سعر جيلي ايمجراند

[ms6118]

ابن خالي عنده عربيه جيلي ايمجراند 2014 بقالنا حوالي اسبوعين عاوزين نبيعوها ومش عارفين
متوسط الاسعار في في السوق وعند المعارض 60 الف لو العربيه حالتها كويسه ومفيش فيها خرابيش او بويه او اي اعطال
ووصل الامر معظم الناس بتقف عند 55 الف و 57 الف في أغلب الظروف
ليه الاسعار دي ، كمان ايه الاسعار اللي علي النت دي في كونت كار وكذا موقع معظم الناس كاتبه السعر من 70 الي 75 الف فين الناس اللي بتشتري بالسعر ده او ايه افضل مكان ابيع فيه العربيه


كمان روحنا لغبور فبريكه علي اساس انه الوكيل احسن واحد يشتري العربيه طالما بيشتري مستعمل فصلها 60 الف وعاوزنا نعملوا عقد مسجل علي حسابنا وده تقريبا في حدود 2000 جنيه

مفيش مكان يشتري بسعر افضل؟ ارجو المشوره علما بأن العربيه حالتها جيده جدا

[miam0502788391]

ربنا يحسن لك بيعها

[Delli7]

السلام عليكم,

مشكلة الجيلي - تقريباً الوحيدة - هي اعادة البيع ,
كان معايا الـ 2015 و بايعها في حدود 70 الف !
قعدت معايا حوالي 6 شهور بس !! ممكن من 11-2014 لـ 5-2015 متخيل خسرت قد ايه ؟؟
مع الاشارة انها اخر موديل للعربية وقت الشراء و وكذلك وقت البيع, بس بردو خسرت جامد جداً وكانت رخصة 3 سين , و تأمين شامل لمدة سنة و فاميه مثبوت علي الرخصة , و عداد 8000 كم فقط, و فابريكة بروة و جوة

فبتهيألي 60 الف مش هتلاقي اكتر من كدة علي موديل 2014 و انت خلاص دلوقت بقيت في 2016

لو مناسب حضرتك السعر ياريت تقولي حالة السيارة دلوقت ايه
و ايه المشاكل الموجودة فيها
و ايه الفرق بينها وبين الـ2015

لأني عاوز اغير العربية الحالية اللي معايا لأنها 2010 و مطلوب موديل احدث, فممكن اجيب الـ2014 منك لو مناسب

تحياتي

[theman]

استفسار

سلام عليكم عايز اعرف من حضراتكم ليه الناس بتبيع ايمجراند بسرعة يعني لما بنزل سوق السيارات بلاقي ناس واقفة بتبيع موديلات 2014 2015 وبتبقي العربية معملتش 20000 كيلو هما لحقوا يركبوها ولا ايه السر في كده هل اللي بيشتريها بيكون فاكرها كويسة ويتفاجا انه لبس في حيط؟