باندينو جابت فتيس بعد 11000 كيلو

[fadysaeed]

اشتريت جيلي باندينو اتوماتيك 2013 ب 70 الف زيروا منذ سبع شهور (7-2014) وكنت مبسوط بيها معادا انها واطية جدا
لحد ما روحت عملت صيانة ال10 الاف ف التوكيل وبعدها بعشر ايام ظهر مشكلة في الفتيس انه بيعلق ومش بينقل الغيار اتوماتيك الا لو جبت علي n ورجعت d تاني
المهم التوكيل رفض يغيرلي الفتيس عشان مش كنت بعمل الصيانة الدورية
الفتيس كل يوم حالتة اسوء ودلوقتي العربية بتبطل لو وقفت خالص وانا علي d أو r كأني سايق مانيوال

الميكانيكي نصحني اجيب فتيس من بورسعيد

ارجوكوا ياجماعة محدش يعرف الاقي الفتيس باندينوا اتوماتيك 2013 فين وسعرة كام
لو سمحتوا ياجماعة اسألكم النصيحة

[hugan]

ربنا معاك بس اظن مستحيل مش صعب انك تلاقيه
شوف حد بيصلح فتايس اوتو افضل

[Pharmacist zt]

متابع

[fadysaeed]

ربنا معاك بس اظن مستحيل مش صعب انك تلاقيه
شوف حد بيصلح فتايس اوتو افضل

ايه اللي خلاك تقول كدة تعرف حد دور عليه ومش لاقاه؟؟؟؟

[Dr_Smart]

ربنا معاك

بس صيانات ايه اللي التوكيل بيقول عليها ؟؟؟ انت بتقول 11000 كم بس وعملت صيانة ال10000 وماكنش فيه مشكله في الفتيس ساعتها

انا رأيي انك تخليك وراهم وتشتكيهم ماتسكتش

ده انت بتتكلم عن فتيس باظ بعد اقل من سنة و11000 كم فقط

[bluemail]

حضرتك المفروض لسه في الضمان
هل انت اول مالك ؟ وهل انت عملت شغل في العربيه خرجها بره الضمان؟
والفتيس عندهم بكام سعره لو هتركبه بره الضمان؟
لو انت عربيتك في الضمان لازم تعمل شكوي في جهاز حمايه المستهلك

[fadysaeed]

حضرتك المفروض لسه في الضمان
هل انت اول مالك ؟ وهل انت عملت شغل في العربيه خرجها بره الضمان؟
والفتيس عندهم بكام سعره لو هتركبه بره الضمان؟
لو انت عربيتك في الضمان لازم تعمل شكوي في جهاز حمايه المستهلك

اه المفروض انا في الضمان
اه اول مالك
خزنة زيت الفتيس انكسرت مني بعد ما هما كشفوا ع الفتيس بيوم وقالولي انه عايز يتغير
الفتيس مش لاقيه بره
وعندهم بيقولي 19000 من غير المصنعية
الشكوة بتاخد وقت وانا محتاج العربية بشتغل بيها
حد قالي ينفع اصلحها و بعدين اشتكي

[eng.m7md.ali]

اه المفروض انا في الضمان
اه اول مالك
خزنة زيت الفتيس انكسرت مني بعد ما هما كشفوا ع الفتيس بيوم وقالولي انه عايز يتغير
الفتيس مش لاقيه بره
وعندهم بيقولي 19000 من غير المصنعية
الشكوة بتاخد وقت وانا محتاج العربية بشتغل بيها
حد قالي ينفع اصلحها و بعدين اشتكي

لو صلحتها انت بنفسك يبقي الشكوي ملهاش اي قيمة ..

لازم تشتكي في اسرع وقت

[Pharmacist zt]

ازاي عملت صيانه 10 الالف ولما قولتلهم ع الفتيس بعدها يقولوا اصلك مش بتعمل الصيانات ف التوكيل..!!!!!

[sherif4004]

ملعون دا توكيل .. المفروض تطلع علي حمايه المستهلك وتعمل كشف
شوف نوع الماتور و هل هوا بتاع تويوتا ولا جيلي مقلداه منين
ولو قفلت اقترح بس معرفش دا ينفع ولا لا هات ماتور وفتيس نوع تانى مع الكنترول زى لانسر 1300

[fadysaeed]

اسف لعدم الرد
المشكلة اتطورت مع الوكيل
سأوافيكم بالتفاصيل قريبا

[octavia]

فتيس صينى

بسم الله الرحمن الرحيم
اخى الكريم أحب اقول لك انا من بورسعيد ودى اول مشاركة لى فى المنتدى الرائع المميز جداً.
مش بس فى الناس المحترمين إللى المشاركين فية ولكن القائمين عليه
اما بالنسبه للفتيس لابد أن الميكاني يقول لك نوع الفيس البديل
اللى هيركب على العربية بتاعتك إنما فى الحرفين عندنا لسة العربيات الصينى عموماً مشفتش ليها مديح
وشكرا

[kaza]

معلش انا مش فاهم الفتيس باظ من الاستخدام العادي ولا حضرتك خدت مطب وكسرت كرتير زيت الفتيس لان لو الموضوع التاني يبقي الاصلاح علي حسابك ولازم تعملة في اسرع وقت لان الزيت هيتسرب والفتيس يتحرق غير سرعة اكسدة الزيت وعمرة هتكون اقل

[تامر.محمد]

نفس السؤال
هل الفتيس باظ لوحده ولا اتخبط ؟
و لو باظ لوحده , يعني ايه ما بتعملش صيانات و العربية اصلا ما كانش فيه غير صيانة واحدة , ال10تلاف و عملتها ؟

[bassemali]

متااااابع ...