هل اشتري اكس باندينو ؟!

[Member 18]

كنت النهارده فى المصريه بشوف السيارات فى حدود ال 100 الف واتوماتيك، وشوفت اللوجان طبعا وشوفت الاكس باندينو ، وبصراحه الشكل الكروس اوفر عجبنى جدا ، والسعر مناسب جدا ، بس متخوف منها علشان الموتور والثبات خصوصا انى هسافر بيها كتير :)
ودورت فى المنتدى مالقتش اى تقرير عنها
ياريت لو حد ركبها او امتلكها يكلمنا عنها وميبخلش بالنصيحه
..
ولا اسيبنى من الجديد وادور على مستعمل واوفر كام الف انا اولى بيهم
ملحوظه : انا راكب حاليا بشكل مؤقت كيا سبكترا اتوماتيك ، مش عاوز اركب عربيه تانيه واحس انها بطه

[eng.m7md.ali]

ياباشا كون انك تفكر في عربية زي دي يبقي حرام عليك .. جيلي ايه ومهلبية ايه بس خش في حاجة استعمال نضيف وريح دماغك هتاخد مميزات كتير جداً

[Member 18]

المشكله انك تلاقى حاجه استعمال نضيف ومتفتحش بؤها خصوصا انى مبفهمش حاجه فى العربيات خالص غير انى اسوقها :)
وبالاسعار اللى انا شايفها دى ، اللى معاه عربيه حلوه يبقى حمار لو باعها :))

[eng.m7md.ali]

بس ماشاء الله المبلغ اللي معاك يجيبلك حاجة كويسة كسر زيرو .. ممكن حاجة استعمال نضيف متبقاش اقل من موديل ٢٠١٠ مثااً .. ممكن لوجان زيرو

[bassemali]

اللوجان تكسب

[eisaa100]

بلاش استعمال مش هتوفر حاجة كل يوم مشكله محدش عنده ضمير صدقنى ووفر فلوسك

[Member 18]

طيب فى عربيه mg 350 s موديل 2013 زيرو
ايه رأيكم فيها ...
وبعدين مش معقول مفيش حد فى المنتدى معاه اكس باندينو ؟!

[bluemail]

طيب فى عربيه mg 350 s موديل 2013 زيرو
ايه رأيكم فيها ...
وبعدين مش معقول مفيش حد فى المنتدى معاه اكس باندينو ؟!

يبدو ان حضرتك عندك ميول صينيه :d , اكس باندينو او ام جي
نصيحه لله , ابعد عنهم هما الاتنين وخليك في النيو لوجان اتوماتيك او ممكن تلاقي حاجات حلوه مستعمله استعمال نضيف زي لانسر بومه او هيونداي اكسنت او النترا
كمان في اختار جيد جدا وهو الكروز 2012 او 2013 شفت حاجات كانت عداد قليل جدا تقريبا كسر زيرو
وبالتوفيق ان شاء الله في اختيارك

[Member 18]

يبدو ان حضرتك عندك ميول صينيه :d , اكس باندينو او ام جي
نصيحه لله , ابعد عنهم هما الاتنين وخليك في النيو لوجان اتوماتيك او ممكن تلاقي حاجات حلوه مستعمله استعمال نضيف زي لانسر بومه او هيونداي اكسنت او النترا
كمان في اختار جيد جدا وهو الكروز 2012 او 2013 شفت حاجات كانت عداد قليل جدا تقريبا كسر زيرو
وبالتوفيق ان شاء الله في اختيارك

فعلا الظاهر ان عندى ميول صيني
بصراحه العربيات شكلها جميل وامكانياتها كتير
والرينو بصراحه مفيهاش حاجه شكلها عدل غير الميجان
الباقيين كلهم شكلهم فيه حاجه غلط
والمستعمل طبعا افضل ، بس المشكله انك محتاج حد بيفهم وثقه يكون معاك
وبرضه انت وحظك ..
شكلها فى الاخر مش هلاقى غير اللوجان ، بالرغم من انى مش حابب شكلها
احاول اقنع نفسي بيها : اللوجان مسحوبه وطويله مش بطه ومكعبره :))))