طقم دبرياج بديل لجيلى باندا

[hodasawan98]

عندى مشكلة مش عارفة الاقى ليها حل

عربيتى جيلى باندا 2012 ... عاملة تقريبا 24000 كيلو .... من حوالى شهر اسطوانة الدبرياج جابت اخرها ...
الميكانيكى نصحنى اركب طقم دبرياج كامل ... اشتريت واحد من التوفيقية من الشركة الصينية.... ولما ركب لقيت فيه رجة جامدة على الاول والمارشدير
فهمت من الميكانيكى لانه كان شغال فى التوكيل القديم ان قطع غيار الباندا كلها مضروبة ... وانه كان بيفضل يغير اكتر من ديسك لحد ما واحد يظبط مع الاسطوانة
المهم خليته رجع لى الديسك القديم ...... شوية كده ورجع يعمل نفس الشغلانة تانى

انا دلوقتى مش عارفة اعمل ايه

حد يعرف نوع ديسك واسطوانة بتاع نوع عربيات تانى ينفع مع الجيلى

او حد يعرف مكان كويس اشترى منه قطع غيار كويسة

واكون شاكرة ليكم

[Abdou.Junior]

طقم دبرياج

أنا غيرته من حوالى سنة تقريبا وكان طقم الدبرياج كامل ب 950 جنيه ، والمشكلة انه فعلا قطع الغيار اغلبها تقليد ، واللى سمعته من فترة ان العفشة بتاعتها هى نفس عفشة تويوتا ايكو .. والله اعلم

[eslamaboelkeir]

يارب حد يكون عارف يفيدنا

[mohamed_prog]

اللي اعرفة ان الباندينو 1500 موتور وفتيس تويوتا ايكو موديل 2000-2003 ، الباندينو 1300 حاتلاقي موتورها بتكنولوجيا تويوتا فبص كدة علي ديسك واسطوانة بتاعت حتجة تويوتا 1300

[Mecha]

فيه مركه اسمها Exedy اساسا ياباني
بيعملوا ديرياش لكل حاجه، جيب واحد وركبه وهتريح دماغك نهاءي.