فتيس إيمجراند ٢٠١٣ مش لاقيه ارجو الافادة

[Loai22]

أرجو الافادة من أعضاء المنتدى المحترمين العربيه واقفه بقالها فترة ومتضرر جدا الفتيس بتاعها باااظ وحليته عند العفشجى لفيت الدنيا كلها ومش لاقي الفتيس بتاعها افادة الله يكرمكووو

[windofchange]

الفتيس مانيوال ولا اوتو

[Loai22]

مانوال يا غالي

[Abo_Mazen]

معلش ..سؤال جانبي ..هو إيه اللي بوظ فتيس عربية موديل 2013؟؟؟..هي العربية دي شغاله تاكسي؟؟؟

[amr011111]

غريبه ان الفتيس يبوظ فى الفتره ديه

[yasser100]

بس ده حتى لو شغاله تاكسى ما يقعش بالسرعه دى , خصوصا انه مانيوال كمان , الافضل اشتريه و ركبه فى التوكيل مش هاتلاقيه غالى قوى

[mody112]

هو انت مش المفروض فى الضمان
اطلع عليهم واعمل فيها بلطجى وقلهم هشتكى لحماية المستهلك وكده
لكن انت مش هتلاقيه بره لان العربية لسه جديدة وصينى فاللى هيتعامل فى قطع غيارها هيجيبهولك بالطلب وكع بقى او تشترية من غبور الحرامى وهتكعع برضه

[eslamaboelkeir]

اسئل عند زكي جرجس في شارع دمشق مصر الجديده ده مستورد قطع غيار كل الصيني اسئل

[dedi]

ياترى سبب البوظان اية لو سمحت
وانت موش فى الضمان

[lamada]

ردد علينا يا عم

[Loai22]

اسف لتأخرى في الرد اولا المشكله ان الفيس انكسر بسبب خبطه في مطب لانى العربيه واطيه والفتيس فضى من الزيت واتسرب والعربيه مشت من غير زيت فتيس فتروس باظت دا لسؤال هو باظ ازاى صانيا عشان انا حليت الفتيس برة الاخوة التوكيل قالو انه الضمان خلاص بح فسألت علي الفتيس قالولى ب ١٩ الف جنيه ههههه يعنى ربه تمن العربيه نزلت الحرفيين وطلع عينى عما لقيته ب ٦ الف جنيه استراد خارج كمان والحمد الله ركب والعربيه اشتغلت والحمد لله وشكرا للجميع

[mif]

اسف لتأخرى في الرد اولا المشكله ان الفيس انكسر بسبب خبطه في مطب لانى العربيه واطيه والفتيس فضى من الزيت واتسرب والعربيه مشت من غير زيت فتيس فتروس باظت دا لسؤال هو باظ ازاى صانيا عشان انا حليت الفتيس برة الاخوة التوكيل قالو انه الضمان خلاص بح فسألت علي الفتيس قالولى ب ١٩ الف جنيه ههههه يعنى ربه تمن العربيه نزلت الحرفيين وطلع عينى عما لقيته ب ٦ الف جنيه استراد خارج كمان والحمد الله ركب والعربيه اشتغلت والحمد لله وشكرا للجميع

الحمد لله انك صلحتها

بس 19 الف دا ثمن الفتيس فقط و لا فتيس بالمكنة؟! لانه لو فتيس فقط بيبقى مبالغة جدا ؟

الفتيس اللى ركبته بتاعها بتاع الجيلي ايمجراند ولا فتيس تويوتا و ركب عليها مثلا و جبته من عند مين ؟
و هل فتيس زيرو ولا مستعمل ؟

[zastaffa]

طب معلش ممكن تقولنا جبته منين بالظبط عشان أنا كمان معايا جيلي 2014 وفتيسها بيعمل ونة في كل الغيارات وكمان علي المور ومابيروحش غير لما ادوس دبرياج وانا بصراحة مش عارف السبب هل بلية دريك ولا كرونا ولا أيه بالظبط وخايف جداااااااا وماحدش قادر يفيدني هل البلية ديه ممكن تفرك مني وأنا ماشي ولا مافيش منها أي ضرر

[Colin Chapman]

فرغ زيت الفتيس بالكامل وحط موبيل فالفالينا لزوجة 140 وكله هيبقى تمام !!

طب معلش ممكن تقولنا جبته منين بالظبط عشان أنا كمان معايا جيلي 2014 وفتيسها بيعمل ونة في كل الغيارات وكمان علي المور ومابيروحش غير لما ادوس دبرياج وانا بصراحة مش عارف السبب هل بلية دريك ولا كرونا ولا أيه بالظبط وخايف جداااااااا وماحدش قادر يفيدني هل البلية ديه ممكن تفرك مني وأنا ماشي ولا مافيش منها أي ضرر

فرغ زيت الفتيس بالكامل ارميه وحط موبيل فالفالينا للتروس لزوجة 140 وكله هيبقى تمام !!
ممتاز للمانيوال

[zastaffa]

فرغ زيت الفتيس بالكامل ارميه وحط موبيل فالفالينا للتروس لزوجة 140 وكله هيبقى تمام !!
ممتاز للمانيوال

ومين سمعك يامعلم.....أنا فعلاً عملت كدا وجبت موبيل 140 جركن مقفول ومتبرشم من البنزينة وحطيته في الفتيس بعد مافضيت القديم وبرضوا الونة موجودة للأسف