إعـــــــلان

Collapse

.

,
See more
See less

مركز صيانة تكنو سيرفس وصيانة 516

Collapse
X
 
  • Filter
  • الوقت
  • Show
Clear All
new posts

  • مركز صيانة تكنو سيرفس وصيانة 516

    السلام عليكم ...
    بإختصار وفي نقاط بسيطة:
    1. كنت محتار قبل الشراء وقارنت كتير وسألت كتير ثم إستقرييت علي 516 وكنت مبهور بها
    2. في صيانة ال 15000 إشتكيت إن في صوت حكة في التيل دون الضغط علي الفرامل و مركز الصانة أصر علي تغيير التيل وقال المهندس إنسى الصوت والصفارة بعد كدة
    3. الصفارة رجعت تاني يوم ... حاجة كدة زي أتوبيسات النقل العام
    4. روحت لمركز الصيانة ... قال لي الباش مهندس مدير الفرع ........... ركزوا كويس
    (( إية ياباشا إنت مش عارف إنت راكب إية؟ لو جيت كل يوم برضو التيل هايصفر ... ده تيل مصري معفن إنت عايز إية يعني السعر واضح تيل بـ 170 ج عايزة يعمل إية ... ريح دماغك ولما تسمع صوت صفارة إبقي بص وراك كويس وفرمل فرملة جامدة))))
    5. ناس كتير ممكن تقولي كنت زعقت وقولت كذا وكذا ... لكن أنا ضحكت بعد الكلام اللي قالة المهندس المحترم ... ضحكت ضحكة المخدوع اللي أخيرا النصاب صعب علية حالة وقالة فوق بقه انا باضحك عليك وبأخدعك ياحمار!!!!!
    نفسي مصر تتقدم وتبقي زي مصر سنة 1950:wheelchair:
    mytutor2008 سابقا

  • #2
    حسبى الله و نعم الوكيل
    حضرتك ممكن تسال عند تجار قطع غيار الاسبيرانزا عن تيل نوعه انضف من النوع المصرى التعبان دة
    [aldl]http://iofimages.dmotorworks.com/images/xTiUm_6YOFf8Fgzr1cqPc0Sf53falxQB/0.JPG?WIDTH=640&HEIGHT=480[/aldl]

    Comment


    • #3
      اشترى تيل من بره من شارع دمشق اللى عليه اسيبرنزا الاصلى مش من التوكيل وركبه بره وشوف الفرق
      عن تجربه

      Comment


      • #4
        المشاركة الأصلية كتبت بواسطة mramzy مشاهدة المشاركة
        اشترى تيل من بره من شارع دمشق اللى عليه اسيبرنزا الاصلى مش من التوكيل وركبه بره وشوف الفرق
        عن تجربه
        هو واحد صاحبي غير التيل من شارع دمشق ومن بعدها لمبة الABS منورة على طول يا ترى ده عيب تركيب ولا عيب تيل وشكرا.
        إن كان الله معنا فمن علينا.

        Comment


        • #5
          المشاركة الأصلية كتبت بواسطة maged george مشاهدة المشاركة
          هو واحد صاحبي غير التيل من شارع دمشق ومن بعدها لمبة الabs منورة على طول يا ترى ده عيب تركيب ولا عيب تيل وشكرا. :u_thin1[1]:
          إللى غير التيل يا إما مركبش الحساس بتاع abs أو الحساس إتكسر أو مهزوز

          Comment


          • #6
            السلام عليكم
            أنا عندى مشكلة التيل و الصفارة دى من صيانة الخمسة أشتكيت منه و قالولى فى المركز اللى بعد الكارتة أنهم غيروه و لقيتها هى هية الصفارة
            و أستمريت لغاية العشرة و ساعتها عملت مشكلة و قالولى بس صنفرنا التيل و شقناه و كله تمام و قعدت معايا يومين بتصفر بصوت صغيرو زاد أوى تانى على طول و رجع أكتر من الأول
            مش عارف أعمل أيه أشتكيهم فى حماية المستهلك ولا أيه

            Comment


            • #7
              يا باشا زى ما احنا قولنا كدة
              التيل بتاع ابو الفتوح صناعة مصرية
              انزل التوفيقية او شارع دمشق عند تجار قطع غيار الاسبيرانزا و اطلب تيل مستورد نضيف و ان شاء الله المشكلة تتحل
              [aldl]http://iofimages.dmotorworks.com/images/xTiUm_6YOFf8Fgzr1cqPc0Sf53falxQB/0.JPG?WIDTH=640&HEIGHT=480[/aldl]

              Comment


              • #8
                اللى حصل لحضرتك أحد الاسباب الرئيسية التى تمنعنى من شراء التيجو اللى حاجنن و أشتريها حيث هذا التوكيل (مركز تكنو سيرفيس) أنا جربته عندنا فى الاسكندرية حيث بيقوموا بصيانات عربيات الدايو لان زى مانتوا عارفين أنه يتبع ابو الفتوح و شفت الامرين منهم و عايز أقول لحضرتك أنا بأعمل صياناتى الان عند ميكانيكى شاطر و ناره أحسن من جنتهم ألف مرة
                [FONT=Arial Black][SIZE=6][COLOR=Black][SIZE=5][COLOR=#193b9e]اللهم أدخلنى مدُخل صدقٍ و أخرجنى مُخرج صدقٍ و أجعل لى من لدُنك سلطاناً نصيراً[/COLOR][/SIZE]
                [SIZE=5]مهندس/ محمد حمام[/SIZE]
                [/COLOR][/SIZE][/FONT]

                Comment


                • #9
                  طب واللي ما يعرفش ميكانيكي شاطر يعمل إية
                  انا حاسس ان العربية بتنهار حتة حتة وعمال اسمع اصوات وطقطقة ومش عارف اروح لمين (وطبعا مش هاروح الصيانة تاني لإنها مضيعة فلوس ووقت علي الفاضي)
                  اللي يعرف ميكانيكي كويس أو بتاع عفشة ياريت يقولي علية ... انا ساكن في جسر السويس
                  نفسي مصر تتقدم وتبقي زي مصر سنة 1950:wheelchair:
                  mytutor2008 سابقا

                  Comment


                  • #10
                    المشاركة الأصلية كتبت بواسطة mytutor2008 مشاهدة المشاركة
                    انا حاسس ان العربية بتنهار حتة حتة وعمال اسمع اصوات وطقطقة ومش عارف اروح لمين (وطبعا مش هاروح الصيانة تاني لإنها مضيعة فلوس ووقت علي الفاضي)
                    كلامك ده قلقني جدا جدا يا ريت تقولى تقييم للعربية ورأيك فيها
                    [CENTER][FONT=Comic Sans MS][SIZE=4][COLOR=navy][FONT=Comic Sans MS][SIZE=4][COLOR=navy][FONT=Comic Sans MS][SIZE=4][COLOR=navy]بسم الله الرحمن الرحيم[/COLOR] [COLOR=darkred](ادخلوا مصر إن شاء الله آمنين)[/COLOR] [COLOR=navy]صدق الله العظيم[/COLOR][/SIZE][/FONT][/COLOR][/SIZE][/FONT][/COLOR][/SIZE][/FONT][/CENTER]
                    [CENTER][aldl]http://img689.imageshack.us/img689/4961/18354359.jpg[/aldl][/CENTER]

                    Comment


                    • #11
                      الحل الامثل و النهائي لجميع مشاكل السيارة 516 خارج التوكيل


                      زملائي الاعزاء
                      طبعا بعد طول غياب كان و لابد ان اعود الي بيتي الثاني و هو المنتدي و لكن حبت اعود و معي اخبار و مفاجأت سارة جداااااااا للجميع و هذا ما تعودتم مني ، المهم
                      انا تعرفت مؤخراً علي واحد مهندس كان يعمل في توكيل كيا ثم دايو و اسبيرانزا ثم الآن هو يعمل في توكيل تويوتا و فاتح ورشة ميكانيكي و عفشة و انا روحت له ققبل كده علشان يعمل صيانة و ميكانيكا في سيارات كيا و دايو و امبارح بس كنت عنده و اتكلم معي في السيارة بتاعتي و هو اشتغل فيها قبل كده كتير و قد صارحني ببعض المشاكل و اللي هي ماليش اي حل عند التوكيل زي
                      1- عضة الفتيس
                      2- صوت طلمبة البنزين
                      3- دبة العفشة و الصوت الذي يصدر من العفشة و انت ماشي في مطبات بسرعة قليلة
                      و هذا علي سبيل المثل و ليس الحصر و هو اكد لي ان هذه المشكلات لها حلول و هذه الحلول بسيطة جدا و لا تستلزم قطع غيار تماما و بس تظبيط بشكل معين و الكلام ده كله هو عرفه من التوكيل و ان الصين هي اللي قالت عليه و هي اللي معرفهم بيه و اكد لي ان التوكيل يعرف هذا جيدا و لكن لا يقوم به و لاسباب كثيرة جدااااااااا و هو ممكن يحل كل المشاكل ده بمنتهي السهولة و اكد ان العربية سوف تستغرق حوالي 3 ساعات في عملية التظبيط و الاصلاح و بعدها تصبح بدون مشاكل نهائياً ، و لكن بعد ده كله انا برضوا لم اصدق كلامه و كنت حاسس انه بيشتغلني الي ان قال لي الكارثة . نعم كارثة موجودة في جميع سيارتنا ال 516 جميعها و التوكيل سيبها و بيلبسنا في الحيط و هي :
                      موضوع عضة الفتيس : فهو قال ان المشكلة في الفتيس و ببساطة هو قال ان الموتور و الفتيس بيوصلوا الي مصر هنا متجمعين و مفلين و المصنع فقط يقوم بتركبه فقط لا غير و الموتور و الفتيس بيوصلوا مصر و هما فيهم زيت يسمي زيت تخزين و ليس زيت للاستخدام و ده فعلا بيحصل لاننا جميعاً غيرنا زيت الموتور بعد الف كيلو و لكن زيت الفتيس لم نغيره و هذه هي الكارثة .
                      فعلاً يا جماعة كارثة فهو اتراهن معي علي الزيت و قال لي لو فضيت الزيت و وجدته صالح و كميته سليمة هو يغيره لي ببلاش و فعلاً قبلت التحدي و انا علي ثقة في التوكيل اللي يقول لازم نغير زيت الفتيس بعد 40 الف كيلو و دخلت في التحدي و الراجل فضي الزيت و اذا بالكارثة الكبري و هي ان كمية زيت الفتيس اللي موجودة في السيارة بعد قياسها و جدنا انه ....................
                      كيلو فقط و الله يا جماعة زي ما بقول لكم كده كيلو واحد فقط اما الزيت فحدث و لا حرج و الله ميه ، يا جماعة انا غلست ايدي فيه و مسحت ايدي بالمناديل لم اجد اي اثر للزيت في ايدي و هو اكد لي ان التوكيل يعلم هذا و سيب الناس لغاية الفتيسات بتاعت الناس لما تطير و زيت الفتيس تم تغيره بناء علي كلامه فقط للمحاسيب فقط و المعارف ، و بعد بدأ في وضع الزيت الجديد و اذ نجد ان السيارة تأخد كام ؟؟؟؟؟؟؟؟؟؟؟؟ 3 كيلو اللي حاجة بسيطة و بعدين دورنا السيارة و بعد تسخينها انا قمت بجربتها و اذا شئ خارفي اجده و هو ان الفتيس اتغير تماما و عضة المارشدير اتختفت تماما و الي الابد بالاضافة الي نعومة الفتيس و اتزانه و النهاردة الصبح قلت لابد و ان اجرب السيارة و اذا بفرق كبير جدااااااااااااااااا صوت السيارة بقي هادئ جداااااااااااااااا و السيارة بتسحب علي التالت و الرابع بشكل رهيب و الله يا جماعة العربية فرقت كتير جداااااااااااااااا و ان شاء الله انا رايح بكره للراجل احل جميع مشاكل العفشة و طلمبة البنزين نهائياً و الي الابد
                      و اللي يحب يروح او يحب يجرب يا يقولي و يتصل بي علي الموبيل و انا علي استعداد للمساعدة اي احد و اعرفه علي الراجل
                      0105175158
                      و اخيراً بقول شئ واحد حسبي الله و نعم الوكيل في هذا التوكيل الحقير اللي عاوزنه نطير الفتيسات بتعتنا و نقعد نزم جمبها

                      منقول

                      Comment


                      • #12
                        المشاركة الأصلية كتبت بواسطة ash257 مشاهدة المشاركة
                        كلامك ده قلقني جدا جدا يا ريت تقولى تقييم للعربية ورأيك فيها
                        عفوا للتأخير عن الرد ... لكن الشغل
                        تقييمي للعربية
                        (ويارب ماحدش يقول إني عميل وبعمل دعاية)
                        العربية (بالنسبة لسعرها وقارنة بالانوس والفيرنا إللي هما كانوا إختيارى الأول) ممتازة وتستاهل 9 من عشرة
                        لكن كل مشاكلي مع العربية تتلخص في مراكز الصيانة (أبو رواش) و (تكنو سيرفيس)
                        تحس من معاملتهم إنهم معتبرين أصحاب السيارة مغفلين ودائما يستخدمونتبريرات كاذبة لتبرير إهمالهم ...
                        في أول صيانة في ابو رواش طلبت من المهندس انه يظبط فرامل اليد علشان بتترفع لأخر درجة وما بتمسكش .... وخرجت العربية كما هي ... ولما سألتة ماعملتوش فرامل اليد ليه؟ قالي : يا باشا هو الإستندارد بتاعها كدة!!!! قولتلو : لية يا عم ده ال 128 مش كدة
                        ساعتها قررت أروح صيانة تكنو سيرفس وظبتلولي فرامل اليد - وفرحت - وبعدها بكام يوم بدأت قصة الصفارة - والتيل يتغير عند 14000 كيلو (علي حسابي) وترجع الصفارة تانيمعاها هدية جديدة (حكة حديد في حديد علي السرعات البطيئة) و اروح أشتكي يقولوا عادي أصل التيل مصري
                        وكان أخرها كلام البية مدير المركز اللي خلاني أتأكد 100 % إن الناس دي بتعامل بمنطق (إنت دافع فلوس قليلة علي إمكانيات كتير يبقي إستحمل - وانت عارف إنك جايب صيني)
                        ومع ذلك مازلت مبهور بالعربية وبإمكانياتها (عن تجربة) وعارف أني لو روحت عند حد عندة ضمير يظبطها هاتكون ملهاش حل ......
                        نفسي مصر تتقدم وتبقي زي مصر سنة 1950:wheelchair:
                        mytutor2008 سابقا

                        Comment


                        • #13
                          الحل الامثل و النهائي لجميع مشاكل السيارة 516 خارج التوكيل
                          هي دى المعجزة اللي كنت مستنيها ...
                          سأكون أول المتصليين إن شاء الله ويارب يكون مكانة قريب
                          نفسي مصر تتقدم وتبقي زي مصر سنة 1950:wheelchair:
                          mytutor2008 سابقا

                          Comment


                          • #14
                            فين الراجل دة من زمان...العنوان اية؟؟؟

                            Comment


                            • #15
                              يا جماعه لو الكلام دا صح ممكن تجمعو توقيعات وترفعوا قضيه على التوكيل وتطالبو بنقل التوكيل لحد يحترم خدمة العملاء وميكنش نصاب

                              Comment

                              Working...
                              X