العربية واطية ولا انا اللي غلطان

[ShadyAboulHagg]

ياجماعة الخير انا اخدت الحلوة EC7 وطلعت جسر السويس - طريق القاهرة الاسماعيلية ومنه طريق بلبيس الصحراوي ثم الي منيا القمح - الشرقية
العربية بسم الله ماشاء الله حلوة ... بس فيه مشكلة عكننت عليا ونرفزتني لدرجة اني كنت هفقد تركيزي وانا سايق !!!!!!!!! هيا ان العربية بتتهبد وبتحك علي المطبات "الواقفة" بتاعت الاهالي
علي الرغم اننا كنا 3 فقط فـ العربية !!!

العربية لسة جديدة وكانت كل خبطة كأنها خنجر فـ صدري

الحل افادكم الله

[rahieb_100]

خد المطبات واحدة واحدة واتعود على كده

[bluemail]

الحل انك تركب علايات جلد
لان حتي لو كبرت الجنط مش هتحل المشكله

[ShadyAboulHagg]

خد المطبات واحدة واحدة واتعود على كده

والله باخد المطب علي سرعة 10 كم لدرجة ان ساعات العربية بتبطل مني

[ShadyAboulHagg]

الحل انك تركب علايات جلد
لان حتي لو كبرت الجنط مش هتحل المشكله

اللي اعرفه ان العلايات غلط وبتأثر في ثبات العربية ؟؟؟

[bluemail]

اللي اعرفه ان العلايات غلط وبتأثر في ثبات العربية ؟؟؟

غلط في ايه؟ تقصد بتاثر علي العفشه مثلا؟ هي مشكلتها ان العربيه ممكن تعوم السرعات العاليه, لو انت بتجري جامد
للاسف هو ده الحل الوحيد علشان تتفادي الحك, في ناس ركبت جنط 17 وبرضه العربيه بتحك في المطبات

[Delli7]

السلام عليكم,

للأسف بردو سألت في التوكيل قبل كدة قالي العلايات غلط علي ثبات العربية

افضل حل انك تاخد المطب بالراحة و بالجنب و هتتعود عليه بعد فترة
علي الرغم اني الحمد لله بدأت اتعود لأن دي اول عربية ليا و جديدة , بس بردو ساعات بتبقي في مطبات غبية بالبس فيها ومش عارف ده غلط ولا ايه :d

[bluemail]

السلام عليكم,

للأسف بردو سألت في التوكيل قبل كدة قالي العلايات غلط علي ثبات العربية

افضل حل انك تاخد المطب بالراحة و بالجنب و هتتعود عليه بعد فترة
علي الرغم اني الحمد لله بدأت اتعود لأن دي اول عربية ليا و جديدة , بس بردو ساعات بتبقي في مطبات غبية بالبس فيها ومش عارف ده غلط ولا ايه :d

عليكم السلام
فعلا هي ممكن تاثر علي الثبات على السرعات العاليه
بص هي وجهات نظر يعني انا لو سواقتي عاديه ومابجريش لازم اعلي العربيه
احساس وحش اوي الحك في المطبات وبيتعب جدا
انا كنت راكب سبرانز 516 وبالرغم من ان كان فيها بارومه ومحتاجه شغل وماكنتش عربيتي وكان صاحبها هيبعها
وبالرغم من اني كنت باخد المطبات بالعرض بالرغم برضه من تعليقات الناس اللي ماشيه ورايا
الا اني كنت حاسس بالذنب مع كل حكه في مطب
انا عمي كان جايب اوكتافيا معاقين, عربيه ما شاء الله وهو كل شغله سفر لكن برضه راح للعفشجي وركب علايات, الطرق والمطبات في مصر مشكله

[ShadyAboulHagg]

حسبي الله ونعم الوكيل هنلاقيها من المطبات ولا من هواة الرسم بالمفتاح علي الصاج

انا رأيي كل واحد يعمل حسابه في مطرقة واجنة صلب وقبل كل مطب ينزل يكسر حتة عشان العربية تعدي

العليات غلط عشان الثبات
والمطبات غلط عشان العفشة
والتهدئة غلط عشان اللي وراك هيجننك

الرحمة من عندك يارب

[ahmad--ezzat]

الحل انك تركب علايات جلد
لان حتي لو كبرت الجنط مش هتحل المشكله

ياراجل دة حل دة
حرام يروح يفتي عن العفشجي ويبوظ توازان العربية والعربيه زيرو

[ShadyAboulHagg]

ياراجل دة حل دة
حرام يروح يفتي عن العفشجي ويبوظ توازان العربية والعربيه زيرو

الله يفتح عليك

طيب ايه الحل انا قربت اعيط

[ahmad--ezzat]

بص ياباشا… متقلقش… دة مش عيب ف العربية… امال لو معاك سيفيك بقي او الكرولا الجديدة ناس كتير بتشتكي من ارتفاعها… حاول تاخد المطبات بالعرض… ومش عيب… متقلقش..كلنا بنعمل كدة… وخد بالك العيب مش ف العربيه..العيب ف الطرق بتاعتنا… انا معايا النوبيرا بتبقي قريبة جدا للارض مع التحميل ومن غير تحميل وحياتك :d … الالنترا كدة.والانوس… لا تقلق… متلعبش في العربيه وسيبك من العلايات والحجات دي

[bluemail]

ياراجل دة حل دة
حرام يروح يفتي عن العفشجي ويبوظ توازان العربية والعربيه زيرو

هي وجهات نظر
ممكن حد يمشي عادي وكل مطب يعدي يحك حكه في الشاسيه ويستحمل
وحد ممكن يركب علايات جلد ومايجريش بالعربيه
وحد ياخد كل مطب العرض ويستحمل تعليقات الناس اللي وراه

[rahieb_100]

بص ياباشا… متقلقش… دة مش عيب ف العربية… امال لو معاك سيفيك بقي او الكرولا الجديدة ناس كتير بتشتكي من ارتفاعها… حاول تاخد المطبات بالعرض… ومش عيب… متقلقش..كلنا بنعمل كدة… وخد بالك العيب مش ف العربيه..العيب ف الطرق بتاعتنا… انا معايا النوبيرا بتبقي قريبة جدا للارض مع التحميل ومن غير تحميل وحياتك :d … الالنترا كدة.والانوس… لا تقلق… متلعبش في العربيه وسيبك من العلايات والحجات دي

ده كلام مظبوط
انا مش مع انك تعلى العربية او تغيير حاجة فيها
خد المطبات براحة خالص و متقلقش من اللى وراك
انا بعمل كده وبقف على المطب كمان واسيب العربية تنزل براحتها ومش بتحك على الرغم من انى بكون مش لوحدى فى العربية

[ShadyAboulHagg]

تسلمولي يارب وما تحرمش من نصائحكم

هجرب اخد المطبات بالعرض مع سرعة واطية جدا
وهعمل عبيط لكل اللي ورايا

واوعدكم هنقلكم الفرق