مشكلة سنتر لوك جيلي باندا

[الرجل الذكي]

السلام عليكم ورحمة الله وبركاته

اشتريت عربية جيلي باندا عاملة 7000 كم بس كانت مرفوعه 3 سنين لأن صاحبتها مبتعرفش تسوق
المهم فوجئت فيها مشكلة من الزيرو وهي خدت بالها بس للأسف مراحتش التوكيل تعملها وأكيد الضمان بح
السنتر لوك مش شغال للعربية بمعني ادوس عالريموت يفتح باب السواق بس وادوس يقفل باب السواق بس مش فاكر الباب اللي جمب السواق مع السنتر برضه بيفتح ولا لأ بس اللي ورا مش بيفتحوا , الشنطة بتفتح عادي من الريموت بس عاوز اعرف ايه مشكلة السنتر دي هي ممكن تبقي فيوز ولا ريلاي ولا ايه؟؟ وخصوصاً إنها قالتلي المشكلة دي من الزيرو
وتقييمكم لسعرها بالمرة تعمل كام حالياً
ولكم جزيل الشكر

[الرجل الذكي]

وياريت من مالكي العربية نصايحهم والمشاكل اللي وجهوها فيها عشان دي اول عربية ملك لي بعد ما كنت بسوق عربية والدي اللي هي دوجان وطبعاً اكيد مش هتستحمل نص اللي كنت عايش فيه مع الدوجان :d :d :d

[faryas]

السلام عليكم ورحمة الله وبركاته

اشتريت عربية جيلي باندا عاملة 7000 كم بس كانت مرفوعه 3 سنين لأن صاحبتها مبتعرفش تسوق
المهم فوجئت فيها مشكلة من الزيرو وهي خدت بالها بس للأسف مراحتش التوكيل تعملها وأكيد الضمان بح
السنتر لوك مش شغال للعربية بمعني ادوس عالريموت يفتح باب السواق بس وادوس يقفل باب السواق بس مش فاكر الباب اللي جمب السواق مع السنتر برضه بيفتح ولا لأ بس اللي ورا مش بيفتحوا , الشنطة بتفتح عادي من الريموت بس عاوز اعرف ايه مشكلة السنتر دي هي ممكن تبقي فيوز ولا ريلاي ولا ايه؟؟ وخصوصاً إنها قالتلي المشكلة دي من الزيرو
وتقييمكم لسعرها بالمرة تعمل كام حالياً
ولكم جزيل الشكر

مفيش عيب و لا حاجة بس عشان هي رفعتها 3 سنين تلاقيها نسيت طريقة فتحها بس .. السنتر شغال بيفتح باب السواق لوحده مع أول ضغطة و لو عاوز تفتح الأربع أبواب دوس ضغطتين ورا بعض يعني أكنك تبدوس دبل كليك .. تحياتي ((:

[الرجل الذكي]

مفيش عيب و لا حاجة بس عشان هي رفعتها 3 سنين تلاقيها نسيت طريقة فتحها بس .. السنتر شغال بيفتح باب السواق لوحده مع أول ضغطة و لو عاوز تفتح الأربع أبواب دوس ضغطتين ورا بعض يعني أكنك تبدوس دبل كليك .. تحياتي ((:

بالفعل الحمد لله قريت المعلومة دي في منتدي اخر بعد ما كتبت الموضوع ده في منتدي اخر
بس عندي استفسار بما انك من ملاك السيارة ربنا يحفظك
ايه تقييمك ليها ومشاكلها الفعلية اللي بانت معاك ونصايحك لي في هذه السيارة
وجزاكم الله خيرا

[amr011111]

موضوع السنتر لو دوست دوستين ورا بعض هيفتح كل الابواب. مهم انك غير الزيوت والفلاتر للعربيه لو هى كانت مركونه ومتغيرش فيها حاجه. وتبص على السيور فى العربيه واى اجزاء كاوتش لان مع الوقت عمرها بيخلص

[Colin Chapman]

أما بالنسية للأسعار، فتتوفر سيارة جيلي باندينو في السوق المصري بالأسعار التالية:

Geely pandino 1.3 gb mt 88,990
geely pandino 1.3 gl mt 92,990
geely pandino 1.5 gb at 100,990
geely pandino 1.5 gl at 106,990