ياجماعه انا عايز اسال عن حاجه على ال 213

[ahmed]

يا جماعه بجد اللى بيعرف كويس فى العربيات يقولى العربيه دى كويسه و لا لآ انا شفتها فى معرض شكلها حلو اوى او ى او ىوواسعه جدا من جوة
وسالت الراجل قالى ان موتورها جولف بخامات صينى الراجل قالى ان سعرها 55 الف بس يا جماعه هى حلو ة يعنى انا بدور على حاجه مستعمله فى حدود خمسين ازود 5 تلاف واجيبها ولا اللى ما تعرفوش ما تجيبوش

افيدونى بجد بما عندكم من خبرة

[ahmed]

معقولة محدش عنده اى انطباع عنها؟؟؟؟؟

[fahd_628]

رأى ابعد عن الصينى و هات فيرنا او لانوس :lol:

[novocaine]

ألعربية جديدة و لسه ماحدش عارف
شوف اسبيرانزا كلوب

[MoToRiZeR]

بص هو الصراحة محدش يقدر يقول رأي و يكون صحيح 100% لأن الرؤية في السيارات الصينية مش واضحة

يعني عندك عربيات صيني زي الطين .. و عربيات محترمة و اثبتت وجودها نوعا ما زي الشيري A11 مثلا

و ناس كتير في العالم بتحذر من الصيني في الوقت اللي فيات ابتدت تنتج فيه عربيات بمحركات صيني .. و فيات شركة مش قليلة و مش جديدة يعني .. و في نفس الوقت برده شركة في حجم كرايسلر في امريكا بتعمل صفقات مع شيري

بإختصار هي عربيات فيها ابوشنز كتير و شكلها حلو .. و لكن موضوع العمر ده لسة مش مضمون .. لو انت جرئ في انك تاخد المخاطرة بتاعتها .. اشتريها .. لو عايز تبقي في المضمون فيه بدايل اخري مضمونة

مع ملاحظة ان العربيات اللي بنقول عليها مضمونة دلوقت .. من 10 سنين اللي بيشتريها كانوا بيقولوا عليه مجنون و كانت قمة المخاطرة

[TAG_Turbo0]

وسالت الراجل قالى ان موتورها جولف بخامات صينى

مين فتى الفتوه دى لحضرتك
قولى علية وانا اروح أجيبة من قفاه :shock: :shock: :shock:

انا دايماً لما حد بسيأل عن الصينى بقوله (أبعد عن الصينى وغنيله)
العمر مش بعزأه

[TAG_Turbo0]

ناس كتير في العالم بتحذر من الصيني في الوقت اللي فيات ابتدت تنتج فيه عربيات بمحركات صيني .. و فيات شركة مش قليلة و مش جديدة يعني .. و في نفس الوقت برده شركة في حجم كرايسلر في امريكا بتعمل صفقات مع شيري

الموضوع ده بيكون تحت رقابة من الشركة الأم يعنى شركة ذات سمعه بتنتج فى الصين علشان رخص الايدى العاملة دون التنازل عن الجوده
مش شركة ملهاش أسم بتسرق تصميمات حتة من تيوتا على حتة من متسوبيشى على حتة من فيات
وانا لا أقصد شركة بعينها فى كلامى ده
علشان محدش يزعل منى
أما الاسبرنزا أو الشيرى فهى لسة مش باين لها ملامح خاصه حتى الان والتأفيل المصرى يعيب العربية طبعا

[eng_mkhalaf]

والتأفيل المصرى يعيب العربية طبعا

مصرى أية يا عم دية مستوردة بالكامل - علشان الغلطة دية أنت فقدت المصداقية لجميع كلامك السابق - جت أوت المرة دية :-) :-)

[Hossam_Hassan]

لو تستحمل المخاطرة، اتكل على الله و جرب، بس لو الفلوس دى مش سهلة، يبقى خليك فى المضمون و هات حاجة متجربة.

[TAG_Turbo0]

مصرى أية يا عم دية مستوردة بالكامل - علشان الغلطة دية أنت فقدت المصداقية لجميع كلامك السابق - جت أوت المرة دية

انت شكلك مستنيلى غلطة
ماشى يا ريس
أولاً انا بتكلم عامة
وثانيا متزعلش شوية وهتتجمع فى مصر

[eng_mkhalaf]

لا مش قصدى والة بس انا ببقى مركز قوى فى رأى اى عضو وباخد رأية أنت كلامك كان عاجبنى لحد النقطة دية وبعد كدة جت الغلطة دمورت ليا كل حاجة ورجعت للصفر تانى - على العموم خيرها فى غيرها ;) ;) ;)

[أبو عبدالله]

اقتباس:

وسالت الراجل قالى ان موتورها جولف بخامات صينى



مين فتى الفتوه دى لحضرتك
قولى علية وانا اروح أجيبة من قفاه

انا مش قادر امسك نفسيوالله الله يصلح حالك
:D :D :D :D :D :D :D :D :D :D

[ahmed]

اقولك عليه محل سيارات قدام نادى الصيد بالدقى البوابه الرئيسيه روح بقى هاته من قفاه عشان تبقى قد كلمتك بدل ما تضحك كده

[TAG_Turbo0]

لا مش قصدى والة بس انا ببقى مركز قوى فى رأى اى عضو وباخد رأية أنت كلامك كان عاجبنى لحد النقطة دية وبعد كدة جت الغلطة دمورت ليا كل حاجة ورجعت للصفر تانى - على العموم خيرها فى غيرها

ده شرف ليا أن حضرتك تعجب بكلامى
ومعلش على الغلطة دى أعتبرها غلطة مطبعية

اقولك عليه محل سيارات قدام نادى الصيد بالدقى البوابه الرئيسيه روح بقى هاته من قفاه عشان تبقى قد كلمتك بدل ما تضحك كده

نفد من يدى المرة دى
المشكلة انى ساكن فى فيصل وشغلى فى مدينة نصر يعنى صعب أروح الدقى
معلش متعوضة المرة الجاية

[ahmed]

بس برده من فيصل للدقى مش بعيده والمحل بيفتح بليل وبالنهار