speranza A113 driving test

[MoToRiZeR]

انهاردة واحد صاحبي في الجامعة جه و معاه العربية فا قلت اجربها

مبدئيا .. نفتح الكبوت .. الموتور عليه علامة سبيرانزا .. ولا موتور ياباني ولا بتاع

ندخل جوة العربية .. العربية فخمة من جوة اوي
فيها كمية ادراج بشعة .. حوالي 5 ادراج ( 3 في التابلوه - واحد ورا - واحد في كرسي السواق )
التكييف جميل .. صوت العربية هادي جدا لدرجة اني دست بنزين من غير غيار عشان اتأكد انها دايرة فعلا
الساوند سيستم لا بأس به .. بس الكاسيت مبيقراش اسم الأغنية من السي دي .. رقم التراك بس مع انه ام بي ثري مش اوديو

شكل العدادات جامد جدا .. باقي التابلوه جميل و لكن تحس ان الخامات مش قد كدة

من الحاجات اللي موجود في العربية .. ممكن تنزل و الازاز مفتوح و تقفل السنتر لوك فا هو هيقفل الازاز لوحده
الازاز بينزل بضغطة واحد علي الزرار اما تيجي تفتحه

ندوس دبرياج و نجيب الأول عشان نطلع بقي .. الأول مش عايز ييجي !
كل اما يجيب الأول الغيار ينطر و يرجع تاني .. و دي بالمناسبة مكانتش حالة فردية في العربية بتاعة صاحبي بس ..
المهم عافرنا و مشينا .. باقي الغيارات سليمة .. صوت العربية واطي .. السحب حلو
جبنا الخامس و الصوت لسة واطي بس احنا كدة كدة ماشيين علي 110 يعني .. و مينفعش ازود عشان العربية في التليين .. ولعنا التكييف .. اداء العربية زي ما هو ... و التكييف زبط العربية في خلال دقيقة

الصالون واسع .. الشنطة صغيرة جدا .. تنجيد الصالون حلو

بإختصار العربية حلوة كأي عربية زيرو .. و لكن من اول مرة تركبها تقدر تقول انها مش هتعيش كتير و انها مش عربية معمرة .. مع انها فخمة جدا .. بس ده لسة بنليين و الفتيس بيعض

كمان سنة الفرامل تعطس .. العدادات تصدع .. الموتور يشتم .. محدش ضامن
و لكنها عربية مش وحشة

[محمدايهاب]

يعني داخل جميل - عمر مجهول

[hamedo0]

في صيانه الالف كليو حظبطو ده الفتيس بس يقول علي كل حاجه في العربيه

[Ahmed Anwer]

العربية دي مش عارف ليه متنيألها بمستقبل باهر

يمكن صالونها حلو أوي و لا العربيات أم 150 ألف و شكلها لطيف

يمكن عشان بتسد فراغ البرايد

علي فكرة الأفيو فتيسها بيعض برده ،،

المهم تبقي مش حاجة للأبد ،، و تتعمل في الصيانة بسهولة

[tarekkasaby]

علي فكرة الأفيو فتيسها بيعض برده ،،

+100000000000000

بس بيطظبط فى التوكيل

[NaderNabil]

أنا مقتنع بنسبة 80% بالعربية ديه....و بدأت تنونو في دماغي :D

[novocaine]

أنا بقا قربت أهوهو

[fahd_628]

شكرا على التجربة يا باشا بس اية حكاية الفتيس دية ياريت لما يعمل الصيانة تقولنا اتعدل ولا لأ

[Meedo]

ياريت تتابعنا بالأخبار عشان العربيه دى شكلها كده هاتكون بديلة الأكسنت والبرايد واللى هايشتريها هايتبسط منها!!!!!

[Meedo]

وأبقى طمننا على الفتيس!!!!!!!!1

[aboalm]

و لا تنونو ولا تهوهو اصبر انت و هو شويه هيا لسه لحقت و لا عايزين تكونو حقل تجارب

[Ahmed Anwer]

هيا بصراحة أشيك من الأتوس و السبارك و الألتو .............

[ahmed]

انا بصراحه نفسى اروح اجيب ال 213 بتاعتها الاكبر منها شويه خصوصا انها جت فى وقت كنت بدور فى على عربيه فى الرينج ده بقالى 3 شهور بس متردد جدا جدا جدا جدا ...................................... اوى خالص :roll:

[CryptonX]

بالمناسبة السيارة الشيري / اسبيرانزا A1 13 و ال A2 13
مازالت جالسة على شاسيه معدل من الدايوو ماتيز .
و الموتور هو اكتيكو , زي الي في ال A5 بس 1300 سي سي .

بتنزل منها نسخة تانية في الصين 1100 سي سي .

السيارة A1 حتكون اول سيارة صينية تدخل امريكا الاتينية السنة دي , تحت علامة " DODGE " استعدادا لدخولها بعد تغيير شكلها الخارحي في 2009 للسوق الامريكية , من ضمن باقة السيارات الي شيري ناوية لامريكا بيهم .

A1 / A3 / A6
M14
A6CC
F1
T6

دي الموديلات الي رايحة امريكا .

[MoToRiZeR]

بالزبط .. و شيري A1 ده اسم العربية برة مصر .. هي نازلة في مصر بس باسم سبريانزا A113

احنا كلمنا التوكيل و قالولنا ان اي حاجة في العربية نعرفها و هتتزبط في صيانة الألف ..
و هي عموما كل الحاجات اللي ظهرت العضة بتاعة الفتيس دي و صفارة خفيفة في الفرامل ..

غير كدة العربية ماشية تمام و مفيش مشاكل .. يعني في اقل من اسبوع مشيت 350 كيلو مقعدتش