ثقافة الاختلاف

[محمد المشد]

الاخوة اعضاء المنتدى الكرام

اتمنى بل ارجوا ان يكون لدينا وعى بثقافة الاختلاف ولا داعى للتناحر بصفة مستمرة واعتقد ان تواجدنا جميعا بالمنتدى من التواصل والاستفادة والتزود بالخبرة من اصحاب الخبرة او زيادة المعلومات لدينا من الجميع لذا ارجوكم دعونا نستقى المعلومات من بعض وننهل من خبرات الاخوة بالمنتدى او الزائرين بدلاً من التعصب والتناحر الذى ذكرنى بمنتدى كونتكت كار فى بعض ايامة وخاصة قبل فتح هذا المنتدى

[Abonora]

كلام جميل ورائع يا استاذ محمد--ولكن لا تقلق فكلها مداعبات ولن يخرج احد عن النص --خاصا وان الجميع يشعر بالجو العائلى هنا فى نايل موتورز--

[محمد المشد]

الاستاذ / جنيدى

اشكر ووفقك الله

[أبو عبدالله]

ثقافة الأختلاف هي ان حضرتك لما أقول حاجه على العربيه مش حق ومش موجوده فعلا ساعتها تقدر تقولي انك بتفتري على العربيه
وهي دي ثافة الأختلاف

اما ان كل ما حد يقرب من العربيه حد يجي يأكله او يقعد يسمعه كلمتين شعر وغزل وزجر

انا مش فاهم بصراحه ايه اللي في العربيه
ده العربيه من اول وهله تشوفها ........... والكلام ده ممكن كتير مايستوعبهوش
ان العربيه الموديلين لأول وهلة تشوفهم تلاقي ان في عدم تناسق هندسي في التصميم أصلا ... وبكرر ان مش اي حد او مش كل الناس هتقدر تستوعب الكلام ده ...........
ولكن العربيتين الموديلين بتوع الأسبرنزا .............. فيهم خطأ في التصميم الهندسي وعدم تناسق في الشكل العام وده واضح جدا بس كل واحد ومدى تركيزه ورؤيته ...........
يعني انا من رأي ان الشيري فيها انسجام هندسي مقبول جدا عن الأسبرنزا

وده رأيي الشخصي ......... ولو حضرتك هتطبق ثقافة الأختلاف ياريت تتقبل الكلام وتسال فيه وتستفسر أحسن من ان حد يرد ويكتب قصائد شعر وزجر ...........

وربنا معاكم

[Abonora]

هناك بالفعل بعض الاختلافات التى لاحظها الكثير من الاخوة فى احد المقابلات ووجدنا ان فى سيارة الاستاذ كامل على ما اتذكر او سيارة المهندس محمد ناجى --بصراحة مش متذكر بالظبط المهم لاحظنا ان الفروق ما بين كبوت السيارة والاكصدامات مختلف من سيارة لاخرى --ولكن فى الشكل الهندسى فى الحقيقة اول مرة اسمع هذا الكلام -

[محمد المشد]

اشكرك ياابو عبد الله
بس ارجوا إلا تحرمنا من خبرتك بصفة دائمة فى الاسبرانزا او غيرها ورايك الشخصى له وجهته وتقديرة وكما قلت سابقاً يجب ان احترم رايك حتى وان اختلفت معه فمن الجائز ان تكون خبرتك بالسيارات اكبر وا حسن منا بارك الله فيك على فكرة انا ثانى سيارة اركبها فى حياتى كانت دايهاتسو وبصراحة اكثر من ممتازة وكانت مثل سيارة سعادتكم بارك الله لك فيها وكفاك شرها

[أبو عبدالله]

والله في حاجات كتير
والله انا
اول ما العربيه نزلت رحت اتفرجت عليها حته حته ومسمار مسمار

والله البنط الحديد في الصاج في الابواب والشنطه والكبوت بارزه جدا وواضحه زي الشمس
والله وانا احاسب على الكلام ده ان البويه كانت مسيله على يد الأبواب وشكله وحش جدا
اما عن التقفيل فده طبع في التقفيل في مصر ان مفيش عربيه زي التانيه ولازم تلاقي فروق زي الدايو كده وانا مجرب اللانوس والنوبيرا

وبعدين يا جماعه العربيه والله شكلها الهندسي مش متناسق خالص يعني الموديل الكبير ده لما تشوفها تلاقي البودي بتاعها أكبر يكتير من حجم الشاسيه اللي قائم عليه العجل وتحس انها منفوخه لبره كده ..... وكمان في حاجه ممكن حد يرد عليا فيها ان الموديل الكبير ده برضه كل ما اشوف واحده منها الاقي الشاشه اللي في المخدع طالعا من مكانها وتحس انها متلصمه . وده شوفته في اكتر من عربيه مش واحده يعني الشاشات اللي بتتباع لوحدها بالمخدع تقفيلها أنظف منها مليون مره ....

وبعدين انا مش عارف أصلا العربيتين دول مقدمين ايه جديد ومميز للسوق المصري علشان يبقى عليهم العين كده غير انهم ارخص عربيات في فئتهم
واظن ان دي مش ميزه أد ما هي ممكن تكون بالسلب

[أبو عبدالله]

والله في حاجات كتير
والله انا
اول ما العربيه نزلت رحت اتفرجت عليها حته حته ومسمار مسمار

والله البنط الحديد في الصاج في الابواب والشنطه والكبوت بارزه جدا وواضحه زي الشمس
والله وانا احاسب على الكلام ده ان البويه كانت مسيله على يد الأبواب وشكله وحش جدا
اما عن التقفيل فده طبع في التقفيل في مصر ان مفيش عربيه زي التانيه ولازم تلاقي فروق زي الدايو كده وانا مجرب اللانوس والنوبيرا

وبعدين يا جماعه العربيه والله شكلها الهندسي مش متناسق خالص يعني الموديل الكبير ده لما تشوفها تلاقي البودي بتاعها أكبر يكتير من حجم الشاسيه اللي قائم عليه العجل وتحس انها منفوخه لبره كده ..... وكمان في حاجه ممكن حد يرد عليا فيها ان الموديل الكبير ده برضه كل ما اشوف واحده منها الاقي الشاشه اللي في المخدع طالعا من مكانها وتحس انها متلصمه . وده شوفته في اكتر من عربيه مش واحده يعني الشاشات اللي بتتباع لوحدها بالمخدع تقفيلها أنظف منها مليون مره ....

وبعدين انا مش عارف أصلا العربيتين دول مقدمين ايه جديد ومميز للسوق المصري علشان يبقى عليهم العين كده غير انهم ارخص عربيات في فئتهم
واظن ان دي مش ميزه أد ما هي ممكن تكون بالسلب