يا نهار أبيض ..... عيب فظيع في الأسبرانزة ...

[kamel mahmoud kamel]

زعلتنى منك يا جنيدى ما انت عارف انى زملكاوى كدة عيب و بعدين كلنا مصريين و الأهلى ماشى حلو دلوقتى و بكره الزمالك يطلع تانى حبه فوق و حبه تحت و بكره افكرك يوم 21 مايو لما الزمالك يكسب الأهلى و شوف الأهلويه حيقولو ايه

اسبرنزاوى رقم 3
م/ كامل محمود

[aamerbebo]

من بين كل اصحابك يا جنيدي انت الوحيد اللي اهلاوي؟؟؟؟؟؟؟؟
هو انت مش حاطتني من قائمة الاصدقاء ولا اية يا محمد؟؟؟
ماشي يا محمد لينا مطار نتكلم فيه في شهر 7 ان شاء الله

[ehabbadr]

ليه أى حد من أى منتدى تانى يعدى على الاسبرانزا يقول كلمتين و يمشى رغم انه لا ركبها و لا جربها اما الاسبرانزويه مش بيعلقوا على أى منتدى أخر بدون تجربه طبعا الكلام ده لالالالا ييييييشمل سبعاوى لأن كل مايكتبه مفيد و مجرد مشاركته افاده للجميع

[Abdallah]

وهل منتدى الاسبيرانزا منطقة محرمة للعامة امثالنا يا سيدى؟؟

[aamerbebo]

لأ يا استاذ عبدالله دكتور ايهاب يقصد ان الكثير من الاعضاء يرى منتدى الاسبيرانزا فيدخل ويختار احد المواضيع
ويشتم شوية في الاسبيرانزا ويطلع من غير حتى ميكون عارف اي معلومات عن العربية..
انما احنا بنحترم النقد البناء والقائم على اسس.....

[ehabbadr]

لأ سياتدك فهمتنى غلط مش قصدى منطقه ممنوعه لكن لما أدخل منتدى تانى مش باستهزئ بالناس اللى فيه و بسياراتهم ممكن أنقد بس باسلوب مقبول جدا

[أبو عبدالله]

مع احترامي الكامل لأشخاص صاحبي سيارات الأسبرنزا

انا مش فاهم ايه النقد اللي بأسلوب مش مقبول حد قاله قبل ذلك

للأسف منتدى الأسبرنزا لا يقبل نقد مقبول او غير مقبول على الأطلاق ... الا من رحم ربي

وده سبب من الأسباب اللي بتخلي اي واحد معدي على منتدى الأسبرنزا يدخل ويقول كلمتين ....

وبعدين في نقطه بقه مهمه جدا لازم نتكلم فيها
ان أساس المنتدي أصلا مش انه يحبب الناس في الأسبرنزا او انه يجمع الناس اللي اشتروا العربيه دي وبس ولكن الأهم من كده واللي احنا من أول مقابله اتقابلنا فيها وجمعنا أنفسنا على ................ حماية المستهلك ..................

مش علشان خاطر عيون عربيه معينه او نوع معين او ماركه معينه حتى لو كانت الماني او ياباني او امريكي او كوري او صيني او توك توك هندي كمان

وهي دي النقطه اللي انا شايف ان منتدى الأسبرنزا مش شايفها خالص ....

يعني لما واحد قال عاوز اشتري عربيه أسبرنزا ولا مش عارف ايه
وواحد رد عليه وقالوا في اختيارات تانيه
لقيت اخ فاضل مكنشي عجبه ان هو بيطرح عليه اختيارات تانيه ..... يا أخي ما هو ممكن يكون جاهل بالسيارات أصلا ممكن يكون مسمعشي الا عن دول او اي حد قلو عليهم ويكون في اختيارات تانيه ممكن تعجبه اكتر بكتير من دول ....ولكن ازاي

عرفت ان الهدف هو حماية المستهلك مش حماية ماركه او نوع معين

وربنا يهدينا للصواب

[hazem_khidr]

وهل منتدى الاسبيرانزا منطقة محرمة للعامة امثالنا يا سيدى؟؟

انا حاسس بكده فعلا دا مجرد ما الباشمهندس سبعاوي قال واخدين من الزملاكاويه شفت الي حصل كل واحد يقولك انا مش زملكاوي!!!!!!و هو قال شبهم مش قال انهم زملكاويه كمان

[ehabbadr]

سيادتك لمل واحد بيقول أشترى اسبرانزا م .امر قالوه استنى شويه لما يصلحوا العيوب اللى فيها و ماضحكشى عليه و قاله انها مافيش فيها عيوب و انا فى مداخله ذكرت عيوب التكييف فى 2007 اللى ماحدش زكرها الا فى 2006 حصرتك لو لاقتنى أدخل منتدى اليابانى و أشتم فى عربيه و السلام و على حاجات تافهة ممكن تفوت مره و التانيه بعدها لازم ترد و ده اللى بيحصل

[أبو عبدالله]

بص يا استاذ ايهاب انا مش مهم عندي انه يشتم اي عربيه حتى لو كانت مرسيدي او بي ام
ولكن المهم عندي انه مايقولشي حاجه غلط مش موجوده في العربيه اللي هو بتكلم عليها اذا كان ذلك بسبب فهم خاطئ او عدم وجود خبره او كده وخلاص علشان وهو ده المهم لما واحد يكون بيفكر في العربيه ويدخل المنتدى ويبص على الكلام اللي موجوده يلاقي واحد كاتب معلومه غلط مش موجوده في العربيه او فهم خاطئ من كاتب المعلومة دي
مما يسبب بذلك لتوجيه المشتري او الساءل اتجاه غاطئ او فهمه للعربيه فهم غاطئ ...... ومش ده الهدف اللي احنا بنسعى اليه

[aamerbebo]

استاذي العزيز ابو عبد الله والله يا جماعة احنا شوفنا كتير جدا من الكلام ده وياما ناس هاجمتنا ولكننا نحترم النقد البناء كما قلتها من قبل... ولكن ممكن تلاقي حد دخل قال ان العربية وحشة وخرج من غير بقى حقيقة علمية او تجربة او اي حاجة... وده طبعا ممكن يزعل الناس..
بس ده متوقع لأن السيارة جديدة في الاسواق ولازم تكون العين عليها ولازم تلاقي اللي يمدح فيها وتلاقي اللي يقول انها رديئة.
والحل ان احنا نرد على من ينقد نقد بناء واللي داخل يهزر نسيبة يهزر واللي عايز يهزر معاه يهزر انما لو حد داخل علشان الاستفادة فعلية تفادي مثل هذه الحوارات.
الموضوع بسيط يا جماعة م منطقة محرمة ولا حاجة كل واحد يقول اللي هو عايزة واللي كلامة سليم هيفرض احترامة على الجميع.
بالنسبة لموضوع سبعاوي فكل الكلام اللي اتقال كان هزار مش اكثر....

[sokasoon]

اولا انا عارف انك تقصدنى انا بالكلام اللى انت قولتو يا طارق

بعدين انا ولا دخلت شتمت فى العربية وخرجت انا دخلت قولت عن شىء حصل عن تجربة زميل لى

وموضوع الكرتونة هل انا بقول كلام مش صحيح وبعدين انا جبت صور علشان تشوفها يعنى مش كلام من نفسى ولا بشتم

فى العربية لو انت قريت الموضوع كويس هتلاقى انى كاتب كلمة (بدون استهزاء بالسيارة ) علشان عارف اللى

هيحصل منك ومن غالبى من مالكى الاسبيرانزا ولاكن الكثير تقبل الموضوع وجيت بعديها وجبت صور بدوسات حقيقية

مش كرتووون انا مش عارف انت ليه متعصب كده وبعدين وبعدين بتقول انى كتبت موضوع نقد السيارة فى منتدى

الاسبيرنزا انت كنت عاوزنى اكتبوو فين فى منتدى المرسيدس ولا BMW انا شايف انك مش لاقى حاجة تقولها وخلاص

[aamerbebo]

على فكرة يا استاذ sokasoon العربية مش بتخرج من التوكيل بهذه الكراتين. يعني ده مش عيب في التوكيل او قلة زوق مثلا...
اخيرا اتمنى من حضرتك طرح وجهة نظرك واللي عايز يعلق ده حقة.

[hazem_khidr]

على فكرة يا استاذ sokasoon العربية مش بتخرج من التوكيل بهذه الكراتين. يعني ده مش عيب في التوكيل او قلة زوق مثلا...
اخيرا اتمنى من حضرتك طرح وجهة نظرك واللي عايز يعلق ده حقة.

هههههههههههه هيا بقت المششكله العربيه بتخرج بكراتين ولا لاء؟؟و الله الواحد مش عارف سيبنا كل حاجه و بنتخانق علي كرتونه و مش كرتونه بتطلع بيها العربيه من المصنع؟؟؟

[sokasoon]

على فكرة يا استاذ sokasoon العربية مش بتخرج من التوكيل بهذه الكراتين. يعني ده مش عيب في التوكيل او قلة زوق مثلا...
اخيرا اتمنى من حضرتك طرح وجهة نظرك واللي عايز يعلق ده حقة.

انا ماقولتش انها خرجة من التوكيل كده خالص ولا جبت سيرتوو