلمها وكمان طلب اخير بالنسبله للتلاكسات ان امكن برضه كدا يبفى عناب خالص نايل موتورز - NileMotors.net[1].gif

[ARKOON]

ولا تافه ولا حاجة يا كبيير دا من فن وذوق السواقين كل الحركات دي معانها حلو مثلا :
1- ناس كتير بتعمل يمين فى شمال اشارات = غمزة يعني صبح مثلا
2- عكس الاتجاه وهوا جاي في اتجاهك = انا حدود عربيتي هنا خلي بالك مني يا معلم .
3- الكلاكسات ما تركزش فيها عشان هيا صداع اصلن . يعني بتكون حسب الموقف ممكن نفس النغمة ليها كذا معنى زي لو واحد بيعدي بعربيته وانتا فتحتله سكه ( ون بييب ) = شكرا . لو عند إشارة معنى اتحرك .
لو زماارة طويلة ممكن تبقى زعييق او واحد بيصبح على واحد صاحبه غشيم حركات سواقين يعني موضوع لذيذ حتعرفه مع السواقة والتعامل في الشارع مع السواقين .
بس عشان تكون عارف انه مش العلم الي هتخسر لو فاتك او هتستفيد لو اتعلمت منه حاجة .
بس اهم حاجة قوانين السفر والطرق لما يكون ( اشارة انتظار ) شبورة او مطر او مشكلة في الطريق او ومشكلة في العربية او واحد لسه بيتعلم او واحد تايه ومش عارف عنوان وسرعته هتكون مش منظمة انك تمشى وراه .
اشارة عكس الاتجاه لما تكون في شارع فردة واحده ودي بتكون الفجر او الصبح او بليل عشان تعرف حد العربية الى جاية قصادك ولو نوره علي بتطفي نورك وتقلب نور لغاية ما تكون انوار هادية ما تأثرش على القيادة مع استخدام الاشارة المعاكسة للاتجاه.

: ) ان شاء الله يكون في أي فايدة لحضرتك وأي استفسار انا موجود . تحياتي.

[A.Saad]

ايحث عن موضوع قديم اسمه لغة الكلاكس

[iEgyptian]

بجد شكرًا اولا على ذوقك وردك المحترم وفعلا كلامك قيم اشكرك بجد اخى الغالى . اتقل عليك فى حاجه طيب انا ممكن ارد ازاى على سبيل المثال واحد عملى شمال فى يمين ..او ارد ازاى على الاشارات لو واحد ادانى عكس على اساس اظهر اللى انا فاهم .. ومره اخرى شكرًا ليك

ولا تافه ولا حاجة يا كبيير دا من فن وذوق السواقين كل الحركات دي معانها حلو مثلا :
1- ناس كتير بتعمل يمين فى شمال اشارات = غمزة يعني صبح مثلا
2- عكس الاتجاه وهوا جاي في اتجاهك = انا حدود عربيتي هنا خلي بالك مني يا معلم .
3- الكلاكسات ما تركزش فيها عشان هيا صداع اصلن . يعني بتكون حسب الموقف ممكن نفس النغمة ليها كذا معنى زي لو واحد بيعدي بعربيته وانتا فتحتله سكه ( ون بييب ) = شكرا . لو عند إشارة معنى اتحرك .
لو زماارة طويلة ممكن تبقى زعييق او واحد بيصبح على واحد صاحبه غشيم حركات سواقين يعني موضوع لذيذ حتعرفه مع السواقة والتعامل في الشارع مع السواقين .
بس عشان تكون عارف انه مش العلم الي هتخسر لو فاتك او هتستفيد لو اتعلمت منه حاجة .
بس اهم حاجة قوانين السفر والطرق لما يكون ( اشارة انتظار ) شبورة او مطر او مشكلة في الطريق او ومشكلة في العربية او واحد لسه بيتعلم او واحد تايه ومش عارف عنوان وسرعته هتكون مش منظمة انك تمشى وراه .
اشارة عكس الاتجاه لما تكون في شارع فردة واحده ودي بتكون الفجر او الصبح او بليل عشان تعرف حد العربية الى جاية قصادك ولو نوره علي بتطفي نورك وتقلب نور لغاية ما تكون انوار هادية ما تأثرش على القيادة مع استخدام الاشارة المعاكسة للاتجاه.

: ) ان شاء الله يكون في أي فايدة لحضرتك وأي استفسار انا موجود . تحياتي.

[ARKOON]

لا شكر على واجب iegyptian
بالنسبة للاشارت بيكون الرد بالاشارات عاوز تبقى فاهم ماتزمرش لو حد لعب بالاشارة ترد بنفس اللغة بمعنى لو انتا على طريق وحد تجاوزك وعمل اشارة يمين وشمال انتا لو حصل وتجاوزته ( مش تحطه في دماغك انا بقول فرضاً ) بتعمل نفس الحركة بس مرة يمين زيادة او العكس ( يمين وشمال ويمين )
وفي الحالة التانية لو حد جاي قصادك ونور اشارة عكس اتجاه بتخفف نورك شوية وتنور اشارة عكس اتجاه بحيث تشوفوا ابعاد وحدود سيارتكم .
ولو على طريق ولقيت عربية بتقلب نور وجاي عكس اتجاهك فدا بيكون بينبهك لمكان رادار او لاقدر اله في مشكلة على الطريق تقوم تهدى السرعة لحد السرعة القانونية وللرد بتقوم تقلب نور مرة واحد بصورة اطول تثبت ذراع العالى ثانيتين . وربنا يكفيك شر الطريق يا فندم . : )

[iEgyptian]

تحياتى مره اخرى وشكرا جدا على مشاركتك وفعلا انت علمتنى حاجات كان نفسى اعرفها ..شكرًا جدا ياغالى ويارب يبعد عننا شر الطريق والحوادث ..شكرًا لمرورك ومشاركتك ❤️

لا شكر على واجب iegyptian
بالنسبة للاشارت بيكون الرد بالاشارات عاوز تبقى فاهم ماتزمرش لو حد لعب بالاشارة ترد بنفس اللغة بمعنى لو انتا على طريق وحد تجاوزك وعمل اشارة يمين وشمال انتا لو حصل وتجاوزته ( مش تحطه في دماغك انا بقول فرضاً ) بتعمل نفس الحركة بس مرة يمين زيادة او العكس ( يمين وشمال ويمين )
وفي الحالة التانية لو حد جاي قصادك ونور اشارة عكس اتجاه بتخفف نورك شوية وتنور اشارة عكس اتجاه بحيث تشوفوا ابعاد وحدود سيارتكم .
ولو على طريق ولقيت عربية بتقلب نور وجاي عكس اتجاهك فدا بيكون بينبهك لمكان رادار او لاقدر اله في مشكلة على الطريق تقوم تهدى السرعة لحد السرعة القانونية وللرد بتقوم تقلب نور مرة واحد بصورة اطول تثبت ذراع العالى ثانيتين . وربنا يكفيك شر الطريق يا فندم . : )