اسعار قطع الغيار الاسبرنزا A516

[Nader]

اسعار قطع الغيار الاسبرنزا A516
فانوس امامى 540

فانوس خلفى 260

مراية جنب 225

فلتر بنزين 25

فلتر زيت موتور 25

رادياتير 365

ترموستات 45

طلمبة مياه 230

جوان طلمبة مياه 10

موبينة 225

4 بوجيه 45

سير تقسيمة 170

شداد تكييف 220

سير دينامو 70

طلمبة بنزين 730

ديسك عجل 140

تيل فرامل 128

تم تثبيت الموضوع

ادارة المنتدى

[IAbdou]

انا شايف أن سعر الفانوس الأمامى غالى عللى عربية صينى

[Nader]

اصل المشكلة ان قطع الغيار مش موجودة غير عند الوكيل بس ... احتكار يعني مش عاجبك سعر الوكيل يبقى تمشي من غير فانوس!!

[eng_mkhalaf]

يا جماعة لية الرد بيكون دائما بالذم طب ما فية اهوة حاجات أسعارها حلوة لية محدش علق عليها - شى غريب يعنى هية جت على الفانوس

[yahyanaabil]

انا شايف ان الاسعار كويسه يعنى زى اللانوس مع ملاحظه ان ديه اسعار الوكيل بس سعر طلمبه البنزين مبالغ فيه

[IAbdou]

يا جماعة لية الرد بيكون دائما بالذم طب ما فية اهوة حاجات أسعارها حلوة لية محدش علق عليها - شى غريب يعنى هية جت على الفانوس

لا تعليق

[usama_esam]

الاسعار غالية جدا بس مش عشان هي صيني زي ماقال الاستاذ بس عشان فانوسها متكلف حقيقي وخماتة افضل من الماتريكس والفيرنا بتوعك وعلي فكرة معايا الالنترا لحسن !!!!!!!!!!

[PRO-DRIVE]

^^^ السؤال الابدي
ايه الدليل ؟؟ او جيب دليل ؟

[Nader]

ارجوا يا جماعة انكم تحترموا الموضوع اكتر من كدة شوية!! دة مخصص لقطع الغيار واسعارها علشان اي واحد عندة او بيفكر يشتري الـA516 يستفاد.

اي حد عندة اسعار تانية يا ريت يفيد زملائة، اي جدالات تانية مش مطلوبة هنا.

شكراً.

[nader.elalaily]

بأفكر اشترى اسبرانزا

زملائى الاعزاء
انا بأفكر اشترى سيارة اسبيرانزا A516 موديل 2008 و ذلك بعد مادرست اهم حاجة بالنسبة لى و هو سمك الصاج عفى و ايضا سألت فى التوكيل و ايضا فى مراكز الصيانة التابعة للسيارة فى الاسكندرية
مع العلم انى امتلك سيارة لادا 1300 C.c موديل 1984 و هى سيارة جيدة و ايضا عندى سيارة ميتسوبيشى لانسر 1300c.c.موديل 2007 مواصفات مصرية و لاانكر النعومة فى اليابانى و لكن اعانى من كثرة الصدمات و تعرض الصاج للخبطات و هو خفيف و بالتالى التكلفة العالية جدا و انا عارف انها فكرة غريبة انى ابيع لانسر و اركب حاجة تانية .
رجاءا افيدونى بسيارة اقوى بعض الشى و ليست لادا اخرى طبعا و تكون فى حدود 85000 جم - المهم تكون قوية كجسم سيارة - لست من هواة الكماليات العالية .وهل اختيار اسبيرانزا خاطىء ؟

[أبو_حمزة]

طب ما تشوف الواجا
فى حدود السعر اللى بتقول عليه و صاج ممتاز
بس عايز رايي
حرام تبيع عربية مو ديل 2007 يعنى لسه جديده عشان شوية خبطات
عربيتك اتخبطت خلاص
و غيرها ممكن يتخبط برضه
و تكلفة السمكرة مش هتنزل كتير بس دمك ها يتحرق على العربية الجديدة
خليها معاك احسن و خد بالك شوية فى السواقة و حاول تركن فى جراج

[simon]

قطع غيار

على فكره يا جماعه انا شفت محل فى شارع هارون الرشيد فى مصر الجديده بيبع قطع غيار الاسبيرانزا بس ماسألتش على سعر اى حاجه بس ده بيدل ان التوكيل مش محتكر قطع الغيار و لا حاجه و انا تقريبا متأكد ان اسعار المحل حتبقى اقل من التوكيل و طبعا اكيد حتبقى قطع الغيار صينى و فى حالة الا:)سبيرانزا تبقى قطع غيار أصليه.

[uioprty]

معلش يا اخواني ممكن سؤل
عندي وش الفانوس الخلفي اسبرانزا 516 اتكسر كسر بسيط نسبيا لا يستدعي تغير الفانوس اطلاقا بس طبعا شكلة مش حلو علي عربية 2007 جديدة
فهل هناك قطع غيار وش فانوس بس مش فانوس كامل ...ولا لازم اغير الفانوس كامل
وهل يوجد حلول اخري ؟؟؟؟؟
الف شكررررررررررررررررررررررررر

[soundoffear]

على فكره يا جماعه انا شفت محل فى شارع هارون الرشيد فى مصر الجديده بيبع قطع غيار الاسبيرانزا بس ماسألتش على سعر اى حاجه بس ده بيدل ان التوكيل مش محتكر قطع الغيار و لا حاجه و انا تقريبا متأكد ان اسعار المحل حتبقى اقل من التوكيل و طبعا اكيد حتبقى قطع الغيار صينى و فى حالة الا:)سبيرانزا تبقى قطع غيار أصليه.

مااظنش يا باشا
لان التوكيل بنفسه هو اللي قايلي قطع الغيار حكر علي ابوالفتوح وكلمهم واسمع منهم الكلام ده

[radwan]

السلام عليكم
والله ياجماعة انا عضو جديد معاكم هنا وبافاضل بين الاسبرانزا 1600 والفيرنا 1600 فياترى ايه رأيكم ؟ انا لسه ما اشتريتش وعايز اعرف من افضل من حيث اإمكانيات والكفاءة وقطع الغيار
وجزاكم الله خيرًا