تعلية جيلى باندينو

[moussamath]

عندي جيلى باندينو ٢٠١٥ والمشكلة الوحيدة فيها انها واطية وبتحك فى المطبات وخصوصا المعمولة بطريقة انتقامية زي ميكون اللى عاملها حاقد على الناس اللى عندها عربيات وفكرت أعلى العربيه وفي ناس نصحتنى انى ملعبش فى العربية وناس شجعتنى انى أركبلها علايات يا ريت حد يشرحلى بشكل علمى تأثير تركيب العلايات على العربية ويشرحلى بشكل عملى علشان أنا جديد فى مجال العربيات وشكراً مقدماً

[otaka2006]

انا رأي بلاش

انا عندي نفس المشكله في عربيتي 2015 بس فيه ناس كتير نصحوني ان بلاش وانا عرفت انها بتشتغل يعاليات الماروتي بص انت حاول تاخد المطبات باحترافيه اكتر هتجيب نتيجة احسن من اللعب في تصميم العربية

[hugan]

غريبه مع انها اامفترض شاسيه قصير
والمسافه بين العجلات اقل بكتير من السيدان

[moussamath]

شكرا لكل الناس هو فعلا الكل نصحنى بلاش تلعب فى العربية بس المطبات معمولة بشكل مستفز وكل خبطه فى العربية بحسها فى قلبى وبقول ربنا يجازى اللى عمل المطب

[Abdou.Junior]

صدادات اوكتافيا

العفشجى حل المشكلة بصدادت اوكتافيا وفعلا العربية عليت ومبقتش بحك فى مطبات ، ومن حيث الاداء فانا مش حاسس باختلاف .

[Mohamed Desoky]

السلام عليكم ورحمة الله وبركاته علميا تعلية السيارة شىء دار للثبات على طرق سريعه فوق 100 لكن فى مصر انسى العلم والتعليم وتعامل مع الواقع الاليم اى عربيه بتتخبط فى رفرف اوباب كل ده له علاج لكن الخبطة من تحت تتصلح ازاى فى مصر العظيمه بشعبها الهمجى وكل واحد بيعمل مطب صناعى على مزاج اهله بدون اى فهم فى غياب تام من الحى الحل كلمة واحده عللى العربيه دى مواصفات مصريه ولو هتقولى علميا هقولك انتى عايش فى مصر ولما تعلى تحط عليات من فوق السوسته بلاش تحت السوسته لان العفشجى بيدور على السهل تحت السوسته وخلص الصح علاية فوق السوسته اوصداد جوه المساعد وليك الحريه وتعايش مع جبال المحروسه وشكرا

[Colin Chapman]

الصح علاية فوق السوسته

السلام عليكم ورحمة الله وبركاته علميا تعلية السيارة شىء دار للثبات على طرق سريعه فوق 100 لكن فى مصر انسى العلم والتعليم وتعامل مع الواقع الاليم اى عربيه بتتخبط فى رفرف اوباب كل ده له علاج لكن الخبطة من تحت تتصلح ازاى فى مصر العظيمه بشعبها الهمجى وكل واحد بيعمل مطب صناعى على مزاج اهله بدون اى فهم فى غياب تام من الحى الحل كلمة واحده عللى العربيه دى مواصفات مصريه ولو هتقولى علميا هقولك انتى عايش فى مصر ولما تعلى تحط عليات من فوق السوسته بلاش تحت السوسته لان العفشجى بيدور على السهل تحت السوسته وخلص الصح علاية فوق السوسته اوصداد جوه المساعد وليك الحريه وتعايش مع جبال المحروسه وشكرا